2 Pedro 1:18 - Li Santil hu

¹⁸ Nak quikabi li a̱tin aꞌin li quichal chak saꞌ choxa, la̱o cuanco chak kochben aꞌan saꞌ xbe̱n jun li tzu̱l sicꞌbil ru xban li Dios.

Q'eqchi Bible

¹⁸ Laa'o koo'ab'ink re li xyaab' kuxej a'in li kichalk chaq toj sa' choxa, naq qochb'een chaq li Jesus sa' xb'een li santil tzuul.

2 Pedro 1:18 ပူးပေါင်းရင်းမြစ်များ

San Mateo 17:6

Nak queꞌrabi aꞌan, kꞌaxal nak queꞌxucuac lix tzolom ut queꞌxcut rib saꞌ chꞌochꞌ ut huphu queꞌcana.

Josué 5:15

Ut li nataklan saꞌ xbe̱neb lix soldado li Ka̱cuaꞌ quixye re: —Isi la̱ xa̱b cha̱cuok xban nak li naꞌajej li cuancat cuiꞌ, aꞌan santil naꞌajej, chan. Ut laj Josué quixba̱nu joꞌ quiyeheꞌ re.

Éxodo 3:5

Li Ka̱cuaꞌ Dios quixye: —Matjiloc chak arin. Ta̱cuisi la̱ xa̱b cha̱cuok xban nak li naꞌajej cuancat cuiꞌ aꞌan santil naꞌajej.—

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—

Isaías 11:9

Saꞌ lin santil tzu̱l ma̱ ani chic tixchꞌeꞌ rib ut incꞌaꞌ chic teꞌxrahobtesi ribeb chi ribileb rib xban nak chixjunil li ruchichꞌochꞌ nujenak riqꞌuin lix naꞌleb li Ka̱cuaꞌ joꞌ nak nanujac li palau riqꞌuin haꞌ.

Éxodo 3:1

Laj Moisés yo̱ chixcꞌacꞌalenquil lix queto̱mk laj Jetro lix yucuaꞌ li rixakil. (Aj Jetro nayeman ajcuiꞌ re laj Reuel.) Aꞌan xbe̱n aj tij reheb laj Madián. Laj Moisés najt quixcꞌameb li queto̱mk saꞌ li chaki chꞌochꞌ, toj retal queꞌcuulac cuan cuiꞌ li tzu̱l Horeb bar quia̱tinac cuiꞌ li Dios riqꞌuin laj Moisés.

Isaías 56:7

la̱in tincꞌameb saꞌ lin santil tzu̱l ut tinqꞌue xsahileb xchꞌo̱l saꞌ lin templo li nequeꞌtijoc cuiꞌ. La̱in tincꞌul lix mayej ut li xul li nequeꞌxcꞌat chiru lin artal. Lin templo, aꞌan li naꞌajej re tijoc re chixjunileb li tenamit, chan li Ka̱cuaꞌ.