2 Pedro 1:3 - Li Santil hu

³ Chixjunil li cꞌaꞌru nacꞌanjelac ke saꞌ li kayuꞌam ut saꞌ li kapa̱ba̱l qꞌuebil ke xban xnimal xcuanquil li Cristo. Saꞌ xcꞌabaꞌ lix cuanquil xkanau ru li Dios li quibokoc ke chi tzꞌako̱nc riqꞌuin lix nimal xlokꞌal ut xcuanquilal.

Q'eqchi Bible

³ Li xnimal xwankil li Kriist kixsi qe chixjunil li nak'anjelak sa' li qayu'am ut sa' li qapaab'aal, sa' xk'ab'a' xnawb'al ru li Yos li kib'oqok chaq qe rik'in li xloq'al ut li rusilal.

2 Pedro 1:3 ပူးပေါင်းရင်းမြစ်များ

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

2 Timoteo 1:9

Aꞌan quicoloc ke ut quixsicꞌ chak ku re nak tocꞌanjelak saꞌ ti̱quilal. Ma̱cuaꞌ xban kayehom kaba̱nuhom nak quixsicꞌ ku. Yal xban li rusilal ban, xban nak joꞌcan quiraj. Saꞌ xcꞌabaꞌ li Jesucristo nak quiruxta̱na ku, xban nak ac joꞌcan chak saꞌ xchꞌo̱l junxilaj nak toj ma̱jiꞌ quixyi̱b li ruchichꞌochꞌ.

Salmos 84:11

Li Ka̱cuaꞌ Dios, aꞌan li nacutanobresin re li kacꞌaꞌux ut aꞌan li nacoloc ke. Ut incꞌaꞌ narisi chiku li cꞌaꞌru us chokꞌ ke la̱o li nococuan saꞌ ti̱quilal.

Romanos 8:32

Usta li Acuabej Dios kꞌaxal raro li Ralal xban, incꞌaꞌ quixcol chiru li ca̱mc. Quixkꞌaxtesi ban chi ca̱mc saꞌ kacꞌabaꞌ la̱o. Cui quixqꞌue li Ralal re ca̱mc, ¿ma incꞌaꞌ ta biꞌ tixqꞌue ke chixjunil li cꞌaꞌak re ru quixyechiꞌi ke?

2 Corintios 12:9

Abanan li Ka̱cuaꞌ quixye cue: “Incꞌaꞌ nacuisi la̱ raylal. Abanan tatintenkꞌa re nak ta̱cuy xnumsinquil. La̱in ninqꞌue lin cuanquil re li ani naxnau nak ma̱cꞌaꞌ xcuanquil xjunes,” chan cue. Joꞌcan nak nasahoꞌ saꞌ inchꞌo̱l riqꞌuin li raylal re nak lix cuanquil li Cristo cua̱nk cuiqꞌuin.

1 Pedro 2:21

Li Dios naraj nak te̱ba̱nu joꞌ quixba̱nu li Cristo. Li Cristo quixcꞌul li raylal saꞌ e̱cꞌabaꞌ la̱ex. Aꞌan quicꞌamoc be che̱ru re nak la̱ex te̱cuy ajcuiꞌ xnumsinquil li raylal.

2 Ts 2:14

Aꞌan aj e nak li Dios quixsicꞌ e̱ru re nak te̱pa̱b li evangelio li xkachꞌolob che̱ru re nak textzꞌako̱nk riqꞌuin lix nimal xlokꞌal li Ka̱cuaꞌ Jesucristo.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

1 Ts 2:12

Xkaqꞌue xcacuilal e̱chꞌo̱l ut xkatzꞌa̱ma ajcuiꞌ che̱ru nak texcua̱nk saꞌ xya̱lal joꞌ xcꞌulubeb li ralal xcꞌajol li Dios li quisicꞌoc e̱ru re nak textzꞌako̱nk ajcuiꞌ la̱ex riqꞌuin lix nimajcual cuanquilal ut lix lokꞌal.

1 Ts 4:7

Li Dios incꞌaꞌ quixsicꞌ ku re nak yo̱ko chixba̱nunquil li ma̱usilal. Quixsicꞌ ban ku re nak tocua̱nk saꞌ santilal.

