2 Reyes 12:4 - Li Santil hu

⁴ Saꞌ jun li cutan laj Joás quixye reheb laj tij: —Te̱xoc ut te̱chꞌutub ru chixjunil li tumin li naqꞌueman saꞌ lix templo li Ka̱cuaꞌ, joꞌ ajcuiꞌ li joꞌ qꞌuial li tento teꞌxtoj li junju̱nk joꞌ ajcuiꞌ li na-ala saꞌ xchꞌo̱leb xqꞌuebal.

Q'eqchi Bible

⁴ Sa' jun kutan laj Johás kixye reheb' laj tij: “Xokomaq chixjunil li tumin li tento taamayejaaq sa' rochoch li Qaawa' ut li tumin na'alaak sa' xch'ooleb' li poyanam xq'axtesinkil cho'q re rochoch li Yos.

2 Reyes 12:4 ပူးပေါင်းရင်းမြစ်များ

2 Reyes 22:4

—Ayu riqꞌuin laj Hilcías li xbe̱nil aj tij. Ta̱ye re nak tixchꞌutub chixjunil li tumin li nequeꞌxqꞌue li tenamit reheb li nequeꞌcꞌacꞌalen saꞌ li oqueba̱l re li templo.

Éxodo 35:5

Te̱xoc jun li mayej chokꞌ re li Ka̱cuaꞌ. Te̱qꞌue chi anchal e̱chꞌo̱l li joꞌ qꞌuial na-ala saꞌ e̱chꞌo̱l xqꞌuebal. Te̱qꞌue li oro, li plata, li bronce,

Éxodo 35:29

Chixjunileb laj Israel joꞌ cui̱nk joꞌ ixk, joꞌ qui-ala saꞌ xchꞌo̱leb tenkꞌa̱nc, queꞌxqꞌue lix mayejeb chi anchal xchꞌo̱leb re nak ta̱uxma̱nk li quixye li Ka̱cuaꞌ re laj Moisés. Joꞌcan nak queꞌxqꞌue lix mayejeb re lix cꞌanjel li Ka̱cuaꞌ.

Éxodo 35:22

Queꞌcuulac li cui̱nk joꞌ ajcuiꞌ li ixk ut queꞌxcꞌam lix mayejeb li joꞌ qꞌuial qui-ala saꞌ xchꞌo̱leb xqꞌuebal. Ut chi anchal xchꞌo̱leb queꞌxqꞌue lix kꞌoleb ut lix caꞌxiqueb ut lix matkꞌabeb joꞌ ajcuiꞌ li cadeneb li nequeꞌxqꞌue chi rukꞌeb joꞌ ajcuiꞌ li terto̱quil pec. Ut chixjunileb queꞌxmayeja chiru li Ka̱cuaꞌ li cꞌaꞌak re ru yi̱banbil riqꞌuin oro.

San Lucas 21:4

xban nak chixjunileb aꞌan xeꞌxqꞌue li x-elaꞌan chiruheb. Abanan li ixk aꞌin, usta nebaꞌ, xqꞌue chixjunil li joꞌ nimal cuan re, li re raj xnumsinquil li cutan junju̱nk.

Esdras 7:16

Ta̱cꞌam ajcuiꞌ chixjunil li plata ut li oro li joꞌ qꞌuial teꞌxchꞌutub li cuanqueb Babilonia. Ut ta̱cꞌam ajcuiꞌ li mayej li x-ala saꞌ xchꞌo̱leb xqꞌuebal eb laj tij ut eb laj Israel li cuanqueb saꞌ li tenamit aꞌan re xyi̱banquil lix templo li Dios aran Jerusalén.

Esdras 2:69

Queꞌxqꞌue aꞌ yal joꞌ qꞌuial li queꞌru xqꞌuebal. Queꞌxqꞌue jun mil riqꞌuin laje̱b xcaꞌcꞌa̱l libras (1,030) li oro ut o̱b mil (5,000) libra li plata. Ut jun ciento li rakꞌeb laj tij queꞌxqꞌue.

Esdras 1:6

Ut chixjunileb li cuanqueb chi nachꞌ riqꞌuineb queꞌxtenkꞌaheb. Queꞌxqꞌue li plata, queꞌxqꞌue li oro ut li cꞌaꞌak re ru li ta̱cꞌanjelak chiruheb. Queꞌxqꞌue li xul li nequeꞌi̱kan ut nabal li cꞌaꞌak re ru terto xtzꞌak. Ut queꞌxqꞌue ajcuiꞌ lix mayej aꞌ yal joꞌ nimal x-ala chak saꞌ xchꞌo̱l li junju̱nk.

2 Crónicas 35:2

Quixxakabeb laj tij chixba̱nunquil lix cꞌanjeleb ut quixqꞌue xcacuilal xchꞌo̱leb chi cꞌanjelac saꞌ lix templo li Ka̱cuaꞌ.

2 Crónicas 31:12

Ut saꞌ eb li naꞌajej aꞌan queꞌxxoc li xbe̱n ru li racui̱mkeb li queꞌxqꞌue chokꞌ xmayejeb ut li junju̱nk saꞌ xlaje̱tkil joꞌ ajcuiꞌ chixjunil li mayej li ac kꞌaxtesinbil chiru li Ka̱cuaꞌ. Ut queꞌxxakab laj Conanías laj levita re nak aꞌan ta̱cꞌuluk re rochben laj Simei li ri̱tzꞌin.

