2 Reyes 1:3 - Li Santil hu

³ Abanan jun x-ángel li Dios quia̱tinac riqꞌuin li profeta Elías, Tisbe xtenamit, ut quixye re: —Ayu chixcꞌulbaleb lix takl li rey ut ta̱ye reheb chi joꞌcaꞌin, “¿Cꞌaꞌut nak texxic chi patzꞌoc riqꞌuin laj Baal-zebub lix dioseb laj Ecrón? ¿Ma ma̱cꞌaꞌ ta biꞌ li Dios arin Israel?”

Q'eqchi Bible

³ Ab'anan li x'ánjel li Qaawa' kixye re laj Elías aj Tisbé: “Xaqlin ut ayu chi xk'ulb'aleb' li xtaql li awab'ej re Samaria ut ye reheb': «Ma maak'a' tab'i' li Yos arin Israel naq texxik chi patz'ok rik'in laj Bahal-Sebub, xyoseb' laj Ekrón?

2 Reyes 1:3 ပူးပေါင်းရင်းမြစ်များ

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Jonás 2:8

Li cauheb xchꞌo̱l riqꞌuin li jalanil dios, nequeꞌxtzꞌekta̱na la̱ cuuxta̱n la̱at, li tzꞌakal Dios.

Salmos 76:1

Eb li cuanqueb saꞌ li tenamit Judá nequeꞌxnau xya̱lal chirix li Dios. Ut eb li cuanqueb saꞌ li tenamit Israel nequeꞌxqꞌue xlokꞌal lix cꞌabaꞌ.

Hechos 8:26

Ut jun lix ángel li Ka̱cuaꞌ quia̱tinac riqꞌuin laj Felipe ut quixye re: —Tatxic saꞌ li be li cuan saꞌ li sur. Li be aꞌan li nanumeꞌ saꞌ li chaki chꞌochꞌ naxic Jerusalén toj Gaza.—

San Marcos 3:22

Ut eb laj tzꞌi̱b li queꞌchal chak Jerusalén yo̱queb chixyebal: —Laj tza cuan riqꞌuin li Jesús ut saꞌ xcꞌabaꞌ laj tza narisiheb li ma̱us aj musikꞌej, chanqueb.

2 Reyes 5:15

Laj Naamán qui-el saꞌ li nimaꞌ ut co̱ cuiꞌchic saꞌ rochoch li profeta Eliseo rochben chixjunileb lix mo̱s. Ut laj Naamán quixye re laj Eliseo: —Anakcuan xinqꞌue retal nak ma̱cꞌaꞌ chic junak Dios saꞌ chixjunil li ruchichꞌochꞌ. Caꞌaj cuiꞌ arin Israel. Joꞌcan nak nintzꞌa̱ma cha̱cuu nak ta̱cꞌul junak la̱ ma̱tan tinsi a̱cue, chan laj Naamán.

2 Reyes 1:8

Eb li takl queꞌxye: —Li rakꞌ yi̱banbil riqꞌuin rix li xul. Ut lix cꞌa̱mal xsaꞌ yi̱banbil riqꞌuin tzꞌu̱m, chanqueb. Li rey quixye reheb: —Aꞌan laj Elías nacuabi, chan.

2 Reyes 1:6

Eb aꞌan queꞌxye: —Xkacꞌul jun li cui̱nk saꞌ be. Aꞌan quixye ke nak tosukꞌi̱k chixyebal a̱cue chi joꞌcaꞌin, “¿Cꞌaꞌut nak ta̱takla la̱ takl chi a̱tinac riqꞌuin laj Baal-zebub, lix dioseb laj Ecrón? ¿Ma ma̱cꞌaꞌ ta biꞌ li Dios arin Israel? Xban nak xaba̱nu aꞌan la̱at tatca̱mk ut incꞌaꞌ chic tat-usa̱k,” chan. Aꞌan li naxye a̱cue li Ka̱cuaꞌ, chanqueb.

2 Reyes 1:2

Li rey Ocozías quitꞌaneꞌ saꞌ li ventana saꞌ xcaꞌ tasalil li rochoch li cuan Samaria ut quixtochꞌ rib. Nak nim xyajel quixye reheb lix takl: —Ayukex riqꞌuin laj Baal-zebub lix dioseb laj Ecrón. Patzꞌomak chak re ma tinqꞌuira̱k malaj ut incꞌaꞌ, chan.

