2 Reyes 12:3 - Li Santil hu

³ Laj Joás us quixba̱nu, abanan incꞌaꞌ quirisiheb li naꞌajej li najt xteram li nequeꞌlokꞌoni̱c cuiꞌ li yi̱banbil dios. Eb li tenamit toj yo̱queb chixcꞌatbal lix mayej ut yo̱queb chixcꞌatbal lix incienso saꞌ xbe̱neb li artal li cuanqueb aran.

Q'eqchi Bible

³ Ab'anan ink'a' kirisiheb' li na'ajej naloq'onimank wi' eb' jalanil yos, ut eb' li tenamit toj neke'mayejak ajwi' ut neke'k'atok pom sa'eb' li tijob'aal sa' xjolomeb' li tzuul.

2 Reyes 12:3 ပူးပေါင်းရင်းမြစ်များ

2 Reyes 14:4

Incꞌaꞌ quirisi li naꞌajej li najt xteram li queꞌlokꞌoni̱c cuiꞌ li yi̱banbil dios. Ut eb li tenamit toj yo̱queb chixqꞌuebal lix cꞌatbil mayej ut yo̱queb chixcꞌatbal li incienso saꞌ eb li naꞌajej aꞌan.

2 Reyes 18:4

Laj Ezequías quixjuqꞌui li naꞌajej najt xteram li nequeꞌxlokꞌoni cuiꞌ li yi̱banbil dios. Quixjori li ni̱nki jalam u̱ch Asera xcꞌabaꞌ. Ut quixpuqꞌui li yi̱banbil dios. Ut quixjori ajcuiꞌ li cꞌantiꞌ yi̱banbil riqꞌuin bronce li quixyi̱b laj Moisés xban nak eb laj Israel yo̱queb chixcꞌatbal lix incienso chiru. Nehustán quiqꞌueheꞌ chokꞌ xcꞌabaꞌ li cꞌantiꞌ aꞌan.

2 Reyes 15:35

Abanan li rey Jotam incꞌaꞌ quixjuqꞌueb li naꞌajej li najt xteram. Ut eb li cristian toj yo̱queb chixqꞌuebal li cꞌatbil mayej ut yo̱queb ajcuiꞌ chixcꞌatbal lix incienso re xlokꞌoninquil li jalanil dios. Li rey Jotam quixyi̱b cuiꞌchic li nimla oqueba̱l saꞌ li rochoch li Ka̱cuaꞌ Dios.

1 Reyes 22:43

Laj Josafat quixba̱nu li us chiru li Ka̱cuaꞌ joꞌ quixba̱nu laj Asa lix yucuaꞌ. Incꞌaꞌ quixcanab xba̱nunquil. Junelic ban cuan saꞌ ti̱quilal. Abanan incꞌaꞌ quirisiheb li artal li najt xteram li queꞌxlokꞌoniheb cuiꞌ li yi̱banbil dios. Ut eb li tenamit queꞌmayejac chiruheb li artal aꞌan ut queꞌxcꞌat li pom re xlokꞌoninquil lix dioseb.

1 Reyes 15:14

Usta incꞌaꞌ quixpoꞌ chixjunileb li naꞌajej li queꞌxlokꞌoni cuiꞌ li jalanil dios, abanan laj Asa junelic cuan saꞌ ti̱quilal chiru li Dios toj chalen nak quicam.

Jeremías 2:20

Li nimajcual Dios quixye: —La̱ex aj Israel, ac junxil xerisi e̱rib rubel incuanquil ut queye nak incꞌaꞌ chic texcꞌanjelak chicuu. Saꞌ xbe̱neb li tzu̱l ut rubeleb li cheꞌ li ni̱nk xmu xelokꞌoni li jalanil dios. Chanchanex li ixk li nequeꞌxcꞌayi ribeb.

2 Crónicas 31:4

Li rey quixye reheb li tenamit li cuanqueb Jerusalén nak teꞌxqꞌue li mayej li tento teꞌxcꞌul laj tij ut eb laj levita re nak teꞌxkꞌaxtesi ribeb chi cꞌanjelac chiru li Ka̱cuaꞌ.

2 Reyes 12:2

Laj Joás quixba̱nu li us chiru li Ka̱cuaꞌ xban nak laj Joiada laj tij junelic yo̱ chixqꞌuebal xnaꞌleb.

2 Reyes 15:4

Abanan incꞌaꞌ quixjuqꞌueb li naꞌajej najt xteram li queꞌlokꞌoni̱c cuiꞌ li jalanil dios. Ut eb li tenamit toj yo̱queb chixqꞌuebal lix cꞌatbil mayej ut yo̱queb chixcꞌatbal lix incienso saꞌ eb li artal aꞌan.

1 Reyes 15:11

Laj Asa quicuan saꞌ ti̱quilal chiru li Dios joꞌ quixba̱nu laj David lix xeꞌto̱nil xyucuaꞌ.

2 Reyes 15:3

Laj Azarías quixba̱nu li us chiru li Ka̱cuaꞌ joꞌ quixba̱nu laj Amasías lix yucuaꞌ.

2 Reyes 18:3

Laj Ezequías quixba̱nu li us chiru li Dios joꞌ quixba̱nu laj David lix xeꞌto̱nil yucuaꞌ.

2 Reyes 22:2

Laj Josías cha̱bil xnaꞌleb nak quicuan chokꞌ rey. Quixba̱nu li ti̱quilal chiru li Ka̱cuaꞌ Dios. Quixba̱nu li us chi anchal xchꞌo̱l joꞌ quixba̱nu laj David lix xeꞌto̱nil yucuaꞌ ut incꞌaꞌ quixcanab xba̱nunquil li us.