2 Crónicas 15:18

Ut quixqꞌue cuiꞌchic saꞌ lix templo li Dios li cꞌaꞌru terto xtzꞌak, li oro ut li plata li quixkꞌaxtesi re li Ka̱cuaꞌ lix yucuaꞌ joꞌ ajcuiꞌ li quixkꞌaxtesi aꞌan.

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

2 Reyes 12:18

Ut laj Joás lix reyeb laj Judá, quixchꞌutub chixjunil li mayej li ac kꞌaxtesinbil chi cꞌanjelac saꞌ li templo xbaneb laj Josafat, laj Joram, ut laj Ocozías lix xeꞌto̱nil yucuaꞌ, li queꞌcuan chok xreyeb laj Judá junxil. Ut laj Joás quixcꞌam li oro li cꞌu̱lanbil saꞌ li templo ut saꞌ li palacio. Quixcꞌam ajcuiꞌ li quixxoc aꞌan. Ut quixqꞌue chixjunil re laj Hazael. Joꞌcan nak laj Hazael incꞌaꞌ chic quipletic riqꞌuineb laj Jerusalén.

1 Reyes 7:1

Chirix chic aꞌan li rey Salomón quixqꞌue chi yi̱ba̱c lix palacio. Ut chiru oxlaju chihab quiya̱loꞌ.

Levítico 27:31

Cui junak cui̱nk ta̱raj tixlokꞌ cuiꞌchic chokꞌ re, tento tixtoj chi tzꞌakal xtzꞌak ut tixqꞌue ajcuiꞌ ju̱nk may ral li ju̱nk ciento saꞌ xbe̱n lix tzꞌak.

Éxodo 36:3

Ut laj Moisés quixkꞌaxtesi reheb li mayej li queꞌxqꞌue laj Israel re teꞌxtiquib xyi̱banquil li cꞌaꞌak re ru ta̱cꞌanjelak re li tabernáculo. Ut rajlal cutan eb laj Israel queꞌxcꞌam lix mayejeb joꞌ qui-ala saꞌ xchꞌo̱leb xqꞌuebal.

1 Crónicas 18:11

Li rey David quixkꞌaxtesiheb li ma̱tan aꞌan chiru li Ka̱cuaꞌ rochben li oro ut li plata li quire̱chani nak quipletic riqꞌuineb laj Edom, eb laj Moab, eb laj Amón, eb laj filisteo, ut eb laj Amalec.

2 Reyes 12:5

Li junju̱nk chi aj tij ta̱cꞌuluk re li tumin li naqꞌueman. Ut li tumin aꞌan ta̱cꞌanjelak re xyi̱banquil chi us li templo bar yi̱ba̱c naraj.—

1 Reyes 3:2

Eb li cristian yo̱queb chixqꞌuebal lix mayej saꞌ eb li tzu̱l li najt xteram xban nak toj ma̱jiꞌ quiyi̱ba̱c lix templo li Dios saꞌ eb li cutan aꞌan.

1 Reyes 3:3

Laj Salomón quixra li Ka̱cuaꞌ Dios ut quixba̱nu li cꞌaꞌru naxye saꞌ li chakꞌrab li xakabanbil xcuanquil xban laj David lix yucuaꞌ. Abanan naxmayeja li xul ut naxcꞌat li incienso saꞌ eb li artal li yi̱banbil saꞌ li tzu̱l.

2 Reyes 14:4

Incꞌaꞌ quirisi li naꞌajej li najt xteram li queꞌlokꞌoni̱c cuiꞌ li yi̱banbil dios. Ut eb li tenamit toj yo̱queb chixqꞌuebal lix cꞌatbil mayej ut yo̱queb chixcꞌatbal li incienso saꞌ eb li naꞌajej aꞌan.

2 Reyes 15:4

Abanan incꞌaꞌ quixjuqꞌueb li naꞌajej najt xteram li queꞌlokꞌoni̱c cuiꞌ li jalanil dios. Ut eb li tenamit toj yo̱queb chixqꞌuebal lix cꞌatbil mayej ut yo̱queb chixcꞌatbal lix incienso saꞌ eb li artal aꞌan.

2 Reyes 16:4

Quixqꞌue lix cꞌatbil mayej ut quixcꞌat li incienso saꞌ eb li naꞌajej li najt xteram ut saꞌ eb li tzu̱l ut rubel eb li cheꞌ li ni̱nk xmuheb.

2 Reyes 17:11

Ut queꞌxcꞌat li pom saꞌ eb li naꞌajej li najt xteram li queꞌxyi̱b re xlokꞌoninquil li yi̱banbil dios joꞌ queꞌxba̱nu li tenamit li queꞌisi̱c saꞌ li naꞌajej aꞌan xban li Ka̱cuaꞌ Dios. Riqꞌuin li ma̱usilal queꞌxba̱nu, queꞌxchikꞌ xjoskꞌil li Dios.