2 Reyes 2:12 - Li Santil hu

¹² Laj Eliseo quiril li quicꞌulman ut quixjap re chi cau ut quixye: —At inyucuaꞌ, at inyucuaꞌ, at Elías, la̱at chanchanat li kayucuaꞌ, la̱o aj Israel, chan. Ut incꞌaꞌ chic quiril ru laj Elías. Xban xrahil xchꞌo̱l laj Eliseo quixchap li rakꞌ li cuan chirix ut quixpej. Cuib jachal qui-el.

Q'eqchi Bible

¹² Naq laj Eliseo kiril li kik'ulmank, kixjap re chi xyeeb'al: “At inyuwa', at inyuwa'! Laa'at qana' qayuwa' cho'q qe laa'o aj Israel!”. Ut naq ink'a' chik nak'utunk laj Elías, laj Eliseo kixq'ich li raq' sa' wiib' jachal,

2 Reyes 2:12 ပူးပေါင်းရင်းမြစ်များ

2 Reyes 13:14

Saꞌ eb li cutan aꞌan li profeta Eliseo nim xyajel ut ca̱mc re. Laj Joás lix reyeb laj Israel quicuulac riqꞌuin. Ta̱ya̱bak nak quixye re: —At Eliseo, la̱at chanchanat lin yucuaꞌ. La̱at nacatcoloc reheb laj Israel, chan.

Apocalipsis 11:12

Ut li cuib chi cui̱nk queꞌrabi jun yo̱ chi a̱tinac saꞌ choxa. Chi cau xya̱b xcux quixye reheb: —Takenkex chak arin, chan. Ut queꞌtakeꞌ saꞌ choxa saꞌ jun li chok chiruheb li xicꞌ nequeꞌiloc reheb.

Efesios 4:8

Aꞌin qui-uxman joꞌ tzꞌi̱banbil saꞌ li Santil Hu, li naxye chi joꞌcaꞌin: Nak quitakeꞌ saꞌ choxa li Ka̱cuaꞌ, quixcꞌutbesi nak aꞌan kꞌaxal nim xcuanquil saꞌ xbe̱n laj tza joꞌ ajcuiꞌ saꞌ xbe̱neb li nequeꞌcꞌanjelac chiru. Ut li Ka̱cuaꞌ quixqꞌue xma̱taneb li ralal xcꞌajol. (Sal. 68:18)

2 Corintios 5:4

Nak cuanco arin saꞌ ruchichꞌochꞌ riqꞌuin li katzꞌejcual aꞌin, noco-ayaynac xban li raylal nakacꞌul. Incꞌaꞌ raj chic nakaj li katzꞌejcual li na-osoꞌ. Ma̱cuaꞌ xban nak nakaj ca̱mc. Xban nak nakaj ta ac xkatau li katzꞌejcual saꞌ choxa li ta̱cua̱nk chi junelic.

2 Corintios 5:2

Nak cuanco saꞌ li tzꞌejcualej aꞌin, noco-ayaynac ut nakaj ta ac xkatau li katzꞌejcual saꞌ li choxa li tixqꞌue ke li Dios.

Hechos 8:2

Cuib oxib laj pa̱banel queꞌmukuc re laj Esteban ut cꞌajoꞌ nak queꞌrahoꞌ xchꞌo̱leb xban lix camic.

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

San Juan 3:13

Ma̱ ani quicuulac saꞌ choxa. Caꞌaj cuiꞌ la̱in li Cꞌajolbej. La̱in xinchal chak saꞌ choxa.

San Lucas 24:51

Nak yo̱ chirosobtesinquileb, quirisi rib saꞌ xya̱nkeb ut quicꞌameꞌ takecꞌ saꞌ choxa.

San Lucas 2:15

Nak ac xco̱eb li ángel saꞌ choxa, eb laj ilol xul queꞌoc chixyebal chi ribileb rib: —Yoꞌkeb Belén ut takil chak li cꞌaꞌru xcꞌulman, li xtakla xyebal ke li Ka̱cuaꞌ, chanqueb.

San Marcos 16:19

Nak ac xra̱tinaheb lix tzolom li Ka̱cuaꞌ Jesucristo, quicꞌameꞌ saꞌ choxa xban li Dios, ut quicꞌojla saꞌ xnim ukꞌ li Acuabej Dios.

Isaías 37:21

Ut li profeta Isaías quixtakla xyebal re li rey Ezequías li cꞌaꞌru quixye li Ka̱cuaꞌ. Quixye re: —At rey, aꞌan aꞌin li naxye a̱cue li Ka̱cuaꞌ lix Dioseb laj Israel. La̱in xcuabi li cꞌaꞌru xatzꞌa̱ma chicuu chirix laj Senaquerib lix reyeb laj Asiria.

