2 Reyes 23:3 - Li Santil hu

³ Quixakli li rey chixcꞌatk li rokechal li templo ut quixba̱nu jun li contrato riqꞌuin li Ka̱cuaꞌ. Quixye re li Ka̱cuaꞌ nak tixba̱nu lix chakꞌrab ut chi anchal xchꞌo̱l tixba̱nu li naxtakla li Ka̱cuaꞌ. Quixye nak chi anchal xchꞌo̱l tixqꞌue xcuanquil li contrato li tzꞌi̱banbil saꞌ li hu. Ut chixjunileb li tenamit queꞌxye nak teꞌxba̱nu li cꞌaꞌru tzꞌi̱banbil saꞌ li contrato.

Q'eqchi Bible

³ Chirix chik a'an kixxaqab' rib' chi xk'atq roqechal li loq'laj ochoch ut kixk'ojob' li sumwank a'in rik'in li Qaawa': kixye li raatin naq eb' laj Judá te'xpaab' li Qaawa' ut te'xyu'ami li xchaq'rab', li raatin ut chixjunil li xtaqlahom chi anchaleb' xch'ool chi anchaleb' raanm, ut te'xk'anjela ru li Sumwank jo' tz'iib'anb'il sa' li Hu. Ut chixjunileb' li tenamit ke'xsume xb'aanunkil li naxye li sumwank.

2 Reyes 23:3 ပူးပေါင်းရင်းမြစ်များ

2 Reyes 11:14

Quiril li rey xakxo chixcꞌatk li rokechal li templo li cuan saꞌ li oqueba̱l joꞌ cꞌaynakeb chixba̱nunquil li rey. Laj Joás sutsu xbaneb li nequeꞌtaklan saꞌ xbe̱neb li soldado joꞌ eb ajcuiꞌ li nequeꞌxya̱basi li trompeta. Eb li tenamit yo̱queb chixjapbal reheb xban xsahil xchꞌo̱leb ut yo̱queb chixya̱basinquil li trompeta. Lix Atalía quixpej li rakꞌ ut quixjap re chixyebal: —¡Xineꞌxbalakꞌi! chan.

2 Reyes 11:17

Laj Joiada quixba̱nu li contrato riqꞌuin li Ka̱cuaꞌ ut riqꞌuin li rey, joꞌ eb ajcuiꞌ li tenamit. Joꞌcan ajcuiꞌ li rey quixba̱nu li contrato riqꞌuineb li tenamit ut queꞌxye nak aꞌanakeb chic lix tenamit li Dios.

Deuteronomio 13:4

Aꞌ li Ka̱cuaꞌ le̱ Dios, aꞌan li te̱pa̱b ut aꞌan li te̱lokꞌoni. Cheba̱nuhak li chakꞌrab li quixqꞌue e̱re ut te̱ba̱nu le̱ taklanquil xban. Chexcꞌanjelak chiru ut chepa̱b chi anchal e̱chꞌo̱l.

Hebreos 13:20

Aꞌ li Ka̱cuaꞌ Dios aꞌan laj qꞌuehol tuktu̱quil usilal, li Dios li quicuaclesin cuiꞌchic re chi yoꞌyo li Jesucristo saꞌ xya̱nkeb li camenak. Riqꞌuin lix lokꞌlaj quiqꞌuel li Jesucristo xakabanbil xcuanquil li acꞌ contrato chi junelic. Li Jesucristo na-iloc ke joꞌ junak cui̱nk narileb lix carner.

Hebreos 12:24

Ut cuanquex chi sum a̱tin riqꞌuin li Ka̱cuaꞌ Jesucristo, li quixakaban xcuanquil li acꞌ contrato. Kꞌaxal nim xcuanquil lix quiqꞌuel li Jesucristo. Riqꞌuin aꞌan cuan xcuybal le̱ ma̱c. Ma̱cuaꞌ joꞌ li quicꞌ li quixmayeja laj Abel najter kꞌe cutan.

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Eclesiastés 8:2

Cheba̱nuhak li cꞌaꞌru tixye e̱re li rey joꞌ queye nak queba̱nu li juramento chiru li Dios.

Nehemías 9:38

Ut riqꞌuin chixjunil aꞌin at Ka̱cuaꞌ, at kaDios, anakcuan takaba̱nu jun li contrato a̱cuiqꞌuin ut takaxakab xcuanquil li ka̱tin cha̱cuu. Takatzꞌi̱ba retalil ut teꞌxtzꞌi̱ba xcꞌabaꞌeb chiru li hu li tzꞌi̱banbil cuiꞌ li contrato eb li nequeꞌcꞌamoc be saꞌ kaya̱nk, ut eb laj levita joꞌqueb ajcuiꞌ laj tij, chan saꞌ lix tij.

Esdras 10:3

Anakcuan la̱o takaba̱nu jun li contrato riqꞌuin li Dios. Takacanabeb li ixk aꞌan rochbeneb li kacocꞌal li cuan riqꞌuineb. Takaba̱nu joꞌ ta̱cuaj la̱at joꞌqueb ajcuiꞌ li nequeꞌxxucua ru li naxye li Dios. Chi-uxma̱nk taxak joꞌ tzꞌi̱banbil saꞌ li chakꞌrab.

2 Crónicas 29:10

Joꞌcan nak anakcuan xinye nak tinba̱nu junak li contrato riqꞌuin li Ka̱cuaꞌ lix Dioseb laj Israel re nak ta̱e̱lk xjoskꞌil saꞌ kabe̱n.

2 Crónicas 23:16

Ut laj Joiada quixba̱nu jun li contrato. Saꞌ li contrato quixye nak aꞌan ut eb li tenamit joꞌ ajcuiꞌ li rey teꞌxqꞌue xchꞌo̱l chi cua̱nc chokꞌ xtenamit li Dios.

