2 Reyes 20:3 - Li Santil hu

³ —La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Q'eqchi Bible

³ “At Qaawa', jultikaq taxaq aawe naq xinwank chawu sa' chaab'ilal ut chi tiik ru linyu'am, ut xinb'aanu li nawulak chawu”. K'ajo' naq kiyot'e'k xch'ool laj Esekías chi yaab'ak.

2 Reyes 20:3 ပူးပေါင်းရင်းမြစ်များ

Nehemías 13:22

Chirix aꞌan quinye ajcuiꞌ reheb laj levita nak teꞌxsantobresi ribeb joꞌ naxye saꞌ li chakꞌrab. Ut quinye ajcuiꞌ reheb nak teꞌxcꞌacꞌaleheb li oqueba̱l re li tenamit re nak ma̱ ani ta̱muxuk re li hiloba̱l cutan. —At inDios, riqꞌuin aꞌin chijulticokꞌ taxak a̱cue li joꞌ qꞌuial li us ninba̱nu ut chacuy taxak inma̱c xban xnimal la̱ cuuxta̱n.—

Nehemías 13:14

—At inDios, chijulticokꞌ taxak a̱cue li joꞌ qꞌuial li us ninba̱nu. Ut misach taxak saꞌ a̱chꞌo̱l chixjunil li us ninba̱nu chokꞌ re la̱ templo ut re la̱ cꞌanjel.—

Nehemías 5:19

Chinjulticokꞌ taxak a̱cue, at inDios, riqꞌuin li joꞌ qꞌuial li us li xinba̱nu reheb li tenamit aꞌin.

Nehemías 13:31

Ut quinxakabeb ajcuiꞌ li ani teꞌcꞌamok chak li siꞌ saꞌ xkꞌehil. Ut quinye reheb li tenamit nak teꞌxkꞌaxtesi li xbe̱n ru li racui̱mkeb saꞌ xkꞌehil. —At inDios, chaqꞌue taxak retal chixjunil li us li xinba̱nu ut ta̱cuuxta̱na taxak cuu.—

San Lucas 1:6

Laj Zacarías ut li rixakil, aꞌan ti̱queb xchꞌo̱l chiru li Dios. Junelic nequeꞌxqꞌue xchꞌo̱leb chixba̱nunquil chi tzꞌakal lix chakꞌrabinquileb ut lix taklanquileb xban li Ka̱cuaꞌ Dios.

1 Reyes 8:61

Joꞌcan nak cheqꞌuehak e̱chꞌo̱l chicua̱nk saꞌ ti̱quilal chiru li Ka̱cuaꞌ li kaDios. Chexcua̱nk saꞌ xya̱lal ut cheba̱nuhak li cꞌaꞌru naxye saꞌ li chakꞌrab joꞌ yo̱quex anakcuan.—

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

Isaías 63:11

Ut eb li tenamit queꞌjulticoꞌ re chanru nak queꞌcuan junxil nak laj Moisés laj cꞌanjel chiru li Dios quicꞌamoc be chiruheb. Ut queꞌxye: —¿Ma ma̱cuaꞌ ta biꞌ li Dios li quitenkꞌan reheb li tenamit chi numecꞌ jun pacꞌal li palau rochbeneb li nacꞌamoc be chiruheb? ¿Ma ma̱cuaꞌ ta biꞌ li Dios quicꞌamoc be chiruheb riqꞌuin lix Santil Musikꞌ?

Isaías 38:14

Ma̱cꞌaꞌ chic inmetzꞌe̱u ut moco cau ta chic lix ya̱b lin cux. Ninya̱bac chanchan nak nequeꞌya̱bac li cuilix malaj ut chanchan nak nequeꞌya̱bac li mucuy. Nin-iloc saꞌ choxa. At Ka̱cuaꞌ, cꞌajoꞌ li raylal yo̱quin chixcꞌulbal. China̱tenkꞌa.

Salmos 145:18

Li Ka̱cuaꞌ junelic cuan chixtenkꞌanquileb li nequeꞌxya̱ba xcꞌabaꞌ. Naxtenkꞌaheb li nequeꞌxtzꞌa̱ma xtenkꞌanquil chiru chi anchal xchꞌo̱leb.

