2 Pedro 1:6 - Li Santil hu

⁶ Joꞌcan ajcuiꞌ nak chikacuyak kib. Ut chicua̱nk xcacuil li kachꞌo̱l saꞌ li kapa̱ba̱l riqꞌuin li raylal nakacꞌul ut chikacꞌoxlahak li Dios chi tzꞌakal.

Q'eqchi Bible

⁶ li loq'laj na'leb'ak rik'in li taqlank sa' xb'een leetz'ejwal, li taqlank sa' xb'een leetz'ejwal rik'in li kawil ch'oolej, li kawil ch'oolej rik'in xloq'oninkil li Yos,

2 Pedro 1:6 ပူးပေါင်းရင်းမြစ်များ

2 Pedro 1:3

Chixjunil li cꞌaꞌru nacꞌanjelac ke saꞌ li kayuꞌam ut saꞌ li kapa̱ba̱l qꞌuebil ke xban xnimal xcuanquil li Cristo. Saꞌ xcꞌabaꞌ lix cuanquil xkanau ru li Dios li quibokoc ke chi tzꞌako̱nc riqꞌuin lix nimal xlokꞌal ut xcuanquilal.

Hebreos 10:36

La̱ex tento te̱cuy li cꞌaꞌru na-ux e̱re re nak te̱ba̱nu li naraj li Dios. Ut riqꞌuin aꞌan te̱cꞌul li yechiꞌinbil e̱re xban li Dios.

San Lucas 21:19

Cui incꞌaꞌ nachꞌinan e̱chꞌo̱l saꞌ le̱ pa̱ba̱l usta yo̱kex chi cꞌuluc raylal te̱re̱chani li junelic yuꞌam.

Hebreos 12:1

Numtajenak xqꞌuialeb laj pa̱banel li queꞌcuan chak najter. Kaqꞌuehak retal chanru lix pa̱ba̱leb. Chanru nak queꞌpa̱ban chak aꞌan, joꞌcan ajcuiꞌ takaba̱nu la̱o. Cui junak naraj a̱linac, narisi chixjunil li naa̱lobresin re ut naxyal xkꞌe chi a̱linac. Joꞌcan ajcuiꞌ takaba̱nu la̱o. Takacanab chixjunil li cꞌaꞌak re ru nachꞌiꞌchꞌiꞌin ke saꞌ li kapa̱ba̱l ut takacanab ajcuiꞌ li ma̱c li nachapoc ke. Chikacuyak taxak li cꞌaꞌak re ru tento xcuybal re nak takaba̱nu joꞌ naraj li Dios.

1 Corintios 9:25

Li ani naxyal xkꞌe chi a̱linac naxcuy li raylal re nak ta̱cacuu̱k xmetzꞌe̱u. Nequeꞌxba̱nu aꞌan re xcꞌulbal junak ma̱tan na-osoꞌ. Joꞌcan ajcuiꞌ la̱o aj pa̱banel nakacuy li raylal ut nakacꞌul ajcuiꞌ kama̱tan. Abanan li ma̱tan nakacꞌul la̱o incꞌaꞌ na-osoꞌ. Aꞌan cuan chi junelic.

Tito 2:2

Chaqꞌueheb xnaꞌleb li che̱quel cui̱nk re nak incꞌaꞌ teꞌcala̱k ut cha̱bilakeb xnaꞌleb. Toj cheꞌxcꞌoxla chi us li cꞌaꞌru teꞌxba̱nu ut cheꞌpa̱ba̱nk chi anchaleb xchꞌo̱l. Chixjunil li teꞌxba̱nu, cheꞌxba̱nuhak xban nak nequeꞌxra li ras ri̱tzꞌin ut cheꞌxcuyak li raylal.

Gálatas 5:23

tu̱lanil ut cuyuc ib. Ma̱cꞌaꞌ junak chakꞌrab naxye nak incꞌaꞌ us xba̱nunquil aꞌin.

Apocalipsis 14:12

Joꞌcan nak cauhakeb taxak xchꞌo̱leb li ralal xcꞌajol li Dios, eb li nequeꞌba̱nun re lix chakꞌrab li Dios ut nequeꞌpa̱ban saꞌ xcꞌabaꞌ li Jesucristo. Incꞌaꞌ taxak ta̱chꞌina̱nk xchꞌo̱leb saꞌ xpa̱ba̱leb.

Apocalipsis 2:2

La̱in ninnau chixjunil li nequeba̱nu. Ninnau nak cau nequexcꞌanjelac ut ninnau ajcuiꞌ nak incꞌaꞌ nachꞌinan e̱chꞌo̱l. Ninnau nak xicꞌ nequeril li nequeꞌxba̱nu ma̱usilal. Xeqꞌue retal li ani xeꞌxqꞌue ribeb chokꞌ apóstol ut ma̱cuaꞌeb. Ut xenau nak aj balakꞌeb ut aj ticꞌtiꞌeb.

