2 Pedro 3:1 - Li Santil hu

¹ Ex inherma̱n, aꞌin li xcab hu nintzꞌi̱ba e̱riqꞌuin. Riqꞌuin li cuib chi hu yo̱quin cuiꞌchic chixnumsinquil lix ya̱lal saꞌ le̱ xic re nak te̱cꞌoxla chi us cꞌaꞌru te̱ba̱nu.

Q'eqchi Bible

¹ Ex was wiitz'in raarookex inb'aan, a'in li xkab' inhu nintz'iib'a eerik'in. Sa' li wiib' yookin chi rajsinkil eech'ool xb'aan li tiikil k'a'uxl, rik'in li k'aru ninjultika cheru.

2 Pedro 3:1 ပူးပေါင်းရင်းမြစ်များ

2 Timoteo 1:6

Joꞌcan nak ninjultica cha̱cuu nak chaqꞌuehak chi cꞌanjelac la̱ ma̱tan qꞌuebil a̱cue xban li Dios nak quinqꞌue li cuukꞌ saꞌ a̱be̱n.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

1 Timoteo 5:22

Ma̱qꞌue junak chi cꞌamoc be saꞌ junpa̱t saꞌ xya̱nkeb laj pa̱banel. Xbe̱n cua ta̱cuil chanru lix yuꞌam xban nak cui la̱at ta̱xakab chi cꞌanjelac chi junpa̱t ut na-oc chi ma̱cobc, cuan ajcuiꞌ ma̱c saꞌ a̱be̱n la̱at. Chatcua̱nk ban chi ti̱c la̱ chꞌo̱l.

San Mateo 5:8

Us xak reheb li ti̱queb xchꞌo̱l xban nak eb aꞌan teꞌril ru li Dios.

Salmos 73:1

Relic chi ya̱l kꞌaxal nim li rusilal li Dios saꞌ xbe̱neb laj Israel li ti̱queb xchꞌo̱l.

Salmos 24:4

Caꞌajeb cuiꞌ li ti̱queb xchꞌo̱l ut li cha̱bileb xyuꞌam. Caꞌajeb cuiꞌ li incꞌaꞌ nequeꞌxra ru li cꞌaꞌak re ru ma̱cꞌaꞌ rajbal, ut li incꞌaꞌ nequeꞌxpatzꞌ xcꞌabaꞌ li Dios riqꞌuin xticꞌtiꞌeb.

2 Corintios 13:2

Nak quincuulac xcaꞌ sut e̱riqꞌuin, quinqꞌueheb chak xnaꞌlebeb li yo̱queb chi ma̱cobc joꞌ ajcuiꞌ che̱junilex. Ut anakcuan ma̱ anihin saꞌ e̱ya̱nk ut tinchꞌolob cuiꞌchic xya̱lal che̱ru. Nak tincuulak cuiꞌchic e̱riqꞌuin, la̱in tebinkꞌus chi cau li ani incꞌaꞌ us yo̱queb chixba̱nunquil. Incꞌaꞌ chic teꞌcuil xtokꞌoba̱l ru.

Hebreos 6:9

Ex inherma̱n, usta xkaye chi joꞌcan, ninnau nak la̱ex moco joꞌcanex ta chic anakcuan. Cha̱bil chic le̱ naꞌleb xban nak colbilex.

1 Pedro 2:11

Ex inherma̱n, raro̱quex inban. La̱ex yal numelex arin saꞌ ruchichꞌochꞌ. La̱in nintzꞌa̱ma che̱ru nak me̱ba̱nu chic li ma̱usilal li queba̱nu chak junxil xban nak aꞌan caꞌaj cuiꞌ xpoꞌbal ru le̱ cꞌaꞌux naxba̱nu.

2 Pedro 3:8

Abanan ex herma̱n, la̱ex li raro̱quex inban, chetau taxak ru aꞌin: Nak li jun cutan chiru li Ka̱cuaꞌ aꞌan joꞌ li jun mil chihab chiku la̱o, ut li jun mil chihab joꞌ li jun cutan chiru li Dios.

2 Pedro 3:14

Joꞌcan ut ex herma̱n, raro̱quex inban, chalen nak yo̱quex chiroybeninquil li cꞌaꞌak re ru aꞌin, cheqꞌue e̱chꞌo̱l chixba̱nunquil li ti̱quilal re nak ma̱cꞌaꞌak e̱ma̱c ut cua̱nkex saꞌ xya̱lal nak ta̱cꞌulu̱nk li Jesucristo.

2 Pedro 3:17

Joꞌcan ut ex herma̱n, kꞌaxal raro̱quex kaban, ac kayehom resil e̱re chirixeb laj balakꞌ. Chicua̱nk saꞌ e̱chꞌo̱l aꞌin re nak incꞌaꞌ texbalakꞌi̱k xbaneb li cui̱nk li yibeb ru xnaꞌleb. Ut, la̱ex li cau e̱chꞌo̱l chixpa̱banquil li Cristo, michꞌinan e̱chꞌo̱l xbaneb laj balakꞌ.

San Judas 1:5

Usta ac xchꞌolobaman che̱ru, nacuaj cuiꞌchic xjulticanquil e̱re chanru nak li Ka̱cuaꞌ Dios quirisiheb chak lix tenamit aj Israel saꞌ li naꞌajej Egipto. Ut mokon chic quixsacheb li incꞌaꞌ queꞌpa̱ban chiru saꞌ xya̱nkeb laj Israel.