2 Reyes 24:3 - Li Santil hu

³ Relic chi ya̱l li Ka̱cuaꞌ quixba̱nu aꞌin re nak eb laj Israel teꞌisi̱k saꞌ li naꞌajej Judá xban li ma̱usilal li quixba̱nu laj Manasés.

Q'eqchi Bible

³ Jo'ka'in kixk'ul laj Judá sa' ruq' li Qaawa', xb'aan li maa'usilal kixb'aanu laj Manasés

2 Reyes 24:3 ပူးပေါင်းရင်းမြစ်များ

2 Reyes 18:25

¿Ma ma̱cuaꞌ ta biꞌ li Ka̱cuaꞌ xtaklan chak cue saꞌ li naꞌajej aꞌin chi pletic? ¿Ma xinchal ta biꞌ chixsachbal ru yal injunes?” chan.

Miqueas 2:10

Cuaclinkex ut ayukex xban nak li naꞌajej aꞌin incꞌaꞌ chic ta̱usa̱k. Xban li ma̱usilal nequeba̱nu, li naꞌajej aꞌin ta̱sachekꞌ.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Isaías 45:7

La̱in quinyi̱ban re li cutan ut la̱in ajcuiꞌ quinyi̱ban re li kꞌojyi̱n. La̱in ninqꞌuehoc tuktu̱quil usilal ut ninqꞌuehoc ajcuiꞌ chꞌaꞌajquilal. La̱in li Ka̱cuaꞌ ninba̱nun re chixjunil aꞌin.

2 Crónicas 25:16

Toj yo̱ ajcuiꞌ chi a̱tinac nak li rey quixye re: —¿Ani xxakaban a̱cue chi qꞌuehoc innaꞌleb? Cui incꞌaꞌ ta̱canab a̱tinac, la̱in tintakla a̱camsinquil, chan. Ut li profeta quixcanab xqꞌuebal xnaꞌleb ut quixye re: —La̱in ninnau nak li Dios tixsach a̱cuu xban nak xaba̱nu li incꞌaꞌ us aꞌin ut incꞌaꞌ xacꞌul li naꞌleb li xinqꞌue raj a̱cue, chan.

2 Crónicas 24:24

Moco nabaleb ta li soldado aj Siria li queꞌchal chi pletic. Abanan queꞌnumta saꞌ xbe̱neb laj Judá usta kꞌaxal nabaleb. Li Ka̱cuaꞌ quixkꞌaxtesiheb aꞌan saꞌ rukꞌeb laj Siria xban nak eb aꞌan queꞌxtzꞌekta̱na li Ka̱cuaꞌ lix Dioseb lix xeꞌto̱nil yucuaꞌeb. Joꞌcan nak li Ka̱cuaꞌ quixtakla raylal saꞌ xbe̱n li rey Joás.

Josué 23:15

Joꞌ nak xqꞌue chixjunil li cha̱bil li quixyechiꞌi e̱re li Ka̱cuaꞌ le̱ Dios, joꞌcan ajcuiꞌ nak tixqꞌue chak raylal saꞌ e̱be̱n joꞌ quixye e̱re, cui incꞌaꞌ te̱ba̱nu li us. Tixsach e̱ru re nak incꞌaꞌ chic texcua̱nk saꞌ li cha̱bil naꞌajej aꞌin li quixqꞌue e̱re li Ka̱cuaꞌ.

Deuteronomio 29:28

Xban nak quinumta xjoskꞌil li Ka̱cuaꞌ saꞌ xbe̱neb, joꞌcan nak li Ka̱cuaꞌ quirisiheb saꞌ li naꞌajej aꞌin. Xban xjoskꞌil quixtaklaheb saꞌ jalan naꞌajej li cuanqueb cuiꞌ toj chalen anakcuan,” chuꞌuxk reheb.

Deuteronomio 28:63

Joꞌ nak quisahoꞌ xchꞌo̱l li Ka̱cuaꞌ nak quexqꞌue chi nabalocꞌ, joꞌcan ajcuiꞌ nak ta̱sahokꞌ xchꞌo̱l nak texqꞌue chi sachecꞌ. Tex-isi̱k saꞌ li naꞌajej li oc e̱re chire̱chaninquil.