Tito 1:8

Junak aj cꞌanjel chiru li Dios naxcꞌuleb li rulaꞌ chi sa saꞌ xchꞌo̱l ut nasahoꞌ ajcuiꞌ saꞌ xchꞌo̱l riqꞌuineb li nequeꞌba̱nun re li us. Laj cꞌanjel chiru li Dios toj naxcꞌoxla chi us li cꞌaꞌru naxba̱nu ut junelic cua̱nk saꞌ usilal riqꞌuineb li ras ri̱tzꞌin. Ti̱c xchꞌo̱l ut naxcuy xnumsinquil li raylal ut li a̱le̱c.

1 Ts 1:3

Nak nocotijoc chiru li Dios, junelic cuan saꞌ kachꞌo̱l chanru le̱ cha̱bilal xban le̱ pa̱ba̱l. Cuan saꞌ kachꞌo̱l le̱ cha̱bil cꞌanjel xban nak nequexrahoc ut cuan ajcuiꞌ saꞌ kachꞌo̱l nak kꞌaxal cau e̱chꞌo̱l chixyoꞌoninquil li Ka̱cuaꞌ Jesucristo.

Colosenses 1:11

Nakatzꞌa̱ma chiru li Dios re nak cua̱nk xcacuil e̱chꞌo̱l xban xnimal xcuanquil li Dios. Chisahokꞌ saꞌ e̱chꞌo̱l ut checuyak xnumsinquil li cꞌaꞌak re ru nachal saꞌ e̱be̱n ut incꞌaꞌ ta̱chꞌina̱nk e̱chꞌo̱l.

2 Corintios 6:4

Chixjunil li nakaba̱nu, aꞌan nacꞌutuc re nak la̱o aj cꞌanjelo chiru li Dios. Nakacuy xnumsinquil chixjunil li raylal, li rahobtesi̱c ut li rahil chꞌo̱lejil li nakacꞌul.

Romanos 8:25

Aban li cꞌaꞌru nakoybeni incꞌaꞌ nakil ru ut tento takacuy roybeninquil.

Romanos 2:7

Li Dios tixqꞌue xyuꞌam chi junelic li ani naxqꞌue xchꞌo̱l chixba̱nunquil li cha̱bilal li naraj li Dios re nak tixtau lix lokꞌal, lix nimanquil ru, ut lix yuꞌam chi junelic.

Hechos 24:25

Ut nak laj Pablo yo̱ chixchꞌolobanquil lix ya̱lal li ti̱quilal, li cuyuc ib, ut li rakba a̱tin cha̱lel, quichal xxiu laj Félix. Quixye re laj Pablo. —Anakcuan ayu. Nak tixqꞌue rib chicuu tintakla cuiꞌchic a̱bokbal, chan.

San Lucas 8:15

Ut li iyaj li quitꞌaneꞌ saꞌ cha̱bil chꞌochꞌ, aꞌan retalileb li nequeꞌabin re li ra̱tin li Dios. Nequeꞌxpa̱b li ra̱tin chi anchaleb xchꞌo̱l ut nequeꞌqꞌui saꞌ xpa̱ba̱leb, chan li Jesús.

Salmos 37:7

Checꞌojobak e̱chꞌo̱l riqꞌuin li Ka̱cuaꞌ ut chex-oybeni̱nk riqꞌuin aꞌan. Mexcꞌoxlac chirixeb li nequeꞌbiomoꞌ. Mexpoꞌ chirilbaleb li us nequeꞌel riqꞌuin li incꞌaꞌ us nequeꞌxba̱nu.

Romanos 15:4

Chixjunil li cꞌaꞌak re ru quitzꞌi̱ba̱c chak najter saꞌ li Santil Hu, re katzolbal nak quitzꞌi̱ba̱c chak. Nocoxtenkꞌa re nak incꞌaꞌ ta̱chꞌina̱nk li kachꞌo̱l ut naxcꞌojob li kachꞌo̱l re nak takacuy roybeninquil nak ta̱tzꞌaklok ru li kacolbal.

Apocalipsis 13:10

Li ani tento ta̱xic chi pre̱xil, xicak chi pre̱xil. Ut li ani tento ta̱camsi̱k riqꞌuin chꞌi̱chꞌ, chicamsi̱k riqꞌuin chꞌi̱chꞌ. Joꞌcan nak cauhakeb taxak xchꞌo̱leb li ralal xcꞌajol li Dios. Teꞌxcuy taxak xnumsinquil li raylal ut incꞌaꞌ ta chichꞌina̱nk xchꞌo̱leb.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

2 Pedro 3:11

Xban nak chixjunil li cꞌaꞌak re ru telajeꞌosokꞌ, joꞌcan nak chikaqꞌue kachꞌo̱l chi cua̱nc saꞌ li ti̱quilal. Chikacꞌoxlahak li Ka̱cuaꞌ Dios.

