2 Juan 1:12 - Li Santil hu

¹² Cuan raj chic nabal tinye e̱re, abanan incꞌaꞌ nacuaj xtzꞌi̱banquil saꞌ li hu aꞌin. La̱in nacuaj xic e̱riqꞌuin re nak toa̱tinak ut takil xsahil kachꞌo̱l chi kibil kib.

Q'eqchi Bible

¹² Wank raj naab'al tintz'iib'a eerik'in, ab'an ink'a' nawaj xtz'iib'ankil chiru hu ut rik'in b'on, nawoyb'eni b'an xik cherilb'al ut chi aatinak tz'aqal chiqib'il qib' re naq tz'aqalaq re ru li xsahil qach'ool.

2 Juan 1:12 ပူးပေါင်းရင်းမြစ်များ

San Juan 16:12

Toj cuan raj nabal chic li tinye e̱re, abanan incꞌaꞌ te̱cuy rabinquil anakcuan.

San Juan 15:11

La̱in ninye e̱re aꞌin re nak textzꞌako̱nk riqꞌuin lix sahil inchꞌo̱l la̱in. Cui te̱ba̱nu li cꞌaꞌru ninye e̱re, numtajenakak xsahil e̱chꞌo̱l la̱ex.

Números