2 Reyes 16:3 - Li Santil hu

³ Quixba̱nu ban li incꞌaꞌ us joꞌ queꞌxba̱nu lix reyeb laj Israel toj retal quixqꞌue chokꞌ cꞌatbil mayej li ralal re xlokꞌoninquil li yi̱banbil dios. Quixba̱nu li ma̱usilal joꞌ queꞌxba̱nu li tenamit li queꞌisi̱c xban li Ka̱cuaꞌ saꞌ li naꞌajej li queꞌoc cuiꞌ eb laj Israel.

Q'eqchi Bible

³ kixb'aanu b'an jo' ke'xb'aanu eb' li awab'ej re Israel, ut kixq'axtesi li ralal chi k'ate'k, jo' li tz'i'b'eetalil neke'xb'aanu eb' li tenamit li ke'sache'k ru xb'aan li Qaawa' chiruheb' laj Israel.

2 Reyes 16:3 ပူးပေါင်းရင်းမြစ်များ

Deuteronomio 12:31

Nak texlokꞌoni̱nk chiru li Ka̱cuaꞌ le̱ Dios, me̱ba̱nu li incꞌaꞌ us joꞌ nequeꞌxba̱nu li jalan xtenamiteb nak nequeꞌxlokꞌoni lix yi̱banbil dioseb. Nequeꞌxba̱nu li ma̱usilal toj retal nak nequeꞌxcꞌat li ralal xcꞌajol chokꞌ xmayejeb chiru lix jalanil dios.

Levítico 18:21

Junak cui̱nk incꞌaꞌ naru tixqꞌue li ralal xcꞌajol chokꞌ xcꞌatbil mayej chiru li yi̱banbil dios Moloc. Incꞌaꞌ ta̱risi xlokꞌal lin cꞌabaꞌ la̱in li Ka̱cuaꞌ le̱ Dios riqꞌuin xba̱nunquil aꞌin. La̱in li Ka̱cuaꞌ li yo̱quin chi yehoc re aꞌin.

2 Reyes 21:2

Laj Manasés quima̱cob chiru li Dios xban nak quixba̱nu li ma̱usilal li queꞌxba̱nu li tenamit li queꞌisi̱c saꞌ li naꞌajej aꞌan xban li Dios nak queꞌoc laj Israel.

2 Reyes 21:11

Queꞌxye: —Cꞌajoꞌ li ma̱usilal quixba̱nu li rey Manasés. Kꞌaxal yibru chiru li ma̱usilal queꞌxba̱nu eb laj amorreo li queꞌcuan saꞌ li naꞌajej aꞌin junxil. Aꞌan xcꞌamoc be chiruheb laj Judá chixlokꞌoninquileb li jalanil dios.

2 Reyes 17:17

Queꞌxcꞌat li ralal xcꞌajoleb chokꞌ xmayejeb chiru li yi̱banbil dios. Queꞌco̱eb chi patzꞌoc riqꞌuineb laj kꞌe ut riqꞌuineb laj tu̱l. Ut junes li ma̱usilal queꞌxqꞌue xchꞌo̱l chixba̱nunquil. Joꞌcan nak queꞌxchikꞌ xjoskꞌil li Dios.

Ezequiel 20:31

Chalen anakcuan nequemux e̱rib riqꞌuin xlokꞌoninquileb li jalanil dios ut nequeqꞌue le̱ cocꞌal chokꞌ cꞌatbil mayej. Ut chirix aꞌan nequexchal chixsicꞌbal e̱naꞌleb cuiqꞌuin. La̱in li yoꞌyo̱quil Dios ninye e̱re nak la̱in incꞌaꞌ tinsume li cꞌaꞌru nequepatzꞌ.

Ezequiel 20:26

Quincanabeb chixmuxbal ribeb riqꞌuin li mayej queꞌxqꞌue reheb li jalanil dios. Queꞌxqꞌue li xbe̱n ralaleb chokꞌ xcꞌatbil mayej. Quincanabeb chixba̱nunquil chi joꞌcan re nak teꞌxucuak ut teꞌxqꞌue retal nak la̱in li Ka̱cuaꞌ.

