2 Reyes 2:6 - Li Santil hu

⁶ Mokon chic laj Elías quixye re laj Eliseo: —Anakcuan tatcana̱k arin. Li Ka̱cuaꞌ xinixtakla saꞌ li nimaꞌ Jordán, chan. Ut laj Eliseo quixye re: —Saꞌ xcꞌabaꞌ li Ka̱cuaꞌ ut saꞌ a̱cꞌabaꞌ ajcuiꞌ la̱at, la̱in ninye a̱cue nak incꞌaꞌ tatincanab a̱junes, chan. Ut queꞌco̱eb cuiꞌchic xcabichaleb toj saꞌ li nimaꞌ Jordán.

Q'eqchi Bible

⁶ Chirix chik a'an laj Elías kixye: “Eliseo, kanaaqat arin, xb'aan naq li Qaawa' xinxtaqla sa' li nima' Jordán”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes!”, chan. Ut koheb' chi xkab'ichaleb'.

2 Reyes 2:6 ပူးပေါင်းရင်းမြစ်များ

2 Reyes 2:2

Laj Elías quixye re laj Eliseo: —Cana̱kat cuan arin la̱at, xban nak li Ka̱cuaꞌ Dios xinixtakla Bet-el, chan. Abanan laj Eliseo quixye: —Saꞌ xcꞌabaꞌ li Ka̱cuaꞌ Dios ut saꞌ a̱cꞌabaꞌ la̱at, la̱in ninye a̱cue nak incꞌaꞌ tatincanab a̱junes, chan. Ut queꞌco̱eb xcabichaleb Bet-el.

Josué 3:15

Li nimaꞌ Jordán cau yo̱ chi be̱c rok xban nak nabutꞌin saꞌ xkꞌehil li sicꞌoc trigo. Ut eb laj tij li yo̱queb chi cꞌamoc re li Lokꞌlaj Ca̱x queꞌxqꞌue li rokeb saꞌ li haꞌ chire li nimaꞌ.

Josué 3:8

Ta̱ye reheb laj tij li yo̱keb chi cꞌamoc re li Lokꞌlaj Ca̱x, “Nak tex-oc saꞌ li nimaꞌ Jordán, aran texxakli̱k,” chan li Ka̱cuaꞌ.

1 Samuel 20:3

Laj David quixye re: —La̱ yucuaꞌ naxnau nak raro̱quin a̱ban. Incꞌaꞌ naraj xqꞌuebal xrahil a̱chꞌo̱l. Joꞌcan nak incꞌaꞌ naxye a̱cue. Saꞌ xcꞌabaꞌ li nimajcual Dios ut saꞌ a̱cꞌabaꞌ ajcuiꞌ la̱at, la̱in ninye a̱cue nak ta̱raj incamsinquil, chan.

Génesis 22:6

Laj Abraham quixqꞌue li siꞌ chiri̱ka laj Isaac. Li siꞌ aꞌan ta̱cꞌanjelak re xcꞌatbal li mayej. Ut laj Abraham quixcꞌam xchꞌi̱chꞌ ut quixcꞌam ajcuiꞌ caꞌchꞌin li ru xam re xlochbal li siꞌ. Ut cuotz queꞌtakeꞌ saꞌ li tzu̱l laj Abraham rochben li ralal.

Génesis 22:8

Laj Abraham quixye re: —Matcꞌoxlac, at cualal. Li Dios ta̱qꞌuehok re li carner li takacꞌat chokꞌ re li kamayej, chan. Ut yo̱queb chi xic saꞌ li tzu̱l.

Li xHu LIX RUT 1:16

Abanan lix Rut quichakꞌoc ut quixye re: —Ma̱ye cue chi joꞌcan. La̱in incꞌaꞌ tatincanab. Bar tatxic la̱at, aran ajcuiꞌ tinxic la̱in. Bar tatcua̱nk la̱at, aran ajcuiꞌ tincua̱nk la̱in. La̱ tenamit, aꞌanak ajcuiꞌ lin tenamit la̱in. Ut la̱ Dios, aꞌanak ajcuiꞌ lin Dios la̱in.

1 Samuel 1:26

Ut lix Ana quixye re laj Elí: —At ka̱cuaꞌ, relic chi ya̱l nak la̱in li ixk li quincꞌulun chi tijoc arin chiru li nimajcual Dios nak chunchu̱cat chire li oqueba̱l.

2 Reyes 4:30

Ut lix naꞌ li chꞌina al quixye re laj Eliseo: —Saꞌ xcꞌabaꞌ li nimajcual Dios ut saꞌ a̱cꞌabaꞌ la̱at la̱in ninye a̱cue nak incꞌaꞌ tinsukꞌi̱k saꞌ cuochoch cui la̱at incꞌaꞌ tatxic chirilbal lin cꞌulaꞌal, chan.