Salmos 119:49

Chijulticokꞌ taxak a̱cue li cꞌaꞌru cayechiꞌi cue la̱in aj cꞌanjel cha̱cuu. La̱in cau inchꞌo̱l chiroybeninquil li cꞌaꞌru cayechiꞌi cue.

Salmos 102:9

Cꞌajoꞌ li raylal nincꞌul. Chanchan chic incua li cha xban nak aran nincuan. Li xyaꞌal cuu naxjunaji rib riqꞌuin li cuucꞌa xban nak junes ya̱bac ninba̱nu.

Salmos 89:50

At Ka̱cuaꞌ, chaqꞌue taxak retal nak eb li tenamit yo̱queb chixhobbaleb laj cꞌanjel cha̱cuu. Incꞌaꞌ na-el saꞌ inchꞌo̱l li raylal li yo̱queb chixba̱nunquil ke li incꞌaꞌ nequeꞌxqꞌue a̱lokꞌal.

Salmos 89:47

Chijulticokꞌ taxak a̱cue nak la̱o moco najt ta nococuan saꞌ ruchichꞌochꞌ xban nak yal cui̱nko. Ac joꞌcan nak coa̱yi̱b.

Salmos 32:2

Us xak re li ani incꞌaꞌ nabalakꞌic, li nayeheꞌ re xban li Dios nak ma̱cꞌaꞌ xma̱c.

Salmos 25:7

Incꞌaꞌ taxak chinak saꞌ a̱chꞌo̱l li ma̱c ut li ma̱usilal li quinba̱nu chak saꞌ insa̱jilal. Chinjulticokꞌ taxak a̱cue, at Ka̱cuaꞌ, xban nak junelic nacatrahoc ut junelic cha̱bilat.

Salmos 6:6

Tacuajenakin xban li raylal cuanquin cuiꞌ. Ninlub chi ya̱bac. Rajlal kꞌojyi̱n yo̱quin chi ya̱bac saꞌ incuariba̱l. Ut natꞌaka lix soc injolom xban lix yaꞌal cuu.

Li xHu LAJ JOB 1:8

Ut li Ka̱cuaꞌ Dios quixye re laj tza: —¿Ma incꞌaꞌ nacacuil laj Job laj cꞌanjel chicuu? Ma̱ ani chic junak cui̱nk joꞌ aꞌan saꞌ ruchichꞌochꞌ. Aꞌan tzꞌakal re ru lix yuꞌam ut ti̱c xchꞌo̱l. Aꞌan naxxucua cuu ut incꞌaꞌ naxba̱nu ma̱usilal, chan.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

2 Crónicas 16:9

Li nimajcual Dios junelic yo̱ chixqꞌuebal retal li cꞌaꞌru yo̱queb chixcꞌulbal li cuanqueb saꞌ ruchichꞌochꞌ re nak tixqꞌue xcacuilal xchꞌo̱leb li ani ti̱queb xchꞌo̱l chiru. Abanan anakcuan la̱at incꞌaꞌ us xaba̱nu. Joꞌcan nak chalen anakcuan junelic ta̱cua̱nk li pletic saꞌ le̱ tenamit, chan li profeta Hanani.

1 Reyes 15:14

Usta incꞌaꞌ quixpoꞌ chixjunileb li naꞌajej li queꞌxlokꞌoni cuiꞌ li jalanil dios, abanan laj Asa junelic cuan saꞌ ti̱quilal chiru li Dios toj chalen nak quicam.

1 Reyes 11:4

Nak ac ti̱x chic laj Salomón quijala xcꞌaꞌux xbaneb li rixakil ut qui-oc chixlokꞌoninquil li jalanil dios. Ut incꞌaꞌ yo̱ chixba̱nunquil li ti̱quilal chi anchal xchꞌo̱l chiru li Ka̱cuaꞌ joꞌ quixba̱nu laj David lix yucuaꞌ.

1 Reyes 3:6

Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.

1 Reyes 2:4

Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

Génesis 17:1

Nak ac bele̱laju roꞌcꞌa̱l (99) chihab cuan re laj Abram, li Ka̱cuaꞌ Dios quixcꞌutbesi rib chiru ut quixye re: —La̱in li Ka̱cuaꞌ Dios li kꞌaxal nim incuanquil. Chatcua̱nk saꞌ xya̱lal chicuu ut ti̱cak a̱chꞌo̱l.