Hebreos 6:15

Joꞌcan nak laj Abraham najt quixcuy roybeninquil ut incꞌaꞌ quititzꞌ toj retal quixcꞌul lix ma̱tan quiyechiꞌi̱c re xban li Dios.

Hebreos 6:12

Incꞌaꞌ nakaj nak te̱cuiba e̱chꞌo̱l. Cheba̱nu ban joꞌ nequeꞌxba̱nu li nequeꞌpa̱ban chi anchal xchꞌo̱l. Incꞌaꞌ nequeꞌtitzꞌ. Nequeꞌxcuy ut nequeꞌre̱chani li yechiꞌinbil xban li Dios.

Tito 1:1

La̱in laj Pablo. Yo̱quin chi tzꞌi̱bac a̱cuiqꞌuin, at Tito. Nincꞌanjelac chiru li Dios ut la̱in x-apóstol li Jesucristo. Xakabanbilin xban li Jesucristo re xtenkꞌanquileb li sicꞌbileb ru xban li Dios re nak tzꞌakalak re ru lix pa̱ba̱leb. Ut xakabanbilin re xtenkꞌanquileb re nak teꞌxtau ru chi tzꞌakal lix ya̱lal li colba-ib ut ta̱ti̱cobresi̱k lix chꞌo̱leb.

2 Timoteo 3:5

Teꞌxye rib nak aj pa̱baneleb, abanan incꞌaꞌ teꞌxqꞌue xcuanquil li pa̱ba̱l. At Timoteo, ma̱junaji a̱cuib riqꞌuineb aꞌan.

1 Timoteo 6:11

Ut la̱at, at Timoteo, la̱at aj cꞌanjel chiru li Dios. Ma̱ba̱nu li ma̱usilal li nequeꞌxba̱nu eb aꞌan. Qꞌue ban a̱chꞌo̱l chi cua̱nc saꞌ ti̱quilal. Chara li Dios ut chatpa̱ba̱nk chiru. Charaheb la̱ cuas a̱cui̱tzꞌin. Chacuy li raylal ut chatcua̱nk saꞌ tu̱lanil.

1 Timoteo 6:6

Ya̱l nak kꞌaxal lokꞌ li pa̱ba̱l chokꞌ reheb li nequeꞌxcꞌojob xchꞌo̱l riqꞌuin li joꞌ nimal joꞌ chꞌinal cuan reheb.

1 Timoteo 6:3

Cuan li nequeꞌcꞌutuc re jalan tijleb li moco ya̱l ta. Moco nequeꞌxpa̱b ta li ya̱l li quixcꞌut chiku li Ka̱cuaꞌ Jesucristo. Jalan cuiꞌ lix pa̱ba̱leb.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

1 Timoteo 2:10

Li ixk li napa̱ban re li Dios, moco riqꞌuin ta xtikibanquil rib cuan xchꞌinaꞌusal. Riqꞌuin ban lix ti̱quilal xchꞌo̱l.

1 Timoteo 2:2

Chextijok chirixeb li rey ut chixjunileb li cuanqueb saꞌ xcuanquil re nak cua̱nko saꞌ xya̱lal ut tuktu̱k kachꞌo̱l. Ut ma̱cꞌaꞌ taxak ta̱chꞌiꞌchꞌiꞌi̱nk ke saꞌ li kapa̱ba̱l ut ti̱cak taxak li kachꞌo̱l.

2 Ts 3:5

Aꞌ taxak li Ka̱cuaꞌ Jesucristo chitenkꞌa̱nk e̱re chixnaubal nak raro̱quex xban li Dios ut chicua̱nk taxak e̱riqꞌuin li cuyuc li naxqꞌue li Cristo.

2 Ts 1:4

Joꞌcan nak kꞌaxal sa saꞌ kachꞌo̱l chixserakꞌinquil resil le̱ pa̱ba̱l reheb li nequeꞌpa̱ban re li Dios yalak bar. Nakaye reheb chanru nak nequexpa̱ban chi anchal e̱chꞌo̱l ut cau e̱chꞌo̱l nak yo̱quex chixcuybal xnumsinquil li raylal ut li ra xi̱cꞌ.

Isaías 57:1

Nak nequeꞌcam li ti̱queb xchꞌo̱l, ma̱ ani naxcꞌoxla cꞌaꞌut nak nequeꞌcam. Nak nequeꞌcam li cha̱bileb xnaꞌleb, ma̱ ani naqꞌuehoc retal nak yal xeꞌisi̱c saꞌ li raylal li cha̱lc re.

Génesis 5:24

Tzꞌakal re ru lix yuꞌam, ut saꞌ jun li cutan ma̱ ani chic saꞌ ruchichꞌochꞌ xban nak quicꞌameꞌ chi yoꞌyo xban li Dios.