2 Pedro 3:2 - Li Santil hu

² Chijulticokꞌ e̱re li ra̱tineb li santil profeta tzꞌi̱banbil chak najter kꞌe cutan. Ut chijulticokꞌ e̱re lix chakꞌrab li Ka̱cuaꞌ Jesucristo laj Colol ke, kꞌaxtesinbil e̱re kaban la̱o lix apóstol li Jesucristo.

Q'eqchi Bible

² Chijultiko'q eere li aatin ke'xye chi junxilaj eb' li santil propeet, jo' ajwi' chijultiko'q eere li xchaq'rab' li Qaawa' ut laj Kolonel, q'axtesinb'il eere xb'aaneb' lee'apóstol.

2 Pedro 3:2 ပူးပေါင်းရင်းမြစ်များ

San Judas 1:17

Ut la̱ex ex inherma̱n, tento nak ta̱cua̱nk saꞌ e̱chꞌo̱l eb li a̱tin li queꞌxye chak lix apóstol li Ka̱cuaꞌ Jesucristo.

2 Pedro 2:21

Kꞌaxal us raj chokꞌ reheb nak incꞌaꞌ ta queꞌxnau xbehil li ti̱quilal chiru nak ac nequeꞌxnau ru, ut queꞌxcanab cuiꞌchic xpa̱banquil lix chakꞌrab li Dios li quikꞌaxtesi̱c reheb.

San Lucas 1:70

Aꞌin quixyechiꞌi chak junxilaj joꞌ queꞌxye ke li santil profetas.

San Lucas 24:44

Ut quixye reheb: —Li cꞌaꞌru xincꞌul, aꞌan ajcuiꞌ li quinserakꞌi chak e̱re nak toj cuanquin chak saꞌ e̱ya̱nk. Tento nak ta̱tzꞌaklok ru chixjunil li tzꞌi̱banbil chak retalil chicuix saꞌ lix chakꞌrab laj Moisés, joꞌ ajcuiꞌ saꞌ lix hu eb li profeta ut saꞌ ajcuiꞌ li Salmos, chan reheb.

Apocalipsis 19:10

La̱in quincuikꞌib cuib chiru chixlokꞌoninquil. Ut aꞌan quixye cue: —Ma̱ba̱nu aꞌan. La̱in yal aj cꞌanjelin chiru li Dios joꞌ la̱at, ut joꞌ eb ajcuiꞌ la̱ cuech aj pa̱banelil, li nequeꞌxpa̱b lix ya̱lal li quixchꞌolob li Jesús. Li Dios, aꞌan li ta̱lokꞌoni, chan cue, xban nak li quixchꞌolob li Jesús, aꞌan ajcuiꞌ li musikꞌanbil reheb li profeta.—

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

Hechos 28:23

Joꞌcan nak queꞌxxakab jun li cutan re nak teꞌcuulak riqꞌuin saꞌ li cab li cuan cuiꞌ. Nabaleb queꞌcuulac riqꞌuin laj Pablo re nak tixchꞌolob xya̱lal chiruheb chirix lix nimajcual cuanquilal li Dios. Quixnumsi li cutan chixchꞌolobanquil lix ya̱lal chirix li Jesús joꞌ tzꞌi̱banbil saꞌ lix chakꞌrab laj Moisés joꞌ ajcuiꞌ li queꞌxtzꞌi̱ba li profeta re nak teꞌxpa̱b li Jesús.

Hechos 10:43

Aꞌan aꞌin li Jesús li queꞌxye chak resil chixjunileb li profeta junxil. Queꞌxye nak saꞌ xcꞌabaꞌ aꞌan ta̱cuyekꞌ xma̱queb chixjunileb li nequeꞌpa̱ban re.—

Hechos 3:21

Abanan tento nak cua̱nk chak aran saꞌ choxa toj ta̱cuulak xkꞌehil nak ta̱tzꞌaklok ru chixjunil joꞌ queꞌxchꞌolob xya̱lal li santil profeta junxilaj joꞌ quiyeheꞌ reheb xban li Dios.

Hechos 3:18

Riqꞌuin aꞌin quitzꞌakloc ru li queꞌxye chak li profeta najter nak queꞌxye nak tento tixcꞌul li rahobtesi̱c li Cristo li Mesías, xban nak joꞌcan quixye li Dios.

San Lucas 24:27

Ut quixchꞌolob xya̱lal chiruheb chirix li cꞌaꞌru quixtzꞌi̱ba laj Moisés. Quixchꞌolob ajcuiꞌ lix ya̱lal li queꞌxtzꞌi̱ba chak li profeta chirix li Cristo li yechiꞌinbil xban li Dios joꞌ tzꞌi̱banbil saꞌ li Santil Hu.

1 Juan 4:6

Abanan la̱o ralal xcꞌajol li Dios. Ut eb li nequeꞌpa̱ban re li Dios nocoeꞌrabi. Ut eb li incꞌaꞌ nequeꞌpa̱ban re li Dios incꞌaꞌ nequeꞌraj kabinquil. Riqꞌuin aꞌan nacꞌutun ani cuan li Santil Musikꞌej riqꞌuin ut ani cuan xmusikꞌ laj balakꞌ riqꞌuin.

2 Pedro 3:15

Julticak e̱re nak cui li Ka̱cuaꞌ Jesucristo ma̱jiꞌ nacꞌulun, aꞌan re nak li ani ma̱jiꞌ nacoleꞌ naru ta̱colekꞌ. Aꞌan aj e nak quitzꞌi̱bac e̱riqꞌuin li kaherma̱n Pablo, li kꞌaxal raro kaban. Aꞌan quixtzꞌi̱ba li naꞌleb aꞌin joꞌ qꞌuebil chak re xban li Dios.

Gálatas 6:2

Chetenkꞌahak e̱rib chi ribil e̱rib chixnumsinquil li chꞌaꞌajquilal nachal saꞌ e̱be̱n. Chi joꞌcan yo̱kex chixba̱nunquil li cꞌaꞌru taklanbilex cuiꞌ xban li Jesucristo.

Efesios 3:5

Junxil ma̱ ani nataꞌoc ru lix ya̱lal li mukmu nak quicuan chak. Abanan anakcuan li Santil Musikꞌej quixcꞌut lix ya̱lal chiruheb li profeta ut chiku ajcuiꞌ la̱o lix apóstol.

1 Timoteo 6:14

Ut la̱ taklanquil, aꞌan aꞌin: chaba̱nu chixjunil li taklanbilat cuiꞌ xban li Ka̱cuaꞌ. Ti̱cak la̱ chꞌo̱l ut ma̱cꞌaꞌak a̱kꞌusbal toj retal ta̱cꞌulu̱nk cuiꞌchic li Ka̱cuaꞌ Jesucristo.

2 Pedro 3:16

Chirix aꞌin quixtzꞌi̱ba laj Pablo saꞌ chixjunil lix hu. Cuan li cꞌaꞌak re ru saꞌ lix hu chꞌaꞌaj xtaubal ru. Ut li ma̱cꞌaꞌeb xnaꞌleb ut li junpa̱t nequeꞌchꞌinan xchꞌo̱l saꞌ lix pa̱ba̱leb nequeꞌxpoꞌ lix ya̱lal. Joꞌcan ajcuiꞌ nequeꞌxba̱nu riqꞌuin chixjunil li ra̱tin li Dios. Xban nak nequeꞌxkꞌet ra̱tin li Dios, joꞌcan nak teꞌosokꞌ.