Génesis 8:1

Li Dios quixtokꞌoba ru laj Noé joꞌ ajcuiꞌ chixjunileb li xul li cuanqueb saꞌ li jucub cab. Quixtakla jun nimla ikꞌ saꞌ xbe̱n li ruchichꞌochꞌ ut qui-oc chi chakic li haꞌ.

Génesis 5:24

Tzꞌakal re ru lix yuꞌam, ut saꞌ jun li cutan ma̱ ani chic saꞌ ruchichꞌochꞌ xban nak quicꞌameꞌ chi yoꞌyo xban li Dios.

Génesis 5:22

Chirix lix yoꞌlajic laj Matusalén, laj Enoc quicuan oxib ciento (300) chihab chic. Ut toj queꞌcuan chic ralal ut xrabin. Laj Enoc quicuan chi sum a̱tin riqꞌuin li Dios.

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

1 Reyes 9:4

Chatcua̱nk saꞌ xya̱lal chicuu joꞌ nak quicuan laj David la̱ yucuaꞌ. Chaba̱nu saꞌ ti̱quilal chixjunil li naxye saꞌ li chakꞌrab.

2 Reyes 20:2

Laj Ezequías quixsukꞌisi rib saꞌ lix chꞌa̱t ut quitijoc chiru li Ka̱cuaꞌ Dios ut quixye:

2 Reyes 20:4

Toj ma̱jiꞌ ajcuiꞌ na-el laj Isaías saꞌ li neba̱l re li rochoch li rey nak quia̱tinac cuiꞌchic li Ka̱cuaꞌ riqꞌuin. Ut quixye re:

Salmos 26:1

At Ka̱cuaꞌ, la̱at tattzꞌilok a̱tin chicuix ut ta̱ye nak ma̱cꞌaꞌ inma̱c xban nak la̱in cuanquin saꞌ ti̱quilal. Ut cau inchꞌo̱l a̱cuiqꞌuin.

Salmos 26:3

La̱in ninnau nak junelic niquina̱ra. La̱in ninnau chic lix ya̱lal ut ninba̱nu li nacaye la̱at.

1 Reyes 8:23

Quixye: —At Ka̱cuaꞌ, at kaDios la̱o aj Israel, ma̱cꞌaꞌ junak chic Dios joꞌ la̱at, chi moco saꞌ choxa, chi moco saꞌ ruchichꞌochꞌ. La̱at nacaba̱nu li cꞌaꞌru nacayechiꞌi. Ut nacacuuxta̱na ruheb li nequeꞌcꞌanjelac cha̱cuu chi anchaleb xchꞌo̱l ut nequeꞌcuan saꞌ ti̱quilal cha̱cuu.

Li xHu LAJ JOB 4:6

¿Ma incꞌaꞌ ta biꞌ ti̱c a̱chꞌo̱l la̱at chiru li Dios? Ut, ¿ma ma̱cuaꞌat ta biꞌ aj cꞌanjel chiru? ¿Ma ma̱cuaꞌat ta biꞌ jun cui̱nk cha̱bil a̱naꞌleb? ¿Cꞌaꞌut nak incꞌaꞌ cꞌojcꞌo a̱chꞌo̱l riqꞌuin li Dios?

Li xHu LAJ JOB 16:20

Eb li cuami̱g niquineꞌxhob. Abanan la̱in ninya̱bac ut nintzꞌa̱ma intenkꞌanquil chiru li Dios.

Salmos 6:7

Xsi̱poꞌ li xnakꞌ cuu xban li ya̱bac. Incꞌaꞌ chic sa nin-iloc. Chixjunil li raylal li yo̱quin chixcꞌulbal, aꞌan xbaneb li xicꞌ nequeꞌiloc cue.

Salmos 39:13

Chacuuxta̱na taxak cuu ut chaqꞌue taxak caꞌchꞌinak chic xsahil inchꞌo̱l nak toj ma̱jiꞌ nincam.—

Salmos 119:26

Ac xinye a̱cue chanru lin naꞌleb ut la̱at xasume li xintzꞌa̱ma cha̱cuu. Anakcuan cꞌut taxak chicuu cꞌaꞌru ta̱cuaj tinba̱nu.

Amós 5:4

Ut quixye ajcuiꞌ li Ka̱cuaꞌ reheb laj Israel: —Sicꞌomakin la̱in ut ta̱cua̱nk e̱yuꞌam chi tzꞌakal.