Ezequiel 16:47

La̱at catzol a̱cuib riqꞌuineb ut caba̱nu li incꞌaꞌ us li queꞌxba̱nu eb aꞌan. Abanan la̱ ma̱usilal la̱at quinumta chiru li ma̱usilal li queꞌxba̱nu eb aꞌan.

Ezequiel 16:21

¿Ma incꞌaꞌ ta biꞌ cacamsiheb li cualal incꞌajol nak caqꞌueheb chokꞌ a̱cꞌatbil mayej chiruheb li yi̱banbil dios?

Jeremías 32:35

Queꞌxyi̱b li naꞌajej li najt xteram re teꞌxlokꞌoni cuiꞌ li yi̱banbil dios Baal saꞌ li ru takꞌa re Ben-hinom ut re ajcuiꞌ nak teꞌxcꞌat chokꞌ xmayejeb eb li ralal xcꞌajol chiru lix dios Moloc. La̱in incꞌaꞌ quinye reheb nak teꞌxba̱nu aꞌan, chi moco quincꞌoxla nak teꞌxba̱nu li ma̱usilal aꞌan li kꞌaxal yibru nak queꞌxcꞌam xbeheb laj Judá chi ma̱cobc.

Salmos 106:35

Queꞌxjunaji ban ribeb riqꞌuineb ut queꞌoc chixba̱nunquil li cꞌaꞌru nequeꞌxba̱nu eb aꞌan.

2 Crónicas 33:6

Quixcꞌateb li ralal chokꞌ xmayej saꞌ li ru takꞌa re Ben-hinom. Naxic riqꞌuineb laj kꞌe chixpatzꞌbal cꞌaꞌru ta̱cha̱lk chiru mokon. Quixqꞌueheb xcuanquil laj kꞌe ut eb laj tu̱l ut eb li nequeꞌxnau xba̱nunquil li magia ut quixpatzꞌ xnaꞌleb riqꞌuineb li musikꞌej. Numtajenak li ma̱usilal li quixba̱nu toj retal nak quinumta xjoskꞌil li Ka̱cuaꞌ saꞌ xbe̱n.

2 Crónicas 33:2

Laj Manasés quixba̱nu li incꞌaꞌ us chiru li Ka̱cuaꞌ. Quixba̱nu li ma̱usilal li queꞌxba̱nu li tenamit li queꞌisi̱c xban li Ka̱cuaꞌ nak eb laj Israel queꞌoc saꞌ li naꞌajej aꞌan.

2 Crónicas 22:3

Laj Ocozías quixba̱nu li ma̱usilal joꞌ queꞌxba̱nu eb li ralal xcꞌajol laj Acab xban nak lix naꞌ naqꞌuehoc xnaꞌleb chixba̱nunquil li ma̱usilal.

2 Reyes 23:10

Li rey Josías quixtakla xpoꞌbal li naꞌajej Tofet li cuan saꞌ li ru takꞌa saꞌ lix chꞌochꞌ laj Ben-hinom. Quixpoꞌ li naꞌajej aꞌan re nak ma̱ ani chic tixcꞌat li ralal malaj ut lix rabin chokꞌ xmayej chiru li yi̱banbil dios Moloc.

2 Reyes 21:6

Quixcꞌat li ralal chokꞌ xmayej chiruheb li yi̱banbil dios. Ut naxic riqꞌuineb laj kꞌe ut riqꞌuineb laj tu̱l chixpatzꞌbal cꞌaꞌru tixba̱nu. Cꞌajoꞌ nak quichal xjoskꞌil li Dios xban li ma̱usilal quixba̱nu.

2 Reyes 8:18

Li rixakil, aꞌan lix rabin laj Acab. Laj Joram quixba̱nu li ma̱usilal joꞌ queꞌxba̱nu chixjunileb lix reyeb laj Israel. Quixba̱nu li incꞌaꞌ us chiru li Ka̱cuaꞌ.

