2 Reyes 16:9 - Li Santil hu

⁹ Lix reyeb laj Asiria quixba̱nu li cꞌaꞌru quiraj li rey Acaz. Quipletic riqꞌuineb laj Siria ut quire̱chani li tenamit Damasco. Quixcamsi li rey Rezín ut quixchapeb li cuanqueb Damasco ut quixcꞌameb chi pre̱xil toj saꞌ li tenamit Kir.

Q'eqchi Bible

⁹ ut a'in kixb'aanu li kitz'aamaak chiru: koho chi yalok rik'in Damaask, kireechani li tenamit, kixk'ameb' li xpoyanamil toj sa' li tenamit Kir ut kixkamsi laj Resón.

2 Reyes 16:9 ပူးပေါင်းရင်းမြစ်များ

Amós 9:7

Joꞌcaꞌin naxye li Ka̱cuaꞌ reheb laj Israel: —Chicuu la̱in, la̱ex juntakꞌe̱tex riqꞌuineb laj Etiopía. ¿Ma ma̱cuaꞌ ta biꞌ la̱in quin-isin chak e̱re aran Egipto? Ut, ¿ma ma̱cuaꞌ ta biꞌ la̱in quin-isin reheb laj filisteo saꞌ li naꞌajej Creta ut eb laj arameo saꞌ li naꞌajej Kir? chan li Ka̱cuaꞌ Dios.

Isaías 22:6

Eb li soldados teꞌcha̱lk toj Elam chirix cacua̱y. Cua̱nk chak saꞌ rukꞌeb lix tzimaj. Ut eb li soldados li teꞌcha̱lk toj Kir cua̱nk chak saꞌ rukꞌeb lix chꞌi̱chꞌ re xcolbal re xchꞌo̱leb.

Isaías 9:11

Li Ka̱cuaꞌ quixchikꞌ xjoskꞌileb li xicꞌ nequeꞌiloc reheb. Queꞌxchꞌutub ribeb re teꞌxic chi pletic riqꞌuineb laj Israel.

Isaías 7:16

Nak toj ma̱jiꞌ naxnau xsicꞌbal ru li us ut xtzꞌekta̱nanquil li incꞌaꞌ us li chꞌina al, lix naꞌajeb li cuib chi rey li nequexucua ru ta̱cana̱k chi ma̱cꞌaꞌ chic cristian chiru.

2 Crónicas 28:21

Li rey Acaz quirisi saꞌ lix templo li Ka̱cuaꞌ li terto xtzꞌak ut quixsi re laj Tiglat-pileser. Quixsi ajcuiꞌ re li terto xtzꞌak li quicuan saꞌ li palacio ut li quicuan riqꞌuineb li cuanqueb xcuanquil. Usta chixjunil aꞌin quiqꞌueheꞌ re laj Tiglat-pileser, abanan incꞌaꞌ ajcuiꞌ quixtenkꞌa li rey Acaz.

2 Crónicas 28:5

Joꞌcan nak li Ka̱cuaꞌ Dios quixkꞌaxtesi li rey Acaz saꞌ rukꞌ lix reyeb laj Siria. Eb laj Siria queꞌnumta saꞌ xbe̱neb laj Judá ut queꞌxchap nabaleb ut queꞌxcꞌam chi pre̱xil toj Damasco. Ut quitꞌaneꞌ ajcuiꞌ li rey Acaz saꞌ rukꞌ lix reyeb laj Israel ut nabaleb li queꞌcamsi̱c xban.

Isaías 10:9

¿Ma incꞌaꞌ ta biꞌ juntakꞌe̱teb li tenamit Calno ut Carquemis? ¿Ma incꞌaꞌ ta biꞌ juntakꞌe̱teb li tenamit Hamat ut Arfad? Ut, ¿ma incꞌaꞌ ta biꞌ juntakꞌe̱teb Samaria ut Damasco?

Isaías 17:1

Aꞌan aꞌin li quixye li profeta chirixeb laj Damasco: —Damasco incꞌaꞌ chic ta̱cana̱k joꞌ tenamit. Ta̱poꞌekꞌ ut juqꞌuinbil ta̱cana̱k.

Isaías 37:18

At Ka̱cuaꞌ Dios, relic chi ya̱l nak lix reyeb laj Asiria queꞌxsach chixjunileb li tenamit ut queꞌxcanab chi nayamnac ru li naꞌajej.

2 Crónicas 16:4

Li rey Ben-adad quixcꞌul xchꞌo̱l li quixye laj Asa. Joꞌcan nak quixtaklaheb lix soldado joꞌqueb ajcuiꞌ li nequeꞌtaklan saꞌ xbe̱neb re nak teꞌpletik aran Israel. Ut queꞌnumta saꞌ xbe̱neb li tenamit Ijón, Dan, Abel-maim ut eb li tenamit li cuanqueb aran Neftalí, li nequeꞌxxoc cuiꞌ li cꞌaꞌak re ru.

Isaías 9:10

—Ya̱l nak xtꞌaneꞌ li cab yi̱banbil riqꞌuin xan. Abanan takayi̱b cuiꞌchic riqꞌuin pec. Queꞌxyocꞌ li tzꞌamba li yi̱banbil riqꞌuin li cheꞌ sicómoro, abanan takayi̱b cuiꞌchic riqꞌuin li cha̱bil cheꞌ chacalteꞌ, chanqueb.