2 Pedro 3:3 - Li Santil hu

³ Xbe̱n cua chetauhak xya̱lal aꞌin: Nak ta̱nachꞌok chak rosoꞌjiqueb li cutan, cuan li teꞌcha̱lk chi hoboc riqꞌuin yibru a̱tin. Teꞌxhob xcuanquil li Dios ut teꞌxba̱nu li yibru naꞌleb li nequeꞌxcꞌoxla.

Q'eqchi Bible

³ Chenawaq xyaalal a'in xb'enwa: naq sa' roso'jikeb' li kutan te'chalje'q winq tz'aqal aj eetz'uneleb', li te'xb'aanu li naxrahi li tz'ejwalej:

2 Pedro 3:3 ပူးပေါင်းရင်းမြစ်များ

San Judas 1:18

Eb li apóstol queꞌxye e̱re nak ta̱nachꞌok chak rosoꞌjiqueb li cutan teꞌcha̱lk eb laj balakꞌ aj majecuanel. Aꞌ li ma̱c li naxrahi ru lix tzꞌejcualeb, aꞌan li nequeꞌxba̱nu.

2 Pedro 2:10

¿Ma tojaꞌ ta chic incꞌaꞌ tixqꞌueheb saꞌ tojba ma̱c li nequeꞌxrahi ru li tzꞌajbe̱tal aj naꞌleb ut nequeꞌxtzꞌekta̱na lix cuanquilal li Cristo? Eb aꞌan joskꞌeb ut kꞌetkꞌeteb. Incꞌaꞌ nequeꞌxucuac chixmajecuanquileb li ángel li cuanqueb saꞌ xnimajcual cuanquilal.

San Judas 1:16

Eb aꞌin aj cuechꞌoneleb. Ma̱cꞌaꞌ nacuulac chiruheb. Caꞌaj cuiꞌ li cꞌaꞌru naxrahi ru li tzꞌejcualej nequeꞌxba̱nu. Nequeꞌa̱tinac re xnimobresinquileb ribeb. Nequeꞌxkꞌunbesi junak riqꞌuin kꞌunil a̱tin yal re li cꞌaꞌru nequeꞌraj riqꞌuin.

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

2 Pedro 1:20

Chetauhak xya̱lal aꞌin xbe̱n cua: li a̱tin quilajeꞌxtzꞌi̱ba li profeta saꞌ li Santil Hu incꞌaꞌ naru yalak ani ta̱jalok re xjunes.

2 Timoteo 3:1

Nacuaj ajcuiꞌ nak ta̱nau nak kꞌaxal xiu xiu li cutan teꞌcha̱lk chiku nak ta̱nachꞌok chak rosoꞌjiqueb li cutan.

Proverbios 3:34

Li Ka̱cuaꞌ naxseꞌeheb li nequeꞌxnimobresi rib. Abanan naruxta̱na ruheb li nequeꞌxcubsi ribeb.

Proverbios 1:22

La̱ex, li ma̱cꞌaꞌ e̱naꞌleb, ¿jokꞌe te̱canab xba̱nunquil li to̱ntil naꞌleb li ma̱cꞌaꞌ na-oc cuiꞌ? Ut la̱ex li nequekꞌetkꞌeti e̱rib, ¿jokꞌe te̱canab xtzꞌekta̱nanquil li cha̱bil naꞌleb?

Proverbios 14:6

Li ani incꞌaꞌ naxtau xya̱lal naxsicꞌ lix naꞌleb, abanan incꞌaꞌ naxtau. Li ani se̱b xchꞌo̱l moco chꞌaꞌaj ta chokꞌ re xtaubal xnaꞌleb.

1 Juan 2:18

Ex inherma̱n, yo̱ chak chi nachꞌoc rosoꞌjiqueb li cutan. Ac xerabi resil nak ta̱cha̱lk jun li xicꞌ na-iloc re li Cristo. Aꞌan li anticristo nayeman re. Ut anakcuan ac cuanqueb nabal li xicꞌ nequeꞌiloc re li Cristo. Joꞌcan nak nakanau nak yo̱ chi cuulac xkꞌehil rosoꞌjiqueb li cutan.

Oseas 7:5

Saꞌ lix ninkꞌe, li rey quicaltesi̱c xbaneb li nequeꞌcꞌanjelac chiru. Ut li rey qui-oc chixba̱nunquil li yibru naꞌleb saꞌ xya̱nkeb li incꞌaꞌ useb xnaꞌleb.

Isaías 29:20

Eb li nequeꞌrahobtesin teꞌsachekꞌ ruheb. Ut eb li nequeꞌhoboc teꞌosokꞌ. Chixjunileb li nequeꞌxba̱nu ma̱usilal telajeꞌosokꞌ.

Isaías 28:14

Abihomak li cꞌaꞌru naxye li Ka̱cuaꞌ e̱re la̱ex li nequextaklan saꞌ li tenamit Jerusalén, la̱ex li nequekꞌetkꞌeti e̱rib.

Isaías 5:19

La̱ex li nequexyehoc re: —Chiba̱nuha̱k chi junpa̱t li cꞌaꞌru naraj li Dios re takil. Kilak nak lix Santil Dioseb laj Israel tixba̱nu chi junpa̱t li cꞌaꞌru naxye nak tixba̱nu.—

San Juan 12:48

Tento nak ta̱rakekꞌ a̱tin saꞌ xbe̱neb li nequeꞌtzꞌekta̱nan cue, li incꞌaꞌ nequeꞌpa̱ban re li cꞌaꞌru ninye. Li a̱tin li xinye, aꞌan ajcuiꞌ li ta̱qꞌuehok reheb chixtojbal rix lix ma̱queb saꞌ rosoꞌjiqueb li cutan.

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.