2 Pedro 2:9 - Li Santil hu

⁹ Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

Q'eqchi Bible

⁹ Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

2 Pedro 2:9 ပူးပေါင်းရင်းမြစ်များ

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

Apocalipsis 3:10

La̱ex xecuy xba̱nunquil li xinye e̱re ut incꞌaꞌ xchꞌinan e̱chꞌo̱l saꞌ le̱ pa̱ba̱l. Joꞌcan nak la̱in tincolok e̱re saꞌ xkꞌehil nak ta̱cha̱lk li raylal saꞌ xbe̱neb chixjunileb li cuanqueb saꞌ ruchichꞌochꞌ.

2 Timoteo 3:12

Ut ya̱l ajcuiꞌ nak teꞌrahobtesi̱k li joꞌ qꞌuialeb li teꞌraj cua̱nc saꞌ ti̱quilal saꞌ xcꞌabaꞌ li Jesucristo.

2 Pedro 3:7

Li choxa ut li ruchichꞌochꞌ li cuanqueb anakcuan, cuanqueb saꞌ xnaꞌaj yal riqꞌuin ra̱tin li Dios. Yo̱queb chiroybeninquil nak teꞌcꞌatekꞌ xban li xam saꞌ xkꞌehil li rakba a̱tin nak teꞌsachekꞌ li incꞌaꞌ useb xnaꞌleb.

Proverbios 16:4

Cuan xya̱lal nak quixyi̱b li cꞌaꞌak re ru li Dios. Ut quixyi̱beb ajcuiꞌ li incꞌaꞌ useb xnaꞌleb re nak teꞌroybeni lix tojbal lix ma̱queb.

Li xHu LAJ JOB 5:19

Aꞌan junelic tatxcol chiru li raylal ut incꞌaꞌ tixcanab chi numta̱c saꞌ a̱be̱n li raylal.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

2 Pedro 2:4

Li Dios incꞌaꞌ quixcuy xma̱queb li ángel li queꞌma̱cob chiru. Quixcuteb ban saꞌ xbalba saꞌ chamal jul kꞌojyi̱n xsaꞌ. Bacꞌbo̱queb chi cadena quixcanabeb toj ta̱cuulak xkꞌehil li rakba a̱tin. Joꞌcan ajcuiꞌ tixba̱nu reheb laj balakꞌ. Incꞌaꞌ tixcuy xma̱queb.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Salmos 4:3

Chenauhak nak la̱in sicꞌbil cuu xban li Dios xban nak ti̱c inchꞌo̱l. Ut chenauhak ajcuiꞌ nak aꞌan narabi nak ninya̱ba lix cꞌabaꞌ.

Salmos 32:6

Li ti̱queb xchꞌo̱l teꞌxtzꞌa̱ma xtenkꞌanquil cha̱cuu nak cuanqueb saꞌ li raylal. Chanchan li butꞌ nak nachal li raylal saꞌ xbe̱neb. Abanan la̱at ta̱tenkꞌaheb re nak incꞌaꞌ teꞌchꞌina̱nk xchꞌo̱leb xban li raylal.

Li xHu LAJ JOB 21:30

Nak najoskꞌoꞌ li Dios, naxqꞌue chak li raylal saꞌ xbe̱neb li cristian. Abanan eb li incꞌaꞌ useb xnaꞌleb ma̱cꞌaꞌ nequeꞌxcꞌul.

Salmos 12:1

Choa̱col taxak, at Ka̱cuaꞌ, xban nak ma̱ jun chic cha̱bil saꞌ ruchichꞌochꞌ ut ma̱ jun chic reheb ti̱queb xchꞌo̱l.

Salmos 37:33

Abanan li Ka̱cuaꞌ incꞌaꞌ tixcanabeb li ti̱queb xchꞌo̱l saꞌ rukꞌeb li xicꞌ nequeꞌiloc reheb chi moco tixcanabeb re teꞌrakekꞌ a̱tin saꞌ xbe̱neb xbaneb li xicꞌ nequeꞌiloc reheb.

Proverbios 12:13

Eb li incꞌaꞌ useb xnaꞌleb nequeꞌxbok raylal saꞌ xbe̱neb riqꞌuin li ticꞌtiꞌic nequeꞌxba̱nu. Abanan eb li ti̱queb xchꞌo̱l nequeꞌxnau xcolbal ribeb chiru li raylal.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

San Mateo 10:15

Relic chi ya̱l tinye e̱re nak toj cubenak caꞌchꞌin lix tojbal xma̱queb li tenamit Sodoma ut li tenamit Gomorra chiru lix tojbal xma̱queb li tenamit aꞌan saꞌ xkꞌehil li rakba a̱tin.

San Judas 1:6

Ninjultica ajcuiꞌ che̱ru nak cuan li ángel queꞌxtzꞌekta̱na lix lokꞌal qꞌuebileb re joꞌ ajcuiꞌ lix naꞌajeb. Anakcuan tzꞌaptzꞌo̱queb saꞌ li kꞌojyi̱n xban li Dios ut bacꞌbo̱queb riqꞌuin cadena toj ta̱cuulak xcutanquil li rakba a̱tin.

1 Samuel 29:10

Joꞌcan nak tatcuacli̱k ekꞌela cuulaj ut tatsukꞌi̱k la̱at a̱cuochbeneb chixjunileb li cui̱nk li xeꞌel riqꞌuin laj Saúl, chan.