1 Pedro 1:15

Aban ti̱cak taxak le̱ chꞌo̱l ut cha̱bilak taxak le̱ yehom e̱ba̱nuhom xban nak ti̱c xchꞌo̱l li Dios li quisicꞌoc e̱ru chokꞌ ralal xcꞌajol.

Efesios 4:1

La̱in cuanquin chi pre̱xil xban xyebal resil li Ka̱cuaꞌ Jesucristo. La̱in xintijoc che̱rix ut anakcuan nintzꞌa̱ma che̱ru nak cha̱bilak le̱ yuꞌam joꞌ xcꞌulubeb li ralal xcꞌajol li Dios.

1 Corintios 1:9

Li Dios junelic naxqꞌue li naxyechiꞌi ut aꞌan ajcuiꞌ li quisicꞌoc e̱ru re nak texcua̱nk chi sum a̱tin riqꞌuin li Ralal, aꞌ li Ka̱cuaꞌ Jesucristo.

2 Pedro 1:2

Xban nak nequenau chic lix ya̱lal chirix li Dios ut chirix li Ka̱cuaꞌ Jesucristo, ta̱cua̱nk taxak chi nabal li tuktu̱quilal e̱riqꞌuin ut chicua̱nk taxak li rusilal li Dios saꞌ le̱ chꞌo̱l.

2 Pedro 1:5

Abanan incꞌaꞌ tzꞌakal cui caꞌaj cuiꞌ nocopa̱ban. Chikayalak ban kakꞌe chixba̱nunquil li cha̱bilal. Ut chikatzolak kib riqꞌuin li Dios re nak cha̱bilak li kanaꞌleb.

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

Colosenses 1:16

Saꞌ xcꞌabaꞌ aꞌan, li Dios quixyoꞌobtesi chixjunil li cꞌaꞌak re ru cuan saꞌ choxa, joꞌ ajcuiꞌ li cuan saꞌ ruchichꞌochꞌ. Li Dios quixyoꞌobtesi chixjunil li na-ilman ru, joꞌqueb ajcuiꞌ chixjunileb li musikꞌej, li incꞌaꞌ na-ilman ru. Aꞌ yal chanru lix cꞌanjel li junju̱nk ut lix cuanquileb, li Dios quiyoꞌobtesin reheb saꞌ xcꞌabaꞌ li Jesucristo ut aꞌan laj e̱chal reheb.

1 Timoteo 4:8

Nayeman nak us nak takatzol kib chixchꞌolaninquil kib re nak cauhako. Abanan li kꞌaxal cuiꞌchic lokꞌ aꞌan xtzolbal kib re nak cauhak kachꞌo̱l saꞌ li kapa̱ba̱l xban nak riqꞌuin li kapa̱ba̱l cuan li rusilal li Dios kiqꞌuin anakcuan arin saꞌ ruchichꞌochꞌ ut cua̱nk ajcuiꞌ li kayuꞌam chi junelic.

Efesios 4:4

La̱o li ralal xcꞌajol li Dios chanchan nak jun chi tzꞌejcualej nak cuanco ut jun ajcuiꞌ li Santil Musikꞌej naberesin ke. Jun ajcuiꞌ li kama̱tan li nakayoꞌoni saꞌ comonil, la̱o li sicꞌbil ku.

Filipenses 4:8

Ut anakcuan, jun chic nacuaj xyebal e̱re. Aꞌan aꞌin: junelic chexcꞌoxlak chirix li cꞌaꞌru ya̱l ut li cꞌaꞌru cha̱bil. Chexcꞌoxlak chirix li ti̱quilal, li santilal, ut li usilal. Junelic chexcꞌoxlak chirix li kꞌaxal cha̱bil ut li naru naxqꞌue xlokꞌal li Dios.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

Salmos 110:3

Nak la̱at cua̱nkat saꞌ la̱ cuanquil, eb la̱ tenamit teꞌxic saꞌ la̱ santil naꞌaj ut teꞌxyechiꞌi ribeb chi cꞌanjelac cha̱cuu. Li Dios tixqꞌue a̱metzꞌe̱u rajlal joꞌ nak natꞌaneꞌ li xchuꞌque rajlal ekꞌela. Ut chanchanakat jun li sa̱j cui̱nk.

