2 Reyes 17:4 - Li Santil hu

⁴ Saꞌ jun li cutan laj Salmanasar lix reyeb laj Asiria quixqꞌue retal nak laj Oseas yo̱ chixbalakꞌinquil xban nak naxtaklaheb lix takl riqꞌuin laj So lix reyeb laj Egipto ut incꞌaꞌ chic naxtakla lix toj rajlal chihab joꞌ naxba̱nu. Joꞌcan nak lix reyeb laj Asiria quixtakla xchapbal laj Oseas ut quixqꞌue saꞌ tzꞌalam.

Q'eqchi Bible

⁴ Ab'an li awab'ej re Asiria koxnaw naq laj Oseas yo chi xb'alaq'inkil: naxtaqlaheb' li xtaql rik'in laj So, awab'ej re Ejiipt, ut ink'a' chik naxk'e xtoj re kama' chaq xb'enwa. Jo'kan naq li awab'ej re Asiria kixtaqla xchapb'al laj Oseas ut kixtz'ap sa' tz'alam.

2 Reyes 17:4 ပူးပေါင်းရင်းမြစ်များ

2 Crónicas 32:11

Laj Ezequías yo̱ che̱balakꞌinquil nak naxye e̱re nak li Ka̱cuaꞌ le̱ Dios ta̱colok e̱re saꞌ cuukꞌ la̱in, lix reyeb laj Asiria. La̱in texincanab chi ca̱mc xban cueꞌej ut chaki el.

2 Reyes 25:7

Ut chiru laj Sedequías queꞌxchꞌic chi chꞌi̱chꞌ saꞌ cuxeb li ralal. Chirix aꞌan queꞌrisi lix nakꞌ ru xcabichal laj Sedequías, queꞌxbacꞌ riqꞌuin cadena ut queꞌxcꞌam toj Babilonia.

2 Reyes 24:20

Ut quichal xjoskꞌil li Ka̱cuaꞌ saꞌ xbe̱neb laj Jerusalén ut saꞌ xbe̱neb laj Judá toj retal nak quixcanabeb chi cꞌamecꞌ saꞌ jalan tenamit. Mokon chic li rey Sedequías quipletic riqꞌuin lix reyeb laj Babilonia.

2 Reyes 24:1

Nak cuan chokꞌ xreyeb laj Judá laj Joacim, laj Nabucodonosor lix reyeb laj Babilonia quipletic riqꞌuineb laj Judá. Oxib chihab quicuan laj Joacim rubel xcuanquil. Chirix aꞌan laj Joacim quixkꞌetkꞌeti rib chiru laj Nabucodonosor.

2 Reyes 18:21

La̱o nakanau nak la̱at cꞌojcꞌo a̱chꞌo̱l saꞌ xbe̱neb laj Egipto. Eb laj Egipto moco cauheb ta rib. Chanchaneb li caxlan ajl. Cui ta̱chap chokꞌ re a̱xukꞌ, tixhop la̱ cuukꞌ. Li ani tixcꞌojob xchꞌo̱l saꞌ xbe̱n laj faraón, lix reyeb laj Egipto, ra tixcꞌul.

Deuteronomio 28:36

Li Ka̱cuaꞌ texqꞌue chi cꞌamecꞌ la̱ex joꞌ ajcuiꞌ le̱ rey saꞌ jalan tenamit li incꞌaꞌ nequenau ru, chi moco le̱ xeꞌto̱nil yucuaꞌ queꞌxnau ru. Ut aran te̱lokꞌoni li jalanil dios li yi̱banbileb riqꞌuin cheꞌ ut riqꞌuin pec.

2 Reyes 17:3

Laj Salmanasar lix reyeb laj Asiria quipletic riqꞌuin laj Oseas ut quire̱chani li ple̱t. Joꞌcan nak laj Oseas quicꞌanjelac chiru ut quixtoj rix lix naꞌajeb.

2 Reyes 17:5

Chirix aꞌan lix reyeb laj Asiria qui-oc chi pletic riqꞌuineb laj Israel. Oxib chihab quipletic riqꞌuineb li cuanqueb Samaria.

Oseas 10:4

Ma̱cꞌaꞌ rajbal li cꞌaꞌru nequeꞌxye nak nequeꞌxba̱nu li contrato xban nak incꞌaꞌ nequeꞌxba̱nu li cꞌaꞌru nequeꞌxye. Incꞌaꞌ nequeꞌrakoc a̱tin saꞌ xya̱lal. Li ma̱usilal li nequeꞌxba̱nu nak nequeꞌrakoc a̱tin, chanchan li yibru pim nak naqꞌuian saꞌ xya̱nkeb li acui̱mk.

Oseas 13:10

¿Bar cuan le̱ rey anakcuan re texcol la̱ex ut le̱ tenamit? Ut, ¿bar cuanqueb laj rakol a̱tin li xetzꞌekta̱na nak queye nak queraj junak le̱ rey joꞌ ajcuiꞌ eb li teꞌtenkꞌa̱nk re chi takla̱nc saꞌ e̱be̱n?

Oseas 8:10

Lin tenamit teꞌxtumina ruheb laj Asiria. Ut la̱in tebinchꞌutub ru ut tebinqꞌue chixcꞌulbal li raylal saꞌ rukꞌeb lix reyeb laj Asiria joꞌqueb ajcuiꞌ li nequeꞌcꞌanjelac chiru.

Oseas 12:2

Li Ka̱cuaꞌ yo̱ xjoskꞌil saꞌ xbe̱neb li ralal xcꞌajol laj Judá ut tixqꞌueheb chixtojbal xma̱queb li ralal xcꞌajol laj Jacob aꞌ yal chanru xyehom xba̱nuhomeb. Tixqꞌueheb chixtojbal xma̱queb joꞌ xcꞌulubeb.