2 Pedro 1:7 - Li Santil hu

⁷ Ma̱cuaꞌ caꞌaj cuiꞌ aꞌan takaba̱nu. Chisahokꞌ ban ajcuiꞌ kachꞌo̱l riqꞌuineb li kas ki̱tzꞌin ut chikaraheb.

Q'eqchi Bible

⁷ li xloq'oninkil li Yos rik'in wank jo' eeras eeriitz'in eerib', li wank jo' eeras eeriitz'in eerib' rik'in li rahok.

2 Pedro 1:7 ပူးပေါင်းရင်းမြစ်များ

Hebreos 13:1

Me̱canab xra̱bal e̱rib che̱ribil e̱rib xban nak junajex saꞌ le̱ pa̱ba̱l.

Romanos 12:10

Cherahak e̱rib chi ribil e̱rib chi anchal e̱chꞌo̱l xban nak e̱comon e̱rib saꞌ le̱ pa̱ba̱l. Ut che-oxlokꞌi e̱rib chi ribil e̱rib.

1 Ts 3:12

Aꞌ taxak li Ka̱cuaꞌ chitenkꞌa̱nk e̱re re nak te̱ra e̱rib che̱ribil e̱rib ut chi anchal e̱chꞌo̱l cherahak taxak le̱ ras e̱ri̱tzꞌin joꞌ nak nequexkara la̱ex.

Gálatas 6:10

Joꞌcan ut chikaba̱nuhak usilal reheb chixjunileb li kas ki̱tzꞌin nak toj naru xba̱nunquil, ut kꞌaxal cuiꞌchic takaba̱nu reheb li kech aj pa̱banelil.

1 Juan 4:21

Aꞌin li chakꞌrab quixqꞌue ke li Jesucristo: Li ani naxra li Dios, tento ajcuiꞌ nak tixra lix herma̱n.

1 Juan 3:16

Li Jesucristo quixcꞌut chiku chanru li rahoc nak quixkꞌaxtesi rib chi ca̱mc saꞌ kacꞌabaꞌ la̱o. Joꞌcan ajcuiꞌ nak tento takaraheb li kaherma̱n usta tocamsi̱k saꞌ xcꞌabaꞌeb.

1 Juan 3:14

Cui nakara li kaherma̱n, aꞌan retalil nak cua̱nk kacolbal chiru xcuanquil li ca̱mc ut qꞌuebil kayuꞌam chi junelic. Li ani incꞌaꞌ naxra lix herma̱n, aꞌan toj cuan rubel xcuanquil li ca̱mc.

1 Pedro 2:17

La̱ex aj pa̱banel, chera e̱rib che̱ribil e̱rib. Chexucua̱k ru li Ka̱cuaꞌ Dios. Che-oxlokꞌi le̱ ras e̱ri̱tzꞌin. Ut cheqꞌuehak xlokꞌal li acuabej.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

Colosenses 3:14

Li kꞌaxal lokꞌ xba̱nunquil chiru chixjunil li cꞌaꞌak re ru aꞌin, aꞌan li rahoc ib xban nak riqꞌuin aꞌan junajak li kacꞌaꞌux ut tzꞌakalak re ru li takaba̱nu.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.