Isaías 37:15

Quitijoc chiru li Ka̱cuaꞌ ut quixye chi joꞌcaꞌin:

Proverbios 30:4

¿Ani li quitakeꞌ toj saꞌ choxa ut quicube cuiꞌchic saꞌ ruchichꞌochꞌ? ¿Ani li quichapoc re li ikꞌ saꞌ rukꞌ? ¿Ani li quilanoc re li haꞌ saꞌ lix tꞌicr? ¿Ani li quixakaban re li ruchichꞌochꞌ saꞌ xnaꞌaj? Cui nacanau ani aꞌan, ye cue. ¿Ani xcꞌabaꞌ ut ani xcꞌabaꞌ li ralal?

Hechos 27:24

Li ángel xye cue, “Matxucuac, at Pablo, xban nak tento nak tatcuulak riqꞌuin li acuabej César. Xban xnimal rusilal li Ka̱cuaꞌ, ma̱ jun reheb li cuanqueb a̱cuochben teꞌca̱mk,” chan cue.

Isaías 37:4

Lix reyeb laj Asiria quixtakla laj Rabsaces chixhobbal li yoꞌyo̱quil Dios. Ma̱re xrabi ajcuiꞌ li Ka̱cuaꞌ la̱ Dios ut tixqꞌue taxak chixtojbal xma̱c li ani xhoboc re. Chattijok chirixeb li katenamit li joꞌ qꞌuial chic xeꞌcana.—

Eclesiastés 7:19

Li ani cuan xnaꞌleb naqꞌueheꞌ xcacuilal xban lix naꞌleb ut cau rib chiru laje̱b chi cui̱nk li cuanqueb xcuanquil.

Proverbios 11:11

Nak eb li ti̱queb xchꞌo̱l nequeꞌosobtesi̱c, na-osobtesi̱c ajcuiꞌ li tenamit. Abanan eb li incꞌaꞌ useb xnaꞌleb naru nequeꞌxpoꞌ li tenamit riqꞌuin li cꞌaꞌru nequeꞌxye.

Li xHu LAJ JOB 22:30

Aꞌan ta̱colok a̱cue cui ma̱cꞌaꞌ a̱ma̱c. Aꞌan ta̱tenkꞌa̱nk a̱cue cui cuancat saꞌ ti̱quilal, chan laj Elifaz.

Génesis 37:34

Laj Jacob quixkꞌichi li rakꞌ li cuan chirix xban xrahil saꞌ xchꞌo̱l chirix lix camic li ralal. Ut quixqꞌue li kꞌesnal ru tꞌicr chirix chanchan coxtal retalil nak ra saꞌ xchꞌo̱l. Najt quicuan li rakꞌ aꞌan chirix ut incꞌaꞌ quinumeꞌ xrahil saꞌ xchꞌo̱l.

2 Reyes 2:13

Chirix aꞌan quixxoc lix tꞌicr laj Elías li quitꞌaneꞌ chiru ut co̱ cuiꞌchic chire li nimaꞌ Jordán.

2 Reyes 5:13

Abanan eb li mo̱s queꞌjiloc riqꞌuin laj Naamán ut queꞌxye: —Chacuy li kama̱c, ka̱cuaꞌ. Cui ta li profeta xye a̱cue nak ta̱ba̱nu junak cꞌaꞌru chꞌaꞌaj xba̱nunquil, ¿ma incꞌaꞌ raj xaba̱nu? Aꞌan moco chꞌaꞌaj ta xba̱nunquil. ¿Cꞌaꞌut nak incꞌaꞌ ta̱sub a̱cuib saꞌ li haꞌ re nak tatqꞌuira̱k? chanqueb.

2 Reyes 6:21

Ut lix reyeb laj Israel quirileb laj Siria. Quixye re laj Eliseo: —At Ka̱cuaꞌ, ¿ma tintakla xcamsinquileb? chan.

Génesis 5:24

Tzꞌakal re ru lix yuꞌam, ut saꞌ jun li cutan ma̱ ani chic saꞌ ruchichꞌochꞌ xban nak quicꞌameꞌ chi yoꞌyo xban li Dios.

Jueces 17:10

Laj Micaía quixye re: —Cana̱kat cuiqꞌuin. La̱at tatcꞌanjelak chicuu chokꞌ aj tij ut ta̱qꞌue innaꞌleb joꞌ junak yucuaꞌbej. Tinqꞌue a̱cue laje̱b chi tumin plata rajlal chihab ut tinqꞌue a̱cuakꞌ ut tinqꞌue a̱tzacae̱mk, chan laj Micaía.