2 Reyes 13:4 - Li Santil hu

⁴ Laj Joacaz quitijoc chiru li Ka̱cuaꞌ ut quixtzꞌa̱ma xtenkꞌanquileb. Ut li Ka̱cuaꞌ quixsume lix tij xban nak quiril nak yo̱queb chi rahobtesi̱c laj Israel xban laj Hazael lix reyeb laj Siria.

Q'eqchi Bible

⁴ Ab'an laj Johakás kitijok chiru li Yos re taatenq'aaq, ut li Qaawa' kirab'i li xtz'aamahom xb'aan naq naril li xrahob'tesinkileb' laj Israel xb'aan li awab'ej re Aram.

2 Reyes 13:4 ပူးပေါင်းရင်းမြစ်များ

2 Reyes 14:26

Li Ka̱cuaꞌ quixqꞌue retal nak kꞌaxal ra yo̱queb chixcꞌulbal eb laj Israel ut ma̱ jun reheb naru natenkꞌan reheb xban nak chixjunileb yo̱queb chi cꞌuluc raylal.

Éxodo 3:7

Li Ka̱cuaꞌ Dios quixye re: —La̱in yo̱quin chirilbal li raylal li yo̱queb chixcꞌulbal lin tenamit li cuanqueb Egipto. Yo̱quin chirabinquil nak yo̱queb chixkꞌokonquil ribeb saꞌ rukꞌeb li nequeꞌtaklan reheb saꞌ joskꞌil. Ninnau nak kꞌaxal nayotꞌeꞌ xchꞌo̱leb xban nak rahobtesinbileb.

Salmos 78:34

Nequeꞌril nak li Dios naxcanabeb chi ca̱mc, tojeꞌ nak nequeꞌoc chixsicꞌbal li Dios. Nayotꞌeꞌ xchꞌo̱leb ut nequeꞌxtzꞌa̱ma xtenkꞌanquileb chiru.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

Isaías 63:9

Quiyotꞌeꞌ xchꞌo̱l li Ka̱cuaꞌ xban li raylal li yo̱queb chixcꞌulbal eb laj Israel. Ut lix takl, aꞌan li quicoloc reheb. Xban nak li Dios naxraheb ut naruxta̱na ruheb, joꞌcan nak quixcoleb. Ut aꞌan qui-iloc chak reheb chalen chak najter.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Números 21:7

Eb li cristian queꞌcuulac riqꞌuin laj Moisés ut queꞌxye re: —La̱o xoma̱cob nak xkacuechꞌi rix li Dios ut xoma̱cob ajcuiꞌ nak xatkacuechꞌi la̱at. Chatzꞌa̱ma chiru li Dios nak ta̱risiheb saꞌ kaya̱nk li cꞌantiꞌ aꞌin, chanqueb. Ut laj Moisés quitijoc chirixeb li tenamit.

Éxodo 3:9

Nacuabi nak yo̱queb chi ya̱bac ut yo̱queb chixkꞌokonquil ribeb. Ut ninnau ajcuiꞌ chanru nak nequeꞌrahobtesi̱c xbaneb laj Egipto.

Génesis 21:17

Li Dios quirabi nak yo̱ chi ya̱bac li al. Lix ángel li Dios quia̱tinac chak toj saꞌ choxa riqꞌuin lix Agar ut quixye re: —¿Cꞌaꞌut nak ra saꞌ a̱chꞌo̱l? Matxucuac. Li Dios ac xrabi xya̱b xcux la̱ yum li bar cuan cuiꞌ.

Jeremías 2:27

Nequeye “At inyucuaꞌ” re li yal cheꞌ. Ut nequeye ajcuiꞌ re li pec “La̱at nacatqꞌuehoc re inyuꞌam”. Niquine̱tzꞌekta̱na, abanan nak cuanquex saꞌ raylal nequetzꞌa̱ma chicuu nak texintenkꞌa.

2 Crónicas 33:19

Ut tzꞌi̱banbil retalil lix tij li rey Manasés ut chanru nak li Dios quixsume. Tzꞌi̱banbil ajcuiꞌ retalil li ma̱usilal li quixba̱nu nak toj ma̱jiꞌ nayotꞌeꞌ xchꞌo̱l ut najal xcꞌaꞌux. Tzꞌi̱banbil retalil li incꞌaꞌ us quixba̱nu ut tzꞌi̱banbil retalil li naꞌajej li najt xteram li quilajxyi̱b re xlokꞌoninquil li jalanil dios, joꞌ ajcuiꞌ lix jalam u̱ch li yi̱banbil dios xAsera. Chixjunil li cꞌaꞌak re ru aꞌin tzꞌi̱banbil retalil saꞌ li hu li queꞌxtzꞌi̱ba eb li profeta.

2 Reyes 13:22

Laj Hazael, lix reyeb laj Siria, quixrahobtesiheb laj Israel joꞌ najtil quicuan laj Joacaz chokꞌ xreyeb laj Israel.

Jueces 10:10

Joꞌcan nak eb laj Israel queꞌxya̱ba cuiꞌchic xcꞌabaꞌ li Ka̱cuaꞌ ut queꞌxye: —At Ka̱cuaꞌ, at kaDios, la̱o xoma̱cob cha̱cuu xban nak xatkatzꞌekta̱na. Xoma̱cob cha̱cuu xban nak xkalokꞌoniheb li yi̱banbil dios Baal, chanqueb.

Génesis 31:42

Relic chi ya̱l li Ka̱cuaꞌ Dios xinixtenkꞌa. Aꞌan li Ka̱cuaꞌ Dios li quixlokꞌoni laj Abraham joꞌ ajcuiꞌ laj Isaac lin yucuaꞌ. Cui ta incꞌaꞌ xinixtenkꞌa li Ka̱cuaꞌ Dios, xina̱takla raj chak chi ma̱cꞌaꞌ cꞌaꞌru cue. Li Ka̱cuaꞌ Dios quiril xtokꞌoba̱l cuu ut aꞌan naxnau chanru nak xintrabajic a̱cuiqꞌuin. Xban aꞌan li Ka̱cuaꞌ Dios xatxkꞌus chi kꞌek, chan laj Jacob re laj Labán.

Isaías 26:16

At Ka̱cuaꞌ, la̱at coa̱qꞌue chixtojbal li kama̱c ut cotijoc cha̱cuu. Nak yo̱co chixcꞌulbal li raylal, xkatzꞌa̱ma katenkꞌanquil a̱cue.

2 Reyes 13:23

Abanan li Ka̱cuaꞌ Dios quiruxta̱naheb ru laj Israel ut quiril xtokꞌoba̱leb ru. Incꞌaꞌ quixcanabeb chi sachecꞌ ruheb xban li contrato li quixba̱nu riqꞌuineb laj Abraham, laj Isaac ut laj Jacob. Incꞌaꞌ quixtzꞌekta̱naheb toj chalen anakcuan.

Esdras 8:23

Joꞌcan nak co-ayunic ut katzꞌa̱ma katenkꞌanquil chiru li Dios. Ut li Dios quirabi li katij.

Li xHu LAJ JOB 22:27

Aꞌan tixqꞌue li cꞌaꞌru ta̱tzꞌa̱ma chiru. Ut la̱at ta̱qꞌue re li cꞌaꞌru ta̱yechiꞌi re.