2 Reyes 2:2 - Li Santil hu

² Laj Elías quixye re laj Eliseo: —Cana̱kat cuan arin la̱at, xban nak li Ka̱cuaꞌ Dios xinixtakla Bet-el, chan. Abanan laj Eliseo quixye: —Saꞌ xcꞌabaꞌ li Ka̱cuaꞌ Dios ut saꞌ a̱cꞌabaꞌ la̱at, la̱in ninye a̱cue nak incꞌaꞌ tatincanab a̱junes, chan. Ut queꞌco̱eb xcabichaleb Bet-el.

Q'eqchi Bible

² Ut laj Elías kixye re laj Eliseo: “Kanaaqat arin xb'aan naq li Qaawa' xinxtaqla aran Betel”. Ab'an laj Eliseo kixsume: “Sa' xk'ab'a' li yo'yookil Yos ut sa' xk'ab'a' laayu'am ink'a' tatinkanab' chi xik aajunes”, chan. Ut chi xkab'ichaleb' koheb' Betel.

2 Reyes 2:2 ပူးပေါင်းရင်းမြစ်များ

2 Reyes 2:6

Mokon chic laj Elías quixye re laj Eliseo: —Anakcuan tatcana̱k arin. Li Ka̱cuaꞌ xinixtakla saꞌ li nimaꞌ Jordán, chan. Ut laj Eliseo quixye re: —Saꞌ xcꞌabaꞌ li Ka̱cuaꞌ ut saꞌ a̱cꞌabaꞌ ajcuiꞌ la̱at, la̱in ninye a̱cue nak incꞌaꞌ tatincanab a̱junes, chan. Ut queꞌco̱eb cuiꞌchic xcabichaleb toj saꞌ li nimaꞌ Jordán.

2 Reyes 4:30

Ut lix naꞌ li chꞌina al quixye re laj Eliseo: —Saꞌ xcꞌabaꞌ li nimajcual Dios ut saꞌ a̱cꞌabaꞌ la̱at la̱in ninye a̱cue nak incꞌaꞌ tinsukꞌi̱k saꞌ cuochoch cui la̱at incꞌaꞌ tatxic chirilbal lin cꞌulaꞌal, chan.

2 Reyes 2:4

Ut laj Elías quixye cuiꞌchic re laj Eliseo: —Cana̱kat cuan arin. La̱in tento nak tinxic Jericó xban nak li Ka̱cuaꞌ xinixtakla aran, chan. Laj Eliseo quixye re: —Saꞌ xcꞌabaꞌ li Ka̱cuaꞌ ut saꞌ a̱cꞌabaꞌ ajcuiꞌ la̱at, la̱in ninye a̱cue nak incꞌaꞌ tatincanab a̱junes, chan. Ut queꞌco̱eb Jericó xcabichaleb.

1 Samuel 1:26

Ut lix Ana quixye re laj Elí: —At ka̱cuaꞌ, relic chi ya̱l nak la̱in li ixk li quincꞌulun chi tijoc arin chiru li nimajcual Dios nak chunchu̱cat chire li oqueba̱l.

Jeremías 4:2

Cui te̱tzꞌekta̱naheb li yi̱banbil dios naru te̱ba̱nu li juramento saꞌ incꞌabaꞌ la̱in li yoꞌyo̱quil Dios. Te̱ba̱nu saꞌ xya̱lal ut saꞌ ti̱quilal. Ut saꞌ incꞌabaꞌ la̱in chixjunileb li tenamit teꞌosobtesi̱k ut tineꞌxlokꞌoni, chan li Dios.

1 Reyes 12:33

Joꞌcan ut nak laj Jeroboam quixba̱nu li ninkꞌe reheb laj Israel saꞌ li oꞌlaju xbe lix cuakxak li po joꞌ quixcꞌoxla xjunes. Co̱ aran Bet-el ut quimayejac saꞌ li artal li quixyi̱b ut quixcꞌat li pom.

1 Samuel 25:26

Li Ka̱cuaꞌ xtenkꞌan a̱cue. Joꞌcan nak incꞌaꞌ xacamsiheb chixjunileb li cristian aꞌin. Incꞌaꞌ xaqꞌue re̱kaj li incꞌaꞌ us xba̱nu cue joꞌ xacꞌoxla xba̱nunquil. Cheꞌxcꞌulak taxak joꞌ li tixcꞌul laj Nabal chixjunileb li xicꞌ nequeꞌiloc a̱cue ut li teꞌraj xba̱nunquil raylal a̱cue.

Génesis 28:19

Li naꞌajej aꞌan Luz xcꞌabaꞌ nak quicuan. Abanan laj Jacob quixjal xcꞌabaꞌ. Bet-el chic quixqꞌue chokꞌ xcꞌabaꞌ.

1 Juan 2:19

Saꞌ kaya̱nk xeꞌel li xicꞌ nequeꞌiloc re li Cristo, abanan moco kech aj pa̱baneleb ta nak xeꞌcuan. Cui ta eb aꞌan kech aj pa̱banelil, cuanqueb raj chi junelic saꞌ kaya̱nk. Abanan xeꞌel saꞌ kaya̱nk re nak ta̱nauma̱nk nak ma̱cuaꞌeb kech aj pa̱banelil.

1 Reyes 12:29

Quixyi̱b xnaꞌaj jun li cuacax oro aran Bet-el ut li jun chic quixyi̱b xnaꞌaj aran Dan.

1 Samuel 17:55

Nak laj David co̱ chi pletic riqꞌuin laj Goliat, laj Saúl quixpatzꞌ re laj Abner li nataklan saꞌ xbe̱neb li soldados: —¿Ani aj alal li al aꞌan? chan. Quichakꞌoc laj Abner ut quixye:

1 Reyes 12:28

Joꞌcan nak laj Jeroboam quixpatzꞌ xnaꞌleb riqꞌuin laj qꞌuehol naꞌleb ut quixba̱nu joꞌ queꞌxye. Quixqꞌue chi yi̱ba̱c cuib li cuacax oro ut quixye reheb li tenamit: —La̱ex aj Israel, nabal sut ac xexcuulac chak Jerusalén chi lokꞌoni̱nc. Joꞌcan nak anakcuan arin chic texlokꞌoni̱nk. Arin cuan le̱ dios. Aꞌaneb aꞌin li xeꞌisin chak e̱re saꞌ li naꞌajej Egipto, chan laj Jeroboam reheb.

2 Reyes 2:23

Chirix aꞌan laj Eliseo qui-el Jericó ut co̱ toj Bet-el Ut nak yo̱ chi xic, eb li sa̱j al queꞌel saꞌ li tenamit ut queꞌxhob li profeta Eliseo ut queꞌxye: —Ayu la̱at, at tꞌuruꞌ saꞌ a̱jolom, ayu la̱at at tꞌuruꞌ saꞌ a̱jolom, chanqueb.