2 Reyes 22:4 - Li Santil hu

⁴ —Ayu riqꞌuin laj Hilcías li xbe̱nil aj tij. Ta̱ye re nak tixchꞌutub chixjunil li tumin li nequeꞌxqꞌue li tenamit reheb li nequeꞌcꞌacꞌalen saꞌ li oqueba̱l re li templo.

Q'eqchi Bible

⁴ “Ayu rik'in laj Jilkías, xb'eenil aj tij, ut ye re naq xb'isaq li tumin k'eeb'il xb'aaneb' li tenamit reheb' li neke'k'aak'alenk re li rokeb'aal li rochoch li Qaawa'.

2 Reyes 22:4 ပူးပေါင်းရင်းမြစ်များ

2 Reyes 12:4

Saꞌ jun li cutan laj Joás quixye reheb laj tij: —Te̱xoc ut te̱chꞌutub ru chixjunil li tumin li naqꞌueman saꞌ lix templo li Ka̱cuaꞌ, joꞌ ajcuiꞌ li joꞌ qꞌuial li tento teꞌxtoj li junju̱nk joꞌ ajcuiꞌ li na-ala saꞌ xchꞌo̱leb xqꞌuebal.

Salmos 84:10

Kꞌaxal lokꞌ li cua̱nc saꞌ la̱ templo usta jun cutan ajcuiꞌ chiru li cua̱nc jun mil cutan saꞌ jalan naꞌajej. Kꞌaxal us chokꞌ cue la̱in cua̱nc saꞌ la̱ cuochoch, usta caꞌaj cuiꞌ rilbal li oqueba̱l tinba̱nu, chiru li cua̱nc saꞌ jun cha̱bil naꞌajej li nequeꞌxba̱nu cuiꞌ li ma̱usilal.

Nehemías 11:19

Ut eb li queꞌcꞌacꞌalen re li oqueba̱l, aꞌaneb aꞌin: laj Acub ut laj Talmón rochbeneb li rechꞌalal. Eb li queꞌcꞌacꞌalen re li oqueba̱l, aꞌan jun ciento riqꞌuin cablaju xca̱cꞌa̱l (172).

2 Crónicas 8:14

Laj Salomón quixqꞌueheb chi cꞌanjelac eb laj tij joꞌ quixye laj David. Joꞌcan eb ajcuiꞌ laj levita. Queꞌxba̱nu lix cꞌanjeleb. Queꞌbichan re xlokꞌoninquil li Ka̱cuaꞌ ut queꞌxtenkꞌaheb laj tij joꞌ tento xba̱nunquil rajlal cutan. Quixqꞌueheb ajcuiꞌ saꞌ lix cꞌanjeleb li queꞌcanaba̱c chi cꞌacꞌale̱nc saꞌ eb li oqueba̱l. Queꞌxba̱nu lix cꞌanjel joꞌ quixye laj David laj cꞌanjel chiru li Dios.

1 Crónicas 9:19

Laj Salum ut eb li rechꞌalal, aꞌan eb li queꞌcꞌacꞌalen re li oqueba̱l re li templo, joꞌ nak queꞌxcꞌacꞌalen re li oqueba̱l re li tabernáculo lix xeꞌto̱nil yucuaꞌ. Laj Salum, aꞌan li ralal laj Coré. Laj Coré, aꞌan li ralal laj Ebiasaf. Laj Ebiasaf, aꞌan li ralal laj Coré jun chic.

1 Crónicas 9:11

ut laj Azarías li ralal laj Hilcías. Laj Hilcías, aꞌan li ralal laj Mesulam. Laj Mesulam, aꞌan li ralal laj Sadoc. Laj Sadoc, aꞌan li ralal laj Meraiot. Laj Meraiot, aꞌan li ralal laj Ahitob, li najolomin re li cꞌanjel saꞌ li templo.

1 Crónicas 6:13

laj Salum, aꞌan lix yucuaꞌ laj Hilcías; laj Hilcías, aꞌan lix yucuaꞌ laj Azarías;

2 Reyes 18:18

Eb li oxib chi cui̱nk li ni̱nkeb xcuanquil queꞌxtakla xbokbal li rey Ezequías. Oxib li cui̱nk li nequeꞌtenkꞌan re laj Ezequías queꞌco̱eb chi a̱tinac riqꞌuineb. Aꞌaneb aꞌin li oxib chi cui̱nk: laj Eliaquim, li ralal laj Hilcías, li na-iloc re li palacio; laj Sebna laj tzꞌi̱b; ut laj Joa, li ralal laj Asaf, li najolomin re li nequeꞌxococ re li hu.

2 Reyes 12:5

Li junju̱nk chi aj tij ta̱cꞌuluk re li tumin li naqꞌueman. Ut li tumin aꞌan ta̱cꞌanjelak re xyi̱banquil chi us li templo bar yi̱ba̱c naraj.—