1 Reyes 21:17

Ut li Ka̱cuaꞌ quia̱tinac riqꞌuin li profeta Elías, Tisbe xtenamit, ut quixye re:

1 Reyes 19:7

Ut quicuulac cuiꞌchic xcaꞌ sut lix ángel li Dios riqꞌuin laj Elías ut quixye re: —Ajsi a̱cuu. Cuaclin ut cuaꞌin xban nak najt tatxic, chan.

1 Reyes 19:5

Laj Elías quixyocob rib rubel li cheꞌ ut quicube xcuara. Nak yo̱ chi cua̱rc, quicuulac jun x-ángel li Dios riqꞌuin ut quixtochꞌtochꞌi ut quixye re: —Ajsi a̱cuu. Cuaclin ut cuaꞌin, chan.

1 Reyes 18:36

Nak quicuulac x-o̱ril xcꞌatbal li mayej, li profeta Elías quixye: —At nimajcual Dios, la̱at lix Dios laj Abraham, laj Isaac ut laj Israel. Chicꞌutu̱nk taxak chiruheb anakcuan nak la̱at li tzꞌakal Dios arin Israel ut nak la̱in laj cꞌanjel cha̱cuu. Ut li cꞌaꞌru yo̱quin chixba̱nunquil anakcuan, la̱at xattaklan cue chixba̱nunquil.

1 Reyes 18:1

Mokon chic nak yo̱ rox chihab li cueꞌej li Ka̱cuaꞌ quixye re laj Elías: —Tatxic cuiꞌchic riqꞌuin li rey Acab ut ta̱ye re nak la̱in tintakla cuiꞌchic li hab, chan.

1 Samuel 17:46

Anakcuan ajcuiꞌ tatxkꞌaxtesi saꞌ cuukꞌ li Ka̱cuaꞌ. La̱in tinnumta̱k saꞌ a̱be̱n ut tinset la̱ cux. Ut tinqꞌue lix tibeleb li soldados aj filisteo chixtiuheb li xul li nequeꞌrupupic, joꞌ ajcuiꞌ li joskꞌ aj xul. Ut chixjunileb li cuanqueb saꞌ ruchichꞌochꞌ teꞌxqꞌue retal nak lix Dios eb laj Israel kꞌaxal nim xcuanquil.

2 Reyes 5:8

Laj Eliseo, lix profeta li Dios, quirabi resil nak li rey quixpej li rakꞌ xban li hu li quitakla̱c riqꞌuin. Joꞌcan nak quixtakla xyebal re li rey: —¿Cꞌaꞌut nak xapej la̱ cuakꞌ? Takla laj Naamán cuiqꞌuin. Aꞌan tixqꞌue retal nak cuan jun xprofeta li Dios arin Israel, chan.

1 Reyes 11:33

Tinjach ruheb lin tenamit xban nak eb laj Israel quineꞌxtzꞌekta̱na ut queꞌxlokꞌoniheb li jalanil dios, lix Astoret lix dioseb laj Sidón, laj Quemos lix dioseb laj Moab, ut laj Moloc lix dioseb laj Amón. Incꞌaꞌ queꞌxba̱nu li cꞌaꞌru quinye reheb chi moco queꞌcuan saꞌ ti̱quilal chicuu. Incꞌaꞌ queꞌxba̱nu li cꞌaꞌru quinye saꞌ lin contrato ut saꞌ lin chakꞌrab, joꞌ quixba̱nu laj David lix yucuaꞌ laj Salomón.

Isaías 8:19

Cui eb li tenamit teꞌxye e̱re nak te̱patzꞌ e̱naꞌleb riqꞌuineb laj kꞌe ut eb laj tu̱l li nequeꞌhasbac ut nequeꞌa̱tinac yal chi joꞌcan, la̱ex texchakꞌok ut te̱ye: —¿Ma incꞌaꞌ ta biꞌ ta̱ru̱k tixpatzꞌ xnaꞌleb junak tenamit riqꞌuin lix Dios? ¿Ma ta̱ru̱k ta biꞌ teꞌxpatzꞌ xnaꞌleb li yoꞌyo̱queb riqꞌuineb li camenak?—