2 Reyes 11:5 - Li Santil hu

⁵ Ut quixye reheb: —Te̱cauresi oxib chꞌu̱tal chi soldados li teꞌcꞌanjelak saꞌ li hiloba̱l cutan. Jun chꞌu̱tal te̱qꞌueheb saꞌ li palacio chi cꞌacꞌale̱nc.

Q'eqchi Bible

⁵ Chirix chik a'an kixchaq'rab'iheb' chi jo'ka'in: “A'an a'in li teeb'aanu laa'ex: teek'e eerib' sa' oxib' ch'uut. Li jun ch'uut taa'ok chi k'anjelak sa' li kutan sábado ut taakananaaq chi rilb'al li rochoch li awab'ej.

2 Reyes 11:5 ပူးပေါင်းရင်းမြစ်များ

1 Crónicas 9:25

Eb li cuanqueb saꞌ li cꞌaleba̱l queꞌchal rajlal cuukub cutan chixcꞌacꞌalenquil li oqueba̱l.

Jeremías 26:10

Nak eb li cuanqueb xcuanquil saꞌ xya̱nkeb laj Judá queꞌrabi li cꞌaꞌru quicꞌulman, queꞌel saꞌ li palacio ut queꞌco̱eb saꞌ junpa̱t saꞌ li templo ut queꞌchunla saꞌ xnaꞌajeb chiru li acꞌ oqueba̱l re lix templo li Ka̱cuaꞌ.

1 Crónicas 23:32

Eb li ralal xcꞌajol laj Leví, aꞌan eb li queꞌiloc re lix templo li Dios joꞌ ajcuiꞌ li Santil Naꞌajej. Nak yo̱queb chi cꞌanjelac saꞌ li templo, cuanqueb rubel xcuanquil li ralal xcꞌajol laj Aarón, li rechꞌalaleb.

2 Reyes 16:18

Ut quirisi ajcuiꞌ lix naꞌaj lix cꞌojariba̱l li rey ut quixtzꞌap li oqueba̱l re li templo li qui-oc cuiꞌ li rey. Quixba̱nu chi joꞌcan re nak ta̱sahokꞌ saꞌ xchꞌo̱l lix reyeb laj Asiria.

2 Reyes 11:19

Laj Joiada rochbeneb li capitán ut eb li nequeꞌtaklan saꞌ xbe̱neb li soldado, joꞌ eb ajcuiꞌ li nequeꞌcꞌacꞌalen, queꞌel chak saꞌ lix templo li Ka̱cuaꞌ ut queꞌxcꞌam li rey Joás saꞌ li templo. Ut chixjunileb li tenamit yo̱queb chixta̱kenquileb. Laj Joás qui-oc saꞌ li palacio saꞌ li oqueba̱l li nacꞌacꞌale̱c cuiꞌ li rochoch li rey. Quicꞌojla saꞌ lix cꞌojariba̱l li queꞌcꞌojla cuiꞌ eb li rey.

1 Reyes 10:5

Ut quixqꞌue ajcuiꞌ retal li tzacae̱mk li nequeꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

2 Reyes 11:6

Li jun chꞌu̱tal chic te̱qꞌueheb saꞌ li oqueba̱l re li templo Shur xcꞌabaꞌ. Ut li rox chꞌu̱tal te̱qꞌueheb saꞌ li oqueba̱l li cuan chak chirix li templo.