2 Reyes 14:4 - Li Santil hu

⁴ Incꞌaꞌ quirisi li naꞌajej li najt xteram li queꞌlokꞌoni̱c cuiꞌ li yi̱banbil dios. Ut eb li tenamit toj yo̱queb chixqꞌuebal lix cꞌatbil mayej ut yo̱queb chixcꞌatbal li incienso saꞌ eb li naꞌajej aꞌan.

Q'eqchi Bible

⁴ Ink'a' kirisi eb' li na'ajej naloq'oniik wi' li jalanil yos, ut eb' li tenamit toj neke'xik chi mayejak ut chi k'atok pom sa'eb' li tijob'aal sa' xjolomeb' li tzuul.

2 Reyes 14:4 ပူးပေါင်းရင်းမြစ်များ

2 Reyes 12:3

Laj Joás us quixba̱nu, abanan incꞌaꞌ quirisiheb li naꞌajej li najt xteram li nequeꞌlokꞌoni̱c cuiꞌ li yi̱banbil dios. Eb li tenamit toj yo̱queb chixcꞌatbal lix mayej ut yo̱queb chixcꞌatbal lix incienso saꞌ xbe̱neb li artal li cuanqueb aran.

2 Reyes 16:4

Quixqꞌue lix cꞌatbil mayej ut quixcꞌat li incienso saꞌ eb li naꞌajej li najt xteram ut saꞌ eb li tzu̱l ut rubel eb li cheꞌ li ni̱nk xmuheb.

2 Reyes 15:35

Abanan li rey Jotam incꞌaꞌ quixjuqꞌueb li naꞌajej li najt xteram. Ut eb li cristian toj yo̱queb chixqꞌuebal li cꞌatbil mayej ut yo̱queb ajcuiꞌ chixcꞌatbal lix incienso re xlokꞌoninquil li jalanil dios. Li rey Jotam quixyi̱b cuiꞌchic li nimla oqueba̱l saꞌ li rochoch li Ka̱cuaꞌ Dios.

2 Reyes 15:4

Abanan incꞌaꞌ quixjuqꞌueb li naꞌajej najt xteram li queꞌlokꞌoni̱c cuiꞌ li jalanil dios. Ut eb li tenamit toj yo̱queb chixqꞌuebal lix cꞌatbil mayej ut yo̱queb chixcꞌatbal lix incienso saꞌ eb li artal aꞌan.

2 Reyes 14:3

Laj Amasías quixba̱nu li us chiru li Ka̱cuaꞌ. Abanan incꞌaꞌ quicuan saꞌ xya̱lal chi tzꞌakal joꞌ li rey David lix xeꞌto̱nil yucuaꞌ. Quixba̱nu ban joꞌ quixba̱nu laj Joás lix yucuaꞌ.

2 Reyes 12:4

Saꞌ jun li cutan laj Joás quixye reheb laj tij: —Te̱xoc ut te̱chꞌutub ru chixjunil li tumin li naqꞌueman saꞌ lix templo li Ka̱cuaꞌ, joꞌ ajcuiꞌ li joꞌ qꞌuial li tento teꞌxtoj li junju̱nk joꞌ ajcuiꞌ li na-ala saꞌ xchꞌo̱leb xqꞌuebal.