2 Reyes 17:9 - Li Santil hu

⁹ Eb laj Israel queꞌxba̱nu chi mukmu li incꞌaꞌ quicuulac chiru li Ka̱cuaꞌ lix Dioseb. Queꞌxyi̱b li naꞌajej re xlokꞌoninquileb li yi̱banbil Dios saꞌ chixjunileb li tenamit. Ut queꞌxyi̱b ajcuiꞌ saꞌ eb li cocꞌ cab najt xteram li nequeꞌcuan cuiꞌ li nequeꞌiloc re li tenamit, joꞌ eb ajcuiꞌ li tenamit li cauresinbileb re xcolbaleb rib.

Q'eqchi Bible

⁹ Eb' laj Israel ke'xb'aanu chi muqmu li ink'a' nawulak chiru li Qaawa' li xYoseb': ke'xyiib'atq tijob'aal re xloq'oninkileb' li jalanil yos, sa' chixjunil li xtenamiteb', chalen sa'atqeb' li kab'l najteb' xteram neke'ilok wi' li tenamit toj sa'atqeb' li tenamit suttz'akeb' rix.

2 Reyes 17:9 ပူးပေါင်းရင်းမြစ်များ

2 Reyes 18:8

Ut quinumta saꞌ xbe̱neb laj filisteo ut quire̱chani chixjunil lix naꞌajeb. Quire̱chani li naꞌajej li naticla cuan cuiꞌ li tenamit Gaza ut nacuulac toj saꞌ lix nuba̱l li naꞌajej Judá li cuanqueb cuiꞌ li cab li queꞌxyi̱b re xcolbaleb rib joꞌ ajcuiꞌ li cab najt xteram li queꞌxcꞌacꞌale cuiꞌ lix tenamiteb.

Oseas 12:11

—¿Ma incꞌaꞌ ta biꞌ numtajenak li ma̱c aran Galaad? Relic chi ya̱l nak numtajenak li ma̱c. Aran Gilgal nequeꞌxmayeja li cuacax. Abanan ta̱cuulak xkꞌehil nak ma̱cꞌaꞌ chic teꞌoc cuiꞌ lix artaleb. Chanchan li pec yal tu̱btu teꞌcana̱k saꞌ lix naꞌajeb.

Ezequiel 8:12

Li chanchan cui̱nk quixye cue: —At ralal cui̱nk, ¿ma xaqꞌue retal li cꞌaꞌru yo̱queb chixba̱nunquil eb li nequeꞌcꞌamoc be saꞌ xya̱nkeb laj Israel? Chixjunileb yo̱queb chixlokꞌoninquileb li yi̱banbil dios chi mukmu. Ut nequeꞌxye nak la̱in incꞌaꞌ nacuil li cꞌaꞌru nequeꞌxba̱nu. Nequeꞌxye nak la̱in xintzꞌekta̱na lix naꞌajeb.

Li xHu LAJ JOB 31:27

Abanan la̱in incꞌaꞌ xinlokꞌoniheb chi mukmu, chi moco xincuutzꞌ li cuukꞌ re xqꞌuebal xlokꞌal.

Deuteronomio 27:15

Tzꞌekta̱nanbil li ani tixyi̱b lix jalanil dios ut xjalam u̱ch riqꞌuin chꞌi̱chꞌ ut riqꞌuin cheꞌ usta tixqꞌue saꞌ junak naꞌajej mukmu re tixlokꞌoni xban nak li Ka̱cuaꞌ xicꞌ naril aꞌan. Ut chixjunileb li tenamit teꞌchakꞌok ut teꞌxye: Joꞌcan taxak.

Deuteronomio 13:6

Cui ani tixye e̱re saꞌ mukmu nak te̱lokꞌoni li jalanil dios, me̱ba̱nu chi joꞌcan. Me̱ba̱nu aꞌan usta le̱ ras, usta le̱ ralal malaj ut le̱ rabin, usta le̱ rixakil li nequera, usta li tzꞌakal e̱rami̱g li ta̱yehok e̱re nak te̱lokꞌoniheb li jalanil dios li incꞌaꞌ xelokꞌoni ruheb, chi moco xeꞌxlokꞌoni le̱ naꞌ e̱yucuaꞌ.

Deuteronomio 29:25

Ut ta̱yehekꞌ reheb, “Quixba̱nu chi joꞌcan li Ka̱cuaꞌ xban nak queꞌxkꞌet li contrato li queꞌxba̱nu riqꞌuin li Ka̱cuaꞌ lix Dioseb lix xeꞌto̱nil yucuaꞌeb nak li Dios qui-isin chak reheb saꞌ li naꞌajej Egipto.

Salmos 78:58

Queꞌxqꞌue xjoskꞌil li Dios xban nak queꞌxyi̱b li artal li nequeꞌxlokꞌoni cuiꞌ li yi̱banbil dios. Xban nak queꞌxlokꞌoni li yi̱banbil dios, cꞌajoꞌ nak quirahoꞌ xchꞌo̱l li Ka̱cuaꞌ.

Isaías 29:15

Raylal ta̱cha̱lk saꞌ xbe̱neb li nequeꞌxcꞌoxla xba̱nunquil chi mukmu chiru li Ka̱cuaꞌ li cꞌaꞌru nequeꞌxcꞌu̱b ru xba̱nunquil. Nequeꞌxcꞌoxla nak ma̱ ani na-iloc reheb. Saꞌ xchꞌo̱leb aꞌan nak ma̱ ani nanaꞌoc re li cꞌaꞌru nequeꞌxba̱nu.

Ezequiel 20:28

La̱in quincꞌameb saꞌ li cha̱bil naꞌajej li quinyechiꞌi reheb. Nak queꞌril li tzu̱l li najt xteram ut eb li cheꞌ li ni̱nk xmu, queꞌxqꞌue xmayejeb aran. Queꞌxchikꞌ injoskꞌil nak queꞌxqꞌue lix cꞌatbil mayej ut queꞌxqꞌue li vino chokꞌ xmayej ut queꞌxqꞌue ajcuiꞌ li sununquil pom.