2 Reyes 2:1 - Li Santil hu

¹ Quicuulac xkꞌehil nak laj Elías ta̱cꞌamekꞌ saꞌ choxa xban li Dios saꞌ li ikꞌ li naxsuti rib. Laj Elías rochben laj Eliseo queꞌel chak saꞌ li tenamit Gilgal.

Q'eqchi Bible

¹ Naq kiwulak xq'ehil naq laj Elías taak'ame'q sa' choxa xb'aan li Qaawa' sa' xyi jun muqyax, laj Elías ut laj Eliseo ke'elk sa' li tenamit Kilkal.

2 Reyes 2:1 ပူးပေါင်းရင်းမြစ်များ

Génesis 5:24

Tzꞌakal re ru lix yuꞌam, ut saꞌ jun li cutan ma̱ ani chic saꞌ ruchichꞌochꞌ xban nak quicꞌameꞌ chi yoꞌyo xban li Dios.

Hebreos 11:5

Xban lix pa̱ba̱l laj Enoc incꞌaꞌ quicam. Quicꞌameꞌ ban saꞌ choxa xban li Dios. Incꞌaꞌ chic queꞌxtau xban nak ac xcꞌameꞌ. Nakanau nak li Dios quisahoꞌ saꞌ xchꞌo̱l riqꞌuin nak toj ma̱jiꞌ nacꞌameꞌ saꞌ choxa xban nak joꞌcan tzꞌi̱banbil saꞌ li Santil Hu.

1 Reyes 19:11

Ut li Ka̱cuaꞌ quixye re: —Elen saꞌ li ochoch pec ut xaklin saꞌ xbe̱n li tzu̱l arin chicuu, chan. Saꞌ ajcuiꞌ li ho̱nal aꞌan quinumeꞌ li Ka̱cuaꞌ ut quinumeꞌ ajcuiꞌ jun cacuil ikꞌ re xcꞌutbesinquil lix cuanquil. Kꞌaxal cau quinumeꞌ li ikꞌ toj retal quilajjacheꞌ li tzu̱l ut eb li pec quilajeꞌjoreꞌ. Abanan li Dios toj ma̱jiꞌ naa̱tinac riqꞌuin laj Elías. Nak ac xnumeꞌ li ikꞌ, quixqꞌue hi̱c, abanan toj ma̱jiꞌ naa̱tinac li Ka̱cuaꞌ riqꞌuin laj Elías.

Josué 5:9

Ut li Ka̱cuaꞌ quixye re laj Josué: —Anakcuan xcuisi le̱ xuta̱n xban nak quexcuan chak chokꞌ rahobtesinbil mo̱s nak cuanquex aran Egipto, chan. Joꞌcan nak Gilgal xcꞌabaꞌ li naꞌajej aꞌan chalen anakcuan.

Josué 4:19

Eb laj Israel queꞌnumeꞌ saꞌ li nimaꞌ Jordán saꞌ li laje̱b xbe li xbe̱n po re li chihab aꞌan. Ut queꞌxqꞌue lix muheba̱leb saꞌ li naꞌajej Gilgal saꞌ xbehil li tenamit Jericó.

Apocalipsis 11:12

Ut li cuib chi cui̱nk queꞌrabi jun yo̱ chi a̱tinac saꞌ choxa. Chi cau xya̱b xcux quixye reheb: —Takenkex chak arin, chan. Ut queꞌtakeꞌ saꞌ choxa saꞌ jun li chok chiruheb li xicꞌ nequeꞌiloc reheb.

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

San Lucas 9:51

Nak ac cuulac re xkꞌehil nak li Jesús ta̱cꞌamekꞌ cuiꞌchic xban li Dios saꞌ choxa, quixcacuubresi xchꞌo̱l chi xic Jerusalén.

Li xHu LAJ JOB 38:1

Tojoꞌnak li Dios qui-oc chi a̱tinac saꞌ jun li ca̱k-sut-ikꞌ ut quixye re laj Job:

2 Reyes 4:38

Chirix aꞌan laj Eliseo quisukꞌi Gilgal. Saꞌ eb li cutan aꞌan yo̱ li cueꞌej. Jun chꞌu̱tal chi profeta queꞌxchꞌutub ribeb riqꞌuin. Laj Eliseo quixye re lix mo̱s: —Qꞌue li nimla ucꞌal saꞌ xam ut yi̱b lix tzacae̱mkeb, chan.

2 Reyes 2:11

Yo̱queb chi xic ut yo̱queb chi a̱tinac chi ribileb rib. Saꞌ junpa̱t quichal jun li carruaje chanchan xam ut quelonbil xbaneb li cacua̱y chanchaneb xam. Li carruaje quinumeꞌ saꞌ xyiheb ut laj Elías quicꞌameꞌ saꞌ choxa saꞌ jun li ikꞌ yo̱ chixsutinquil rib.

1 Reyes 19:4

Ut laj Elías co̱ xjunes saꞌ li chaki chꞌochꞌ. Jun cutan quibe̱c. Nak yo̱ chi ecuu̱c, qui-oc chi hila̱nc rubel jun to̱n li cheꞌ enebro xcꞌabaꞌ. Quiraj raj ca̱mc ut xban xrahil xchꞌo̱l quixye re li Dios: —At Ka̱cuaꞌ, tzꞌakal li raylal ac xincꞌul. Us raj cui tina̱qꞌue chi ca̱mc. La̱in moco kꞌaxal cha̱bilin ta chiruheb lin xeꞌto̱nil yucuaꞌ, chan.

1 Reyes 18:12

Ma̱re lix musikꞌ li Ka̱cuaꞌ tatxcꞌam saꞌ jalan chic naꞌajej nak ac xin-el arin. Cui la̱in ninye re li rey Acab nak cuancat arin ut cui ma̱ anihakat nak ta̱cha̱lk cha̱sicꞌbal, relic chi ya̱l tinixtakla chi camsi̱c. La̱at nacanau nak chalen saꞌ insa̱jilal la̱in ninxucua ru li Ka̱cuaꞌ.

2 Reyes 1:18

Chixjunil li quixba̱nu li rey Ocozías nak cuan saꞌ xcuanquil tzꞌi̱banbil retalil saꞌ li hu Crónicas, li tzꞌi̱banbil cuiꞌ li quilajeꞌxba̱nu lix reyeb laj Israel.