2 Juan 1:4 - Li Santil hu

⁴ Cꞌajoꞌ nak nasahoꞌ saꞌ inchꞌo̱l chirilbaleb la̱ cualal a̱cꞌajol nak cuanqueb saꞌ xya̱lal. Joꞌcaꞌin li kataklanquil xban li Dios Acuabej.

Q'eqchi Bible

⁴ Q'axal xsaho'k sa' inch'ool naq wan xeb'intaw sa' xyanqeb' laawalal aak'ajol li yookeb' chi b'eek sa' li yaal, jo' chanru li qataqlankil xb'aan li Yuwa'b'ej.

2 Juan 1:4 ပူးပေါင်းရင်းမြစ်များ

Efesios 5:8

Junxil quexcuan chak saꞌ xkꞌojyi̱nal ru li ma̱c. Abanan, anakcuan rehex chic li Ka̱cuaꞌ ut cuanquex chic saꞌ xcutan saken. Joꞌcan nak chexcua̱nk saꞌ xya̱lal.

Efesios 5:2

Cherahak e̱rib chi ribil e̱rib joꞌ nak coxra la̱o li Cristo ut quixmayeja rib chiru li cruz re kacolbal. Ut li Dios quisahoꞌ xchꞌo̱l riqꞌuin xban nak chanchan li sununquil ban chiru.

1 Juan 2:6

Li ani naxye nak re chic li Dios, tento nak junelic cha̱bilak lix yuꞌam joꞌ xyuꞌam li Jesucristo.

Oseas 14:9

Cui cuan junak saꞌ e̱ya̱nk cuan xnaꞌleb chixtaubal ru li tzꞌi̱banbil arin, chixqꞌuehak retal lix ya̱lal. Li cꞌaꞌru naxba̱nu li Ka̱cuaꞌ, aꞌan ti̱c ut cha̱bil. Ut eb li ti̱queb xchꞌo̱l nequeꞌxba̱nu li cꞌaꞌru naraj li Dios. Aꞌut li kꞌetkꞌeteb teꞌosokꞌ xban nak incꞌaꞌ nequeꞌxba̱nu li cꞌaꞌru naraj li Dios.

Malaquías 2:6

Laj Leví quixchꞌolob lix ya̱lal chiruheb li tenamit ut incꞌaꞌ quiticꞌtiꞌic. Quicuan chi sum a̱tin cuiqꞌuin ut saꞌ xcꞌabaꞌ aꞌan nabaleb queꞌxcanab xba̱nunquil li ma̱usilal.

Filipenses 4:10

Kꞌaxal nasahoꞌ saꞌ inchꞌo̱l ut ninbantioxi chiru li Ka̱cuaꞌ nak qui-ala chak saꞌ e̱chꞌo̱l intenkꞌanquil. Ninnau nak incꞌaꞌ xecanab incꞌoxlanquil. Junxil incꞌaꞌ quixqꞌue rib che̱ru intenkꞌanquil.

Gálatas 2:14

Nak quinqꞌue retal nak incꞌaꞌ yo̱queb chixba̱nunquil joꞌ naraj li evangelio, chiruheb chixjunileb laj pa̱banel quinye re laj Pedro: “Ya̱l nak la̱at aj judío chalen chak saꞌ la̱ yoꞌlajic, abanan ac junxil xacanab xba̱nunquil li cꞌaynakeb chixba̱nunquil laj judío. ¿Cꞌaꞌut nak nacamineb ru li ma̱cuaꞌeb laj judío chixba̱nunquil joꞌ nequeꞌxba̱nu laj judío?” chanquin re.

1 Corintios 13:6

Li ani narahoc incꞌaꞌ nasahoꞌ xchꞌo̱l nak eb li ras ri̱tzꞌin nequeꞌxba̱nu li incꞌaꞌ us. Nasahoꞌ ban xchꞌo̱l nak cuanqueb saꞌ xya̱lal.