2 Reyes 2:5 - Li Santil hu

⁵ Eb li profeta li cuanqueb Jericó queꞌel chak chixcꞌulbal laj Eliseo ut queꞌxye re: —¿Ma nacanau nak chiru li cutan aꞌin li Ka̱cuaꞌ ta̱risi cha̱cuu laj tzolol a̱cue? chanqueb. Ut laj Eliseo quixye reheb: —Ninnau, abanan canabomak a̱tinac, chan.

Q'eqchi Bible

⁵ Ab'anan eb' li propeet li wankeb' aran Jerikó ke'elk chaq chi xk'ulb'al laj Eliseo ut ke'xye re: “Ma nakanaw naq hoon li Qaawa' tixmaq' chawu laj tzolol aawe?”. Kichaq'ok laj Eliseo: “Hehe', ninnaw. Ab'anan maak'a' teeye!”, chan.

2 Reyes 2:5 ပူးပေါင်းရင်းမြစ်များ

2 Reyes 2:3

Eb li profeta li cuanqueb Bet-el queꞌco̱eb chixcꞌulbal laj Eliseo ut queꞌxye re: —¿Ma nacanau nak anakcuan li Ka̱cuaꞌ ta̱risi cha̱cuu laj Elías laj tzolol a̱cue? chanqueb. Laj Eliseo quixye reheb: —Ninnau. Abanan canabomak a̱tinac, chan.

Hechos 1:11

Ut queꞌxye reheb: —Ex cui̱nk aj Galilea, ¿Cꞌaꞌut nak yo̱quex chi iloc saꞌ choxa? Li Jesús li xcuan saꞌ e̱ya̱nk ut xcꞌameꞌ saꞌ choxa, aꞌan ta̱cha̱lk cuiꞌchic. Chanru nak xeril chi xic saꞌ choxa, joꞌcan cuiꞌchic nak te̱ril nak yo̱k chi cha̱lc, chanqueb reheb.

Hechos 1:2

toj saꞌ li cutan nak quicꞌameꞌ saꞌ choxa. Nak toj ma̱jiꞌ naxic saꞌ choxa, riqꞌuin xcuanquil li Santil Musikꞌej, quixye reheb cꞌaꞌru tento teꞌxba̱nu lix apóstol li quixsiqꞌueb ru.

San Lucas 24:51

Nak yo̱ chirosobtesinquileb, quirisi rib saꞌ xya̱nkeb ut quicꞌameꞌ takecꞌ saꞌ choxa.

Habacuc 2:20

Li tzꞌakal Dios, aꞌan cuan saꞌ lix santil templo. Chixjunileb taxak li cuanqueb saꞌ ruchichꞌochꞌ teꞌxxucua ru.

Isaías 41:1

Li Dios naxye: —Ex tenamit li cuanquex chire li palau, cherabihak li oc cue chixyebal. Cauresihomak e̱rib ut xaklinkex chicuu. A̱tinankex re xcolbal e̱rib ut kacꞌu̱bak ru saꞌ comonil saꞌ li rakleb a̱tin.

Eclesiastés 3:7

Cuan li ho̱nal re pejoc tꞌicr, ut cuan li ho̱nal re xiti̱nc. Cuan li ho̱nal re a̱tinac, ut cuan li ho̱nal nak incꞌaꞌ naru a̱tinac.

Génesis 48:19

Abanan laj Israel incꞌaꞌ quixcꞌul xchꞌo̱l xba̱nunquil chi joꞌcan ut quixye, —La̱in ninnau nak aꞌan li asbej, at cualal. Ta̱nima̱nk lix cuanquil aꞌan. Abanan li i̱tzꞌinbej kꞌaxal cuiꞌchic numtajenak lix cuanquil chiru li asbej. Kꞌaxal nabaleb li ralal xcꞌajol li teꞌcua̱nk, chan laj Israel.

Hechos 26:25

Ut laj Pablo quixye re: —At Festo, kꞌaxal nim a̱cuanquil. La̱in moco lo̱c ta cuu. Li cꞌaꞌru yo̱quin chixyebal a̱cue, aꞌan tzꞌakal ya̱l.

1 Samuel 10:5

Laj Samuel quixye ajcuiꞌ re laj Saúl: —Chirix chic aꞌan la̱at tatxic toj Gabaa bar nequeꞌxlokꞌoni cuiꞌ li Dios saꞌ li naꞌajej li cuan cuiꞌ lix muheba̱leb laj filisteo. Nak tat-oc saꞌ li tenamit aꞌan, ta̱cꞌuleb jun chꞌu̱tal li profeta li yo̱keb chi cubec saꞌ li tzu̱l. Yo̱keb chixchꞌeꞌbal lix salterio, lix pandero, lix xo̱lb joꞌ eb ajcuiꞌ lix arpa re xlokꞌoninquil li Dios.

Amós 7:14

Ut quichakꞌoc laj Amós ut quixye re laj Amasías: —La̱in moco ac la̱in ta chak profeta, chi moco ralalin ta chak profeta. La̱in ban aj ilol queto̱mk ut aj sicꞌol ru li cheꞌ higo li moco aubil ta.

1 Reyes 20:35

Jun lix profeta li Dios quixye re jun li rech profetil joꞌ quixye li Dios re: —China̱yocꞌ riqꞌuin la̱ chꞌi̱chꞌ, chan. Abanan li profeta jun chic incꞌaꞌ quiraj xba̱nunquil.

2 Reyes 4:1

Cuan jun li ixk quicam xbe̱lom. Lix be̱lom, aꞌan profeta nak quicuan. Li ixk quicuulac riqꞌuin li profeta Eliseo ut quixye re: —Ka̱cuaꞌ, lin be̱lom quicam. La̱at nacanau nak aꞌan quixxucua ru li Dios. Abanan cuan xcꞌas. Ut li cui̱nk li cuan cuiꞌ lix cꞌas yo̱ chixpatzꞌbal li kacꞌas. Aꞌan ta̱raj xcꞌambaleb lin yum cuib chokꞌ xmo̱s chokꞌ re̱kaj li kacꞌas, chan.

2 Reyes 5:22

Laj Giezi quixye re: —Ma̱cꞌaꞌ nakacꞌul. Lin patrón xinixtakla chixyebal a̱cue nak xeꞌcuulac riqꞌuin cuibeb li profeta sa̱jeb. Xeꞌchal chak saꞌ lix naꞌajeb li ralal xcꞌajol laj Efraín, li tzu̱l ru. Naxtzꞌa̱ma cha̱cuu nak ta̱qꞌue reheb oxib mil li tumin plata ut cuib sumal li tꞌicr, chan.

2 Reyes 6:1

Saꞌ jun li cutan li jun chꞌu̱tal chi profeta queꞌxye re laj Eliseo: —¡Qꞌue retal! Li naꞌajej li cuanco cuiꞌ a̱cuochben caꞌchꞌin ut latzꞌ.

2 Reyes 9:1

Li profeta Eliseo quixbok jun li sa̱j cui̱nk xcomoneb li profeta li cuanqueb aran, ut quixye re: —Yi̱b a̱cuib re tatxic saꞌ li naꞌajej Ramot li cuan saꞌ xcue̱nt Galaad ut cꞌam li aceite aꞌin.