2 Pedro 2:11 - Li Santil hu

¹¹ Eb li ángel cuanqueb xnaꞌleb ut nim xcuanquil chiruheb laj tzolonel aj balakꞌ. Abanan li ángel incꞌaꞌ nequeꞌxmajecuaheb li cui̱nk aꞌin chiru li Ka̱cuaꞌ.

Q'eqchi Bible

¹¹ a' wi' chik eb' li ánjel li neke'xq'ax ruheb' rik'ineb' xmetz'ew ut xwankil, ink'a' neke'raqok aatin sa' xb'eeneb' rik'in majewank chiru li Qaawa'.

2 Pedro 2:11 ပူးပေါင်းရင်းမြစ်များ

San Judas 1:9

Ut li ángel Miguel, li kꞌaxal nim xlokꞌal, incꞌaꞌ quixqꞌue rib chokꞌ aj rakol a̱tin saꞌ xbe̱n laj tza. Nak li ángel queꞌxcuechꞌi rib riqꞌuin laj tza chirix lix tzꞌejcual laj Moisés, li ángel incꞌaꞌ quixhob chi moco quiraj xrakbal a̱tin saꞌ xbe̱n. Quixye ban re: Li Ka̱cuaꞌ Dios chikꞌusuk a̱cue, chan.

2 Ts 1:7

Abanan la̱ex li yo̱quex chixcꞌulbal raylal, li Dios texqꞌue chi hila̱nc kochben la̱o ut incꞌaꞌ chic takacꞌul raylal. Aꞌin ta̱cꞌulma̱nk nak li Ka̱cuaꞌ Jesucristo tixcꞌutbesi chak rib nak ta̱cha̱lk toj saꞌ choxa. Ta̱cha̱lk rochbenakeb chak lix ángel li cuanqueb xcuanquil.

Salmos 104:4

Cayi̱b li ikꞌ chokꞌ a̱takl. Ut cayi̱b li rakꞌ ca̱k re ta̱cꞌanjelak cha̱cuu.

Daniel 6:22

Lin Dios quixtakla chak lix ángel ut aꞌan quitzꞌapoc re lix tzꞌu̱mal reheb li cakcoj re nak incꞌaꞌ tineꞌxcamsi xban nak chiru li Dios ma̱cꞌaꞌ inma̱c chi moco cha̱cuu la̱at xinba̱nu li incꞌaꞌ us, chan re li rey.

Salmos 103:20

Chelokꞌoni li Ka̱cuaꞌ la̱ex ángeles, li cau e̱rib. La̱ex li nequeqꞌue xlokꞌal li ra̱tin li Ka̱cuaꞌ ut nequeba̱nu li cꞌaꞌru naxye.

San Marcos 7:22

Ut saꞌ xcꞌaꞌux ajcuiꞌ nachal li elkꞌac, lix rahinquil ru cꞌaꞌru re ras ri̱tzꞌin, li ma̱usilal, li balakꞌi̱nc, li xba̱nunquil li xuta̱nalil naꞌleb, li cakali̱nc, li majecua̱nc, li kꞌetkꞌetil, ut lix majelil naꞌleb.