2 Reyes 13:7 - Li Santil hu

⁷ Ma̱cꞌaꞌ chic xsoldado laj Joacaz queꞌcana. Mero ciento aj chic lix soldado li nequeꞌxic chirix cacua̱y, laje̱b aj chic lix carruaje ut laje̱b mil aj chic li soldado li nequeꞌxic chi rokeb. Ut eb li jun chꞌol chic queꞌsacheꞌ ruheb xbaneb laj Asiria. Chanchan nak nayekꞌi̱c li poks saꞌ chꞌochꞌ nak queꞌsacheꞌ ruheb.

Q'eqchi Bible

⁷ Laj Johakás kikanaak yal rik'in lajeeb' roxk'aal chi aj puub' neke'yalok chirix kawaay, jo'wi' rik'in lajeeb' chi b'eleb'aal ch'iich' ut lajeeb' mil laj puub' neke'b'eek chi roqeb', xb'aan naq li awab'ej re Aram kixq'ax ruheb' ut kixsacheb' chi junajwa li junch'ol chik chi aj puub', jo' na'uxk re li pojtz' naq nayeq'iik.

2 Reyes 13:7 ပူးပေါင်းရင်းမြစ်များ

Amós 1:3

Joꞌcaꞌin quixye li Ka̱cuaꞌ: —Nabal sut ac xincuy xma̱queb laj Damasco. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal li yo̱queb chixba̱nunquil. Queꞌxrahobtesiheb laj Israel li cuanqueb Galaad. Chanchan tenbileb riqꞌuin chꞌi̱chꞌ joꞌ nequeꞌxba̱nu riqꞌuin li trigo nak queꞌxrahobtesiheb laj Israel.

2 Reyes 10:32

Saꞌ eb li cutan aꞌan li Ka̱cuaꞌ quixtiquib xcꞌosbal lix naꞌajeb laj Israel. Laj Hazael quinumta saꞌ xbe̱neb laj Israel saꞌ eb li nuba̱l re lix naꞌajeb.

Joel 3:14

Numtajenak xqꞌuialeb li tenamit li cuanqueb saꞌ li ru takꞌa. Aran ta̱rakekꞌ a̱tin saꞌ xbe̱neb xban nak cuulac re xkꞌehil nak la̱in li Ka̱cuaꞌ tinrakok a̱tin.

Isaías 41:2

¿Ani xqꞌuehoc re saꞌ xchꞌo̱l li jun li cuan saꞌ li este nak ta̱cꞌanjelak saꞌ ti̱quilal? Ut, ¿ani xkꞌaxtesin saꞌ rukꞌ li xni̱nkal ru tenamit? ¿Ani xqꞌuehoc re chi numta̱c saꞌ xbe̱neb li rey? Naxsach ruheb riqꞌuin xchꞌi̱chꞌ. Chanchaneb li poks chiru. Naxjeqꞌuiheb riqꞌuin lix tzimaj. Chanchaneb li qꞌuim li nacꞌameꞌ xban ikꞌ.

Isaías 36:8

Joꞌcan ut anakcuan la̱in ninye e̱re nak takacꞌu̱b ru junak li naꞌleb. La̱in tinqꞌue e̱re cuib mil li cacua̱y ut la̱ex te̱ril ma te̱tau cuib mil li cui̱nk li teꞌxic chirixeb li cacua̱y.

Salmos 18:42

Chanchaneb li poks li nacꞌameꞌ xban ikꞌ nak xinsach ruheb. Xintzꞌekta̱naheb joꞌ li sulul saꞌ be.

2 Reyes 8:12

Laj Hazael quixye re: —At profeta Eliseo, ¿cꞌaꞌut nak yo̱cat chi ya̱bac? chan. Ut li profeta quixye re: —Yo̱quin chi ya̱bac xban nak ninnau nak la̱at tatrahobtesi̱nk reheb laj Israel. La̱at ta̱cꞌat li rochocheb li teꞌxcol cuiꞌ ribeb. Ta̱camsiheb li sa̱j cui̱nk ut ta̱saqꞌueb chiru pec li cocꞌal nak ta̱camsiheb. Ut ta̱set chi chꞌi̱chꞌ lix saꞌeb li yaj aj ixk, chan.

1 Reyes 20:27

Eb li soldados aj Israel queꞌchꞌutuba̱c ajcuiꞌ ruheb. Queꞌxcꞌam li cꞌaꞌru ta̱cꞌanjelak chiruheb ut queꞌco̱eb chi pletic. Queꞌxyi̱b lix muheba̱leb saꞌ xcaꞌyaba̱l lix muheba̱leb laj Siria. Eb laj Israel chanchaneb cuib chꞌu̱tal chi chiba̱t xban nak moco qꞌuiheb ta. Abanan eb laj Siria kꞌaxal nabaleb ut queꞌxhel ribeb saꞌ chixjunil li ru takꞌa.

1 Reyes 20:15

Joꞌcan nak li rey Acab quixtakla xbokbaleb li soldado li toj sa̱jeb li nequeꞌtenkꞌan saꞌ li junju̱nk chi naꞌajej. Cuanqueb cuib ciento riqꞌuin cablaju xcaꞌcꞌa̱l (232) chi cui̱nk. Ut chirix aꞌan quixtakla xchꞌutubanquileb chixjunileb li soldado. Cuanqueb cuukub mil (7,000) chi cui̱nk.

1 Samuel 13:15

Laj Samuel qui-el Gilgal ut co̱ Gabaa saꞌ xnaꞌajeb li ralal xcꞌajol laj Benjamín. Laj Saúl quirajla lix soldados li cuanqueb rochben ut cuakib ciento (600) aj chic li soldados li cuanqueb rochben.

2 Samuel 22:43

Chanchaneb li poks li nacꞌameꞌ xban ikꞌ nak xinsach ruheb. Chanchan yekꞌinbileb joꞌ li sulul saꞌ be xinba̱nu reheb.

2 Reyes 13:8

Chixjunil li quixba̱nu laj Joacaz, joꞌ ajcuiꞌ li quixba̱nu riqꞌuin xcacuilal xchꞌo̱l tzꞌi̱banbil retalil saꞌ li hu Crónicas, li tzꞌi̱banbil cuiꞌ retalil li quilajeꞌxba̱nu lix reyeb laj Israel.

Amós 4:10

Ut quixye ajcuiꞌ: —Xintakla li raylal saꞌ e̱be̱n joꞌ quintakla saꞌ xbe̱neb laj Egipto. Xebincanab chi camsi̱c saꞌ li ple̱t le̱ ralal li toj sa̱jeb. Aꞌ chic li xicꞌ nequeꞌiloc e̱re queꞌe̱chanin re le̱ cacua̱y. Ut queꞌchuhoꞌ le̱ camenak saꞌ li naꞌajej queꞌpletic cuiꞌ. Ut la̱ex querutzꞌ lix chuhil. Abanan riqꞌuin chixjunil li raylal aꞌin incꞌaꞌ xeraj sukꞌi̱c cuiqꞌuin.

Levítico 26:17

La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.