2 Crónicas 23:13

Quiril li rey xakxo chixcꞌatk li rokechal li templo li cuan saꞌ li oqueba̱l li nequeꞌxxakab cuiꞌ ribeb li rey. Laj Joás sutsu xbaneb li nequeꞌtaklan saꞌ xbe̱neb li soldados joꞌ eb ajcuiꞌ li nequeꞌxya̱basi li trompetas. Eb li tenamit yo̱queb chixjapbal reheb xban xsahil xchꞌo̱leb ut yo̱queb chixya̱basinquil li trompetas. Eb laj bichanel yo̱queb chixchꞌeꞌbaleb lix cuajb ut yo̱queb chi cꞌamoc be chixlokꞌoninquil li Dios. Lix Atalía quixpej li rakꞌ ut quixjap re chixyebal: —¡Xineꞌxbalakꞌi! chan.

Deuteronomio 29:1

Aꞌan aꞌin li contrato li quixye li Dios re laj Moisés re tixba̱nu riqꞌuineb laj Israel nak cuanqueb saꞌ li naꞌajej Moab. Aꞌan aꞌin lix comon li contrato li quixba̱nu li Dios riqꞌuineb saꞌ li tzu̱l Horeb.

Deuteronomio 11:13

Joꞌcan nak cheba̱nu li cꞌaꞌru naxye saꞌ li chakꞌrab li xinqꞌue e̱re anakcuan. Te̱ra li Ka̱cuaꞌ le̱ Dios ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Deuteronomio 10:12

¿Cꞌaꞌru naraj li Ka̱cuaꞌ le̱ Dios e̱riqꞌuin nak nequecꞌoxla la̱ex aj Israel? Li cꞌaꞌru naraj li Dios, aꞌan nak la̱ex te̱xucua ru li Ka̱cuaꞌ le̱ Dios, ut texcua̱nk joꞌ naraj aꞌan. Te̱ra ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Deuteronomio 8:19

Abanan cui la̱ex ta̱sachk saꞌ e̱chꞌo̱l li Ka̱cuaꞌ le̱ Dios ut cui te̱cuikꞌib e̱rib chiruheb li jalanil dios re xlokꞌoninquileb, la̱in ninye e̱re nak relic chi ya̱l ta̱sachekꞌ e̱ru.

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

Deuteronomio 6:1

Aꞌaneb aꞌin li chakꞌrab ut le̱ taklanquil li quixye li Ka̱cuaꞌ le̱ Dios nak tincꞌut che̱ru re nak te̱ba̱nu nak cua̱nkex saꞌ li naꞌajej li oc e̱re chire̱chaninquil anakcuan.

Deuteronomio 4:45

Aꞌaneb aꞌin li chakꞌrab, li xtaklanquileb ut li tijleb li quixqꞌue laj Moisés nak ac xeꞌel chak Egipto.

Éxodo 24:3

Ut quichal laj Moisés, quixserakꞌi re li tenamit li ra̱tin li Dios joꞌ ajcuiꞌ lix chakꞌrab. Queꞌjunajoꞌ lix chꞌo̱leb ut queꞌxye: —Chixjunil li cꞌaꞌru xye li Dios, aꞌan li takaba̱nu, chanqueb.

Jeremías 34:8

Li Ka̱cuaꞌ quia̱tinac riqꞌuin laj Jeremías nak ac xba̱nu jun li contrato laj Sedequías riqꞌuineb chixjunileb li cuanqueb Jerusalén re nak teꞌachꞌaba̱k chixjunileb li lokꞌbil mo̱s.

Jeremías 34:15

Aꞌut la̱ex xejal le̱ cꞌaꞌux ut xeba̱nu li cꞌaꞌru nacuulac chicuu nak xerachꞌab le̱ lokꞌbil mo̱s aj hebreo le̱ rech tenamitil. Xeba̱nu li contrato cuiqꞌuin saꞌ lin templo li ninlokꞌoni̱c cuiꞌ.

2 Crónicas 15:15

Chixjunileb laj Judá queꞌsahoꞌ xchꞌo̱leb xban li contrato li queꞌxba̱nu xban nak queꞌxba̱nu chi anchaleb xchꞌo̱l. Queꞌxsicꞌ li Ka̱cuaꞌ chi anchaleb xchꞌo̱l ut queꞌxtau. Joꞌcan nak li Ka̱cuaꞌ quixqꞌueheb chi cua̱nc saꞌ tuktu̱quil usilal riqꞌuineb li cuanqueb chi xjun sutam.

Nehemías 5:13

Ut quinchikꞌ ru li cuakꞌ chiruheb ut quinye reheb: —Joꞌcaꞌin taxak tixba̱nu li Ka̱cuaꞌ Dios nak ta̱risi saꞌ rochoch ut saꞌ lix cꞌanjel li ani incꞌaꞌ ta̱ba̱nu̱nk re li cꞌaꞌru xye. Chi-isi̱k ta chi ma̱cꞌaꞌ chic cuan re, chanquin reheb. Ut chixjunileb li tenamit queꞌxye: —Joꞌcan taxak ta̱uxma̱nk, chanqueb. Ut chixjunileb li tenamit queꞌxba̱nu joꞌ queꞌxye ut queꞌxlokꞌoni li Ka̱cuaꞌ.

Nehemías 10:1

Aꞌaneb aꞌin li queꞌxqꞌue xcꞌabaꞌ saꞌ li contrato li kayi̱b: La̱in laj Nehemías li gobernador. La̱in li ralal laj Hacalías. Ut eb laj tij li queꞌxqꞌue xcꞌabaꞌ, aꞌaneb aꞌin: laj Sedequías,