Éxodo 20:5

Me̱cuikꞌib e̱rib chiruheb li yi̱banbil dios, chi moco chelokꞌoniheb. La̱in li Ka̱cuaꞌ le̱ Dios. Cau cuib. La̱in incꞌaꞌ nacuulac chicuu nak jalan te̱qꞌue xlokꞌal. Ut ninrahobtesiheb li alal cꞌajolbej riqꞌuin lix ma̱queb lix naꞌ xyucuaꞌeb toj saꞌ rox saꞌ xca̱ xtasalil li ralal xcꞌajoleb li xicꞌ nequeꞌiloc cue.

Génesis 50:20

Relic chi ya̱l nak la̱ex xeya̱ba li incꞌaꞌ us saꞌ inbe̱n. Abanan li Ka̱cuaꞌ Dios xjal ru chokꞌ usilal. Xban nak cuanquin arin la̱in, nabaleb toj yoꞌyo̱queb inban. Nabal li tenamit xeꞌcoleꞌ saꞌ incꞌabaꞌ la̱in nak xcuan li cueꞌej.

Jeremías 32:31

Chalen nak quiticla chak xyi̱banquil li tenamit aꞌin ut toj chalen anakcuan junes xqꞌuebal injoskꞌil nequeꞌxba̱nu. Xban aꞌan tinsach ru li tenamit aꞌin.

Jeremías 52:28

Aꞌan aꞌin lix qꞌuialeb li tenamit li quixcꞌameb chi pre̱xil laj Nabucodonosor. Nak yo̱ cuukub chihab roquic chokꞌ rey quixcꞌam oxib mil riqꞌuin oxib xcaꞌcꞌa̱l (3,023) eb laj Judá.

Ezequiel 24:6

Aꞌan aꞌin li naxye li nimajcual Dios: Raylal cha̱lc re saꞌ xbe̱n lix tenamiteb laj camsinel. Li tenamit chanchaneb jun li ucꞌal moꞌ xsaꞌ. Ta̱isi̱k li tib li cuan chi saꞌ chixjunju̱nkaleb. Ut incꞌaꞌ texbu̱lik chirix nak te̱risi.

2 Reyes 17:18

Cꞌajoꞌ nak quichal xjoskꞌil li Dios saꞌ xbe̱neb laj Israel xban li ma̱usilal queꞌxba̱nu. Joꞌcan nak quirisiheb saꞌ lix naꞌajeb. Caꞌaj chic eb li ralal xcꞌajol laj Judá queꞌcana saꞌ li naꞌajej aꞌan.

2 Reyes 17:20

Joꞌcan nak li Ka̱cuaꞌ quixtzꞌekta̱naheb chixjunileb laj Israel. Quixtakla li raylal saꞌ xbe̱neb ut quixcanabeb saꞌ rukꞌeb li xicꞌ nequeꞌiloc reheb toj retal nak queꞌisi̱c saꞌ lix naꞌajeb.

2 Reyes 17:23

toj retal nak li Dios quixcanabeb re nak teꞌchapekꞌ xbaneb jalan tenamit joꞌ quiyeheꞌ reheb xbaneb lix profeta li Dios. Joꞌcan nak queꞌchapeꞌ ut queꞌcꞌameꞌ Asiria. Ut aran cuanqueb toj chalen anakcuan.

2 Reyes 21:16

Kꞌaxal cuiꞌchic nabaleb li ma̱cꞌaꞌeb xma̱c quixcamsi laj Manasés. Chanchan nak quinujac li tenamit Jerusalén chi quicꞌ. Ut quixcꞌameb ajcuiꞌ xbeheb laj Judá chi ma̱cobc chiru li Ka̱cuaꞌ.

2 Reyes 24:20

Ut quichal xjoskꞌil li Ka̱cuaꞌ saꞌ xbe̱neb laj Jerusalén ut saꞌ xbe̱neb laj Judá toj retal nak quixcanabeb chi cꞌamecꞌ saꞌ jalan tenamit. Mokon chic li rey Sedequías quipletic riqꞌuin lix reyeb laj Babilonia.

Ezequiel 22:3

Ta̱ye reheb: Joꞌcaꞌin naxye li nimajcual Dios. Cuulac re xkꞌehil nak te̱cꞌul li raylal xban nak xecamsiheb le̱ rech tenamitil ut xemux e̱rib nak xeyi̱b li jalanil dios.