1 Pedro 1:5

Xban nak nocopa̱ban, li Dios li kꞌaxal nim xcuanquil nocoril chi junelic re nak tocolekꞌ. Li colba-ib aꞌin ta̱cꞌutbesi̱k chi tzꞌakal re ru saꞌ rosoꞌjic li cutan.

Romanos 9:24

La̱o sicꞌbil ku xban li Dios. Cuan sicꞌbileb chak ru saꞌ xya̱nkeb laj judío ut cuan sicꞌbileb chak ru saꞌ xya̱nkeb li ma̱cuaꞌeb aj judío.

Proverbios 12:4

Junak li be̱lomej naqꞌueheꞌ xlokꞌal xban nak cha̱bil xnaꞌleb li rixakil. Abanan li ixakilbej li incꞌaꞌ us xnaꞌleb naxsach xcuanquil lix be̱lom.

Li xHu LIX RUT 3:11

At Kanaꞌ, matcꞌoxlac chirix li yo̱cat chixtzꞌa̱manquil. Chixjunileb li tenamit nequeꞌxnau nak ti̱c a̱chꞌo̱l. La̱in tinba̱nu li cꞌaꞌru yo̱cat chixtzꞌa̱manquil chicuu.

Proverbios 31:29

Lix be̱lom naxye re: —Nabaleb li ixk nequeꞌxba̱nu li us, abanan la̱at li kꞌaxal cha̱bil chiruheb chixjunileb, chan.

Proverbios 31:10

Junak ixakilbej cha̱bil xnaꞌleb kꞌaxal chꞌaꞌaj xtaubal. Kꞌaxal lokꞌ ut kꞌaxal terto xtzꞌak chiru li cha̱bil pec perla.

Filipenses 3:8

Relic chi ya̱l chixjunil li cꞌaꞌak re ru xinba̱nu chak junxil ma̱cꞌaꞌ chic na-oc cuiꞌ chicuu anakcuan xban nak kꞌaxal cuiꞌchic nim xlokꞌal xpa̱banquil li Ka̱cuaꞌ Jesucristo. Re nak la̱inak chic re li Cristo, xintzꞌekta̱na chixjunil li xinba̱nu chak junxil. Aꞌan yal mul aj chic chicuu anakcuan.

2 Pedro 1:6

Joꞌcan ajcuiꞌ nak chikacuyak kib. Ut chicua̱nk xcacuil li kachꞌo̱l saꞌ li kapa̱ba̱l riqꞌuin li raylal nakacꞌul ut chikacꞌoxlahak li Dios chi tzꞌakal.

2 Pedro 1:8

Cui nakaba̱nu aꞌin chi cuulaj cuulaj, yo̱ko chi cꞌanjelac chiru li Dios re nak li kayuꞌam incꞌaꞌ ta̱cua̱nk chi ma̱cꞌaꞌ rajbal. Cua̱nk ban xya̱lal nak takapa̱b li Ka̱cuaꞌ Jesucristo.

2 Pedro 1:10

Riqꞌuin ut aꞌin ex herma̱n, cheqꞌue taxak e̱chꞌo̱l chixtaubal ru nak bokbilex ut sicꞌbil e̱ru xban li Dios. Cui nequeqꞌue retal aꞌin incꞌaꞌ chic texma̱cobk.

2 Pedro 2:20

Li ani nequeꞌxpa̱b li Ka̱cuaꞌ Jesucristo, nequeꞌxcanab ajcuiꞌ xmuxbal rib riqꞌuin li cꞌaꞌru cuan saꞌ ruchichꞌochꞌ. Abanan cui teꞌoc cuiꞌchic chi ma̱cobc ut cui ta̱numta̱k cuiꞌchic li ma̱c saꞌ xbe̱neb, kꞌaxal cuiꞌchic yibak ru lix naꞌlebeb chiru nak queꞌcuan junxil nak toj ma̱jiꞌ nequeꞌpa̱ban chak.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.