2 Pedro 3:4 - Li Santil hu

⁴ Eb aꞌan teꞌxye: Li Jesucristo quixye nak ta̱cha̱lk. ¿Bar ta cuan? ¿Ma ac xcꞌulun ta? Chalen chak xcamiqueb li kaxeꞌ kato̱n chixjunil li cꞌaꞌak re ru cuan ajcuiꞌ anakcuan joꞌ nak quicuan chak chalen chak saꞌ xticlajic li ruchichꞌochꞌ, chaꞌkeb.

Q'eqchi Bible

⁴ “K'aru xkanaak wi' li xk'ulunik li Qaawa' yeechi'inb'il chaq eere? Chalen chaq xkamikeb' li qana' qayuwa' xna'ajkil ajwi' chixjunil, kama' chaq sa' xtiklajik li ruuchich'och'”, cha'qeb'.

2 Pedro 3:4 ပူးပေါင်းရင်းမြစ်များ

Jeremías 17:15

Qꞌue retal li cꞌaꞌru nequeꞌxye cue li tenamit, “¿Ma toj takacꞌul ta biꞌ li cꞌaꞌru quixye a̱cue li Ka̱cuaꞌ? Cui toj takacꞌul, chicꞌulma̱nk anakcuan,” chanqueb.

Malaquías 2:17

Li Ka̱cuaꞌ xtitzꞌ chirabinquil li cꞌaꞌru nequeye. Ut toj nequeye, “¿Cꞌaꞌru xtitzꞌ cuiꞌ li Ka̱cuaꞌ kaban?” Xtitzꞌ e̱ban xban nak la̱ex nequeye nak nasahoꞌ xchꞌo̱l li Dios riqꞌuin li ani naxba̱nu ma̱usilal. Ut nequeye ajcuiꞌ, “Cui ta ya̱l nak ti̱c xchꞌo̱l li Dios, ac xqꞌueheb raj chixtojbal xma̱queb li ani nequeꞌba̱nun ma̱usilal,” chanquex.

San Lucas 12:45

Abanan cui li mo̱s aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chi cꞌulu̱nc”. Ut ta̱oc chixsacꞌbaleb li rech mo̱sil joꞌ cui̱nk joꞌ ixk ut ta̱oc chi cuaꞌac, chi ucꞌac ut chi cala̱c.

Eclesiastés 8:11

Ut xban nak incꞌaꞌ nequeꞌxcꞌul chi ticto xtojbal rix li ma̱usilal li nequeꞌxba̱nu, joꞌcan nak kꞌaxal cuiꞌchic nequeꞌraj xba̱nunquil li ma̱usilal li jun chꞌol chic.

San Mateo 24:48

Aban cui laj cꞌanjel aꞌan incꞌaꞌ us lix naꞌleb, tixye saꞌ xchꞌo̱l, “Lin patrón ta̱ba̱yk chak chi cꞌulu̱nc.”

1 Ts 2:19

¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil?

Génesis 19:14

Ut laj Lot co̱ chixyebal reheb li cui̱nk li teꞌsumla̱k cuiꞌ lix rabin ut quixye reheb: —Elenkex saꞌ li tenamit aꞌin ut ayukex chi najt xban nak li Ka̱cuaꞌ Dios oc re chixsachbal ru li tenamit, chan. Abanan eb li cui̱nk aꞌan incꞌaꞌ queꞌxpa̱b li cꞌaꞌru quixye laj Lot.

San Marcos 13:19

Saꞌ eb li cutan aꞌan ma̱ caꞌchꞌin li raylal ta̱cua̱nk. Ma̱ jun cua quicꞌulman chi joꞌcan chalen chak saꞌ xticlajic nak li Dios quixyi̱b li ruchichꞌochꞌ, chi moco ta̱cꞌulma̱nk chi joꞌcan mokon.

Eclesiastés 1:9

¿Ma cuan ta biꞌ cꞌaꞌak re ru toj acꞌ saꞌ ruchichꞌochꞌ anakcuan? Ma̱cꞌaꞌ. Chixjunil li cꞌaꞌru cuan anakcuan, ac cuan ajcuiꞌ chak junxil. Ma̱cꞌaꞌ cꞌaꞌru toj xyi̱baman anakcuan xban nak ac yi̱banbil chak junxil.

Apocalipsis 3:14

Ut li Cꞌajolbej quixye cuiꞌchic cue: —Tzꞌi̱ban riqꞌuin lix takl li Dios li na-iloc reheb li jun chꞌu̱tal chi aj pa̱banel li cuanqueb Laodicea ut ta̱ye re: Li ani naxcꞌabaꞌin “Amén”, li junelic ti̱c xchꞌo̱l chixyebal li ya̱l, li ac cuan chak nak quiyi̱ba̱c chak li ruchichꞌochꞌ ut chixjunil li cꞌaꞌak re ru cuan, naxye e̱re chi joꞌcaꞌin:

Ezequiel 11:3

Nequeꞌxye, “Ma̱cꞌaꞌ cꞌoxlac. Tzꞌakal tocablak. Saꞌ li tenamit aꞌin takacol kib. Chanchanak jun li ucꞌal ut la̱o chanchanako li tib li cuan chi saꞌ li ucꞌal,” chanqueb.

San Marcos 10:6

Abanan ma̱cuaꞌ joꞌcan saꞌ xticlajic li ruchichꞌochꞌ. Nak quixyi̱b li ruchichꞌochꞌ li Dios, quixyoꞌobtesi li cui̱nk ut quixyoꞌobtesi li ixk.

San Mateo 24:28

Ya̱l li nequeꞌxye nak bar cua̱nk junak camenak, aran teꞌxtu̱b rib li soꞌsol.

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

San Mateo 16:28

Relic chi ya̱l tinye e̱re nak cuanqueb arin saꞌ e̱ya̱nk li incꞌaꞌ teꞌca̱mk toj tineꞌril chi cha̱lc la̱in li Cꞌajolbej riqꞌuin incuanquilal, chan li Jesús.

Hechos 7:60

Quixcuikꞌib rib, quixjap re chi cau ut quixye: —At Ka̱cuaꞌ, ma̱qꞌue li ma̱c aꞌin saꞌ xbe̱neb.— Ut nak quixye aꞌan, quicam.

2 Pedro 3:12

Yo̱co chiroybeninquil xkꞌehil xcꞌulunic li Ka̱cuaꞌ. Chikaqꞌue kachꞌo̱l chi cꞌanjelac chiru re nak ta̱se̱ba̱nk chak chi cha̱lc. Saꞌ li cutan aꞌan teꞌlochk xxamlel li choxa ut teꞌosokꞌ chixjunil. Ut li cꞌaꞌak re ru cuanqueb chiru telajeꞌhaꞌokꞌ xban xtikcual li xam.