2 Reyes 1:11 - Li Santil hu

¹¹ Li rey quixtakla jun chic li cui̱nk li nataklan saꞌ xbe̱neb lix soldado rochbeneb laje̱b roxcꞌa̱l chic li soldado. Queꞌco̱eb riqꞌuin laj Elías ut queꞌxye re: —At xprofeta li Dios, li rey xtakla xyebal a̱cue nak tatcubek chi junpa̱t ut tatxic riqꞌuin, chan.

Q'eqchi Bible

¹¹ Laj Okosías li awab'ej kixtaqla wi' chik jun xjolomileb' laj puub' rochb'eeneb' lajeeb' roxk'aal chi winq, li koheb' chi tzuul ut ke'xye re laj Elías: “At xtaql li Yos, li awab'ej xye chaq naq tatkub'eeq chi junpaat”.

2 Reyes 1:11 ပူးပေါင်းရင်းမြစ်များ

San Mateo 2:16

Aꞌut laj Herodes nak quiril nak quibalakꞌi̱c xbaneb laj kꞌe, kꞌaxal nak quichal xjoskꞌil. Ut quixtakla xcamsinquil chixjunileb li cocꞌ te̱lom cuanqueb Belén, joꞌ cuiꞌ saꞌ eb li naꞌajej cuanqueb chixcꞌatk. Queꞌcamsi̱c chixjunileb li cocꞌ te̱lom li toj cꞌulaꞌaleb jun xxiquic aj caꞌcab chihab xban nak quixbir rix cꞌaꞌru li cutan quiyoꞌla cuiꞌ li cꞌulaꞌal joꞌ quiyeheꞌ re xbaneb laj kꞌe.

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Isaías 32:7

Li ani incꞌaꞌ us xnaꞌleb naxba̱nu li ma̱usilal. Naxcꞌu̱b ru chanru nak tixba̱nu raylal reheb li nebaꞌ riqꞌuin balakꞌ ut naxsicꞌ xya̱lal chanru nak incꞌaꞌ ta̱rakekꞌ a̱tin saꞌ xya̱lal saꞌ xbe̱neb li tenkꞌa̱c nequeꞌraj.

Isaías 26:11

At Ka̱cuaꞌ, nequeꞌxnau nak ta̱qꞌueheb chixtojbal xma̱queb. Abanan incꞌaꞌ nequeꞌraj xqꞌuebal retal. Chicꞌutekꞌ taxak xxuta̱neb nak teꞌxqꞌue retal nak nacaraheb la̱ tenamit. Chanchan cꞌatbil nak teꞌosokꞌ li xicꞌ nequeꞌiloc a̱cue.

Proverbios 29:12

Cui junak acuabej naxqꞌue xcuanquil li ticꞌtiꞌ, li jun aꞌan naxpoꞌ xnaꞌlebeb li ani nequeꞌtenkꞌan re.

1 Samuel 6:9

Te̱qꞌue retal cui eb li ba̱c teꞌoc chi xic saꞌ li be li naxic saꞌ li tenamit Bet-semes, lix naꞌajeb laj Israel. Cui aran teꞌxic, te̱nau nak lix Dioseb laj Israel, aꞌan li quiqꞌuehoc chak re li raylal aꞌin saꞌ kabe̱n. Cui ut incꞌaꞌ teꞌxic aran, riqꞌuin aꞌan te̱qꞌue retal nak moco aꞌan ta li quiqꞌuehoc re li raylal aꞌin saꞌ kabe̱n. Yal xkacꞌul ban, chanqueb.

Números 16:41

Cuulajak chic chixjunileb laj Israel queꞌxcuechꞌi rixeb laj Moisés ut laj Aarón ut queꞌxye reheb: —La̱ex quecamsiheb lix tenamit li Ka̱cuaꞌ, chanqueb.

2 Reyes 1:10

Quixye laj Elías: —Cui la̱in tzꞌakal xprofeta li Dios, chicha̱lk ta xam saꞌ choxa re tatxcꞌat ut re ajcuiꞌ nak tixcꞌateb li soldado cuanqueb a̱cuochben, chan. Saꞌ junpa̱t quichal li xam ut queꞌcꞌat li soldado joꞌ ajcuiꞌ li nataklan saꞌ xbe̱neb.

2 Reyes 1:12

Laj Elías quixye re: —Cui ya̱l nak la̱in tzꞌakal xprofeta li Dios, chicha̱lk ta xam saꞌ choxa re tatxcꞌat la̱at ut re ajcuiꞌ nak tixcꞌateb la̱ laje̱b roxcꞌa̱l chi soldado, chan. Ut li xam quichal chak saꞌ choxa ut queꞌcꞌat chixjunileb li soldado joꞌ ajcuiꞌ li nataklan saꞌ xbe̱neb.