2 Reyes 22:9 - Li Santil hu

⁹ Chirix aꞌan laj Safán laj tzꞌi̱b quixcꞌam li hu ut co̱ riqꞌuin li rey Josías ut quixye re: —Eb laj cꞌanjel cha̱cuu queꞌxchꞌutub li tumin li cuan saꞌ li templo ut queꞌxqꞌue reheb li nequeꞌjolomin re li cꞌanjel, chan.

Q'eqchi Bible

⁹ Chirix chik a'an laj Safán laj tz'iib' koho rik'in li awab'ej ut kixye re li k'aru kik'ulmank: “Eb' laj k'anjel chawu ak ke'xxok li tumin wank sa' rochoch li Qaawa' ut ke'xq'axtesi reheb' li neke'jolomink re li xyiib'ankil li loq'laj ochoch”, chan.

2 Reyes 22:9 ပူးပေါင်းရင်းမြစ်များ

Ezequiel 8:11

Ut aran xakxo̱queb li laje̱b xca̱cꞌa̱l (70) chi cui̱nk li nequeꞌcꞌamoc be saꞌ xya̱nkeb laj Israel. Saꞌ xya̱nkeb aꞌan cuan laj Jaazanías li ralal laj Safán. Saꞌ rukꞌ li junju̱nk cuan lix sansar ut yo̱ chi takecꞌ lix sibel li pom.

Jeremías 41:2

Nak yo̱queb chi cuaꞌac, laj Ismael ut li laje̱b chi cui̱nk li cuanqueb rochben, queꞌcuacli ut queꞌxcamsi chi chꞌi̱chꞌ laj Gedalías li ralal laj Ahicam, li ralal laj Safán. Laj Gedalías, aꞌan li quixakaba̱c xban lix reyeb laj Babilonia chi takla̱nc saꞌ li naꞌajej Judá.

Jeremías 40:11

Ut chixjunileb laj judío li cuanqueb Moab, Amón, Edom ut saꞌ eb li jalaneb tenamit, queꞌrabi nak lix reyeb laj Babilonia quixqꞌue xlese̱nseb nak eb laj judío teꞌcana̱k saꞌ lix tenamiteb ut queꞌrabi nak laj Gedalías quixakaba̱c chi takla̱nc saꞌ xbe̱neb.

Jeremías 39:14

Queꞌxtakla risinquil laj Jeremías saꞌ li neba̱l re li tzꞌalam ut queꞌxkꞌaxtesi saꞌ rukꞌ laj Gedalías li ralal laj Ahicam ut ri laj Safán, re tixcꞌam saꞌ rochoch. Joꞌcan nak laj Jeremías quicana saꞌ lix tenamit.

Jeremías 29:3

Laj Sedequías, lix reyeb laj Judá, quixtaklaheb laj Elasa li ralal laj Safán ut laj Gemarías li ralal laj Hilcías chi a̱tinac riqꞌuin laj Nabucodonosor, lix reyeb laj Babilonia. Laj Jeremías quixtakla jun li hu chirixeb nak queꞌco̱eb Babilonia. Li hu li quixtakla naxye chi joꞌcaꞌin:

Jeremías 26:24

Laj Ahicam li ralal laj Safán qui-oquen chirix laj Jeremías. Joꞌcan nak incꞌaꞌ quikꞌaxtesi̱c saꞌ rukꞌeb li tenamit re teꞌxcamsi.

2 Reyes 25:22

Laj Nabucodonosor quixxakab chokꞌ gobernador aran Judá laj Gedalías li ralal laj Ahicam. Lix yucuaꞌ laj Ahicam, aꞌan laj Safán. Ut laj Gedalías, aꞌan chic li quicuan xcuanquil saꞌ xbe̱neb li queꞌcana Judá.

2 Reyes 22:12

Ut quixtaklaheb laj Hilcías laj tij ut laj Ahicam li ralal laj Safán, ut laj Acbor li ralal laj Micaías ut laj Safán laj tzꞌi̱b joꞌ ajcuiꞌ laj Asaías laj cꞌanjel chiru li rey.

2 Reyes 22:3

Yo̱ cuakxaklaju chihab roquic chokꞌ rey laj Josías nak quixtakla laj Safán laj tzꞌi̱b saꞌ lix templo li Ka̱cuaꞌ. Laj Safán, aꞌan li ralal laj Azalía ut laj Azalía, aꞌan li ralal laj Mesulam. Li rey Josías quixye re laj Safán:

2 Reyes 18:18

Eb li oxib chi cui̱nk li ni̱nkeb xcuanquil queꞌxtakla xbokbal li rey Ezequías. Oxib li cui̱nk li nequeꞌtenkꞌan re laj Ezequías queꞌco̱eb chi a̱tinac riqꞌuineb. Aꞌaneb aꞌin li oxib chi cui̱nk: laj Eliaquim, li ralal laj Hilcías, li na-iloc re li palacio; laj Sebna laj tzꞌi̱b; ut laj Joa, li ralal laj Asaf, li najolomin re li nequeꞌxococ re li hu.

2 Reyes 22:8

Saꞌ jun li cutan laj Hilcías li xbe̱nil aj tij quixye re laj Safán: —La̱in xintau saꞌ lix templo li Ka̱cuaꞌ li hu li tzꞌi̱banbil cuiꞌ lix chakꞌrab li Dios, chan. Laj Hilcías quixqꞌue li hu re laj Safán ut laj Safán quiril xsaꞌ.

2 Reyes 22:10

Ut laj Safán quixye ajcuiꞌ re li rey: —Laj Hilcías laj tij quixqꞌue cue li hu aꞌin, chan ut laj Safán quiril xsaꞌ li hu chiru li rey.