2 Reyes 11:1 - Li Santil hu

¹ Nak lix Atalía lix naꞌ laj Ocozías quirabi resil nak quicamsi̱c laj Ocozías, quixtakla xcamsinquil chixjunileb li ralal xcꞌajol li rey Ocozías, lix yum.

Q'eqchi Bible

¹ Naq lix Atalía, xna' laj Okosías, kixnaw naq kikamsiik li xyum, koho chi xsachb'aleb' ru chixjunileb' li ralal xk'ajol li awab'ej.

2 Reyes 11:1 ပူးပေါင်းရင်းမြစ်များ

Jeremías 41:1

Laj Ismael, aꞌan li ralal laj Netanías. Ut laj Netanías, aꞌan li ralal laj Elisama. Laj Ismael, aꞌan xcomoneb li ralal xcꞌajol li rey ut xcomoneb ajcuiꞌ li nequeꞌtenkꞌan re li rey. Saꞌ li xcuuk po re li chihab aꞌan, laj Ismael co̱ Mizpa chi a̱tinac riqꞌuin laj Gedalías. Laje̱b li cui̱nk quixcꞌameb chirix. Yo̱queb chi cuaꞌac saꞌ comonil aran Mizpa.

2 Reyes 25:25

Laj Ismael aꞌan li ralal laj Netanías li ralal laj Elisama xcomoneb lix reyeb laj Judá. Saꞌ li xcuuk li po, laj Ismael rochben laje̱b chi cui̱nk queꞌcuulac ut queꞌxcamsi laj Gedalías. Ut queꞌxcamsiheb ajcuiꞌ laj Judá ut eb laj Babilonia li cuanqueb rochben aran Mizpa.

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

2 Crónicas 24:7

(Junxil eb li queꞌoquen chirix lix Atalía li incꞌaꞌ us xnaꞌleb queꞌoc saꞌ lix templo li Ka̱cuaꞌ ut queꞌxchap li cꞌaꞌak re ru li santobresinbil ut aꞌan quicꞌanjelac chiruheb re xlokꞌoninquil eb lix yi̱banbil dios.)

2 Reyes 9:27

Laj Ocozías lix reyeb laj Judá quiril li quicꞌulman. Joꞌcan nak quie̱lelic toj Bet-hagan. Abanan laj Jehú quixta̱ke ut quixye reheb lix soldados nak teꞌxcamsi laj Ocozías. Queꞌxcut chi tzimaj saꞌ lix carruaje saꞌ li taksi̱nc Gur li cuan chixcꞌatk Ibleam. Abanan laj Ocozías co̱ toj Meguido ut aran quicam.

2 Reyes 8:26

Cuib xcaꞌcꞌa̱l chihab cuan re laj Ocozías nak qui-oc chokꞌ rey. Jun chihab quicuan saꞌ xcuanquil aran Jerusalén. Lix naꞌ, aꞌan lix Atalía li ri laj Omri, li quicuan chokꞌ xreyeb laj Israel.

San Mateo 2:13

Ut nak ac xco̱eb laj kꞌe, jun x-ángel li Ka̱cuaꞌ quixcꞌut rib chiru laj José saꞌ xmatcꞌ ut quixye re: —Cuaclin, cꞌam li cꞌulaꞌal joꞌ cuiꞌ lix naꞌ. Tex-e̱lk arin ut ayukex saꞌ li tenamit Egipto. Ut aran texcana̱k toj la̱in toxinyehok a̱cue. Tex-e̱lelik xban nak laj Herodes oc re chixsicꞌbal li cꞌulaꞌal re xcamsinquil.—

Jueces 9:5

Queꞌco̱eb aran Ofra saꞌ li rochoch laj Jerobaal lix yucuaꞌ. Ut aran chiru jun chi pec queꞌxcamsiheb li laje̱b xca̱cꞌa̱l chi ralal laj Jerobaal, ri̱tzꞌineb rib riqꞌuin laj Abimelec. Caꞌaj cuiꞌ laj Jotam li i̱tzꞌinbej quixmuk rib. Joꞌcan nak quicoleꞌ.

1 Reyes 2:44

La̱at nacanau chanru nak xatma̱cob chiru laj David lin yucuaꞌ. Anakcuan li Ka̱cuaꞌ tixqꞌue saꞌ a̱be̱n chixjunil li ma̱usilal li xaba̱nu.

2 Reyes 10:7

Nak queꞌxcꞌul li hu li quixtakla laj Jehú, eb li nequeꞌcꞌamoc be aran Samaria queꞌxcamsiheb li laje̱b xca̱cꞌa̱l chi ralal laj Acab. Queꞌxqꞌue lix jolomeb saꞌ chacach ut queꞌxtakla Jezreel riqꞌuin laj Jehú.

2 Reyes 10:36

Cuakxakib xcaꞌcꞌa̱l chihab quicuan laj Jehú chokꞌ xreyeb laj Israel aran Samaria.

Génesis 9:5

Li Dios quixye ajcuiꞌ reheb: —Relic chi ya̱l tinye e̱re, cui junak tixcamsi li ras ri̱tzꞌin, tento nak ta̱cua̱nk re̱kaj. Cui junak xul tixcamsi junak cristian, tento ajcuiꞌ nak ta̱camsi̱k li xul. Ut cui junak cristian tixcamsi junak ras ri̱tzꞌin, tento nak ta̱camsi̱k ajcuiꞌ aꞌan.

Génesis 9:6

Li ani tixcamsi junak ras ri̱tzꞌin, ta̱camsi̱k ajcuiꞌ aꞌan. Xinye aꞌin xban nak la̱in quinyoꞌobtesi li cui̱nk joꞌ li cuiloba̱l la̱in.

1 Reyes 1:12

Anakcuan ba̱nu li cꞌaꞌru tinye a̱cue re nak ta̱col a̱cuib la̱at ut ta̱col ajcuiꞌ rix lix yuꞌam la̱ yum laj Salomón.

2 Reyes 12:1

Nak yo̱ xcuuk chihab roquic chokꞌ rey laj Jehú aran Israel, laj Joás qui-oc chokꞌ rey aran Judá. Caꞌcꞌa̱l chihab quicuan saꞌ xcuanquil Jerusalén. Lix naꞌ laj Joás, aꞌan lix Sibia, Beerseba xtenamit.