1 Reyes 14:24

Eb li ixk ut eb li cui̱nk kꞌaxal cuiꞌchic yibru queꞌxba̱nu chiribileb rib re xqꞌuebal xlokꞌal lix dioseb li queꞌxyi̱b. Queꞌxba̱nu joꞌ queꞌxba̱nu li jalan xtenamiteb li incꞌaꞌ nequeꞌxpa̱b li Dios, li queꞌisi̱c xban li Ka̱cuaꞌ saꞌ li naꞌajej li queꞌoc cuiꞌ eb laj Israel.

Deuteronomio 18:10

Ut ma̱ jun e̱re tixcꞌat lix cocꞌal chokꞌ xmayej, chi moco texkꞌehi̱nk, chi moco textu̱lak, chi moco texxic chi patzꞌoc riqꞌuineb laj tu̱l ut eb laj kꞌe.

Levítico 20:2

—Ta̱ye ajcuiꞌ reheb laj Israel chi joꞌcaꞌin. Yalak ani li cui̱nk aj Israel tixyechiꞌi li ralal xcꞌajol chokꞌ xmayej chiru li yi̱banbil dios Moloc, li cui̱nk aꞌan ta̱camsi̱k chi pec xbaneb li tenamit. Relic chi ya̱l ta̱camsi̱k usta aj Israel, usta jalan xtenamit li cuan arin Israel.

2 Reyes 17:8

Eb laj Israel queꞌxba̱nu li incꞌaꞌ us joꞌ queꞌxba̱nu li jalaneb xtenamit li queꞌisi̱c xban li Dios saꞌ li naꞌajej li queꞌoc cuiꞌ. Ut queꞌxba̱nu ajcuiꞌ li incꞌaꞌ us li queꞌcꞌameꞌ cuiꞌ xbeheb xbaneb li rey li queꞌcuan aran Israel.

2 Reyes 17:19

Abanan chi moco eb li ralal xcꞌajol laj Judá queꞌxba̱nu li cꞌaꞌru naxye saꞌ li chakꞌrab li quiqꞌueheꞌ reheb xban li Ka̱cuaꞌ lix Dioseb. Queꞌxqꞌue ban xcuanquil li chakꞌrab li quiqꞌueheꞌ xbaneb li ralal xcꞌajol laj Israel.

Miqueas 6:7

¿Ma ta̱sahokꞌ saꞌ xchꞌo̱l li Ka̱cuaꞌ cui takamayeja nabalak li carner chiru? ¿Ma ta̱sahokꞌ xchꞌo̱l riqꞌuin cui takamayeja chiru nabalak li aceite? ¿Ma takaqꞌue chokꞌ kamayej li xbe̱n kalal re tixcuy kama̱c nak xkakꞌet li ra̱tin? ¿Ma takamayeja li xbe̱n kalal re xtojbal rix li kama̱c?

2 Reyes 17:16

Queꞌxtzꞌekta̱na chixjunil li chakꞌrab li quiqꞌueheꞌ reheb xban li Ka̱cuaꞌ lix Dioseb. Ut queꞌxyi̱b riqꞌuin li chꞌi̱chꞌ cuib xjalam u̱ch li cuacax ut queꞌxlokꞌoni. Queꞌxyi̱b lix jalam u̱ch lix Asera lix dioseb. Ut queꞌxlokꞌoni ajcuiꞌ laj Baal ut eb li chahim, li sakꞌe ut li po.

2 Reyes 21:9

Abanan eb aꞌan incꞌaꞌ queꞌxba̱nu li cꞌaꞌru quixye li Ka̱cuaꞌ. Laj Manasés quicꞌamoc be chiruheb chixba̱nunquil li ma̱usilal. Kꞌaxal cuiꞌchic yibru queꞌxba̱nu chiru li queꞌxba̱nu eb li jalan tenamit li queꞌisi̱c saꞌ eb li naꞌajej aꞌan xban li Dios nak queꞌoc laj Israel.

Isaías 57:5

¿Ma ma̱cuaꞌ ta biꞌ la̱ex li nequeba̱nu li moco uxc ta naraj rubeleb li ni̱nki cheꞌ re xlokꞌoninquil le̱ yi̱banbil dios? ¿Ma incꞌaꞌ ta biꞌ nequemayeja le̱ cocꞌal saꞌ eb li ochoch pec ut saꞌ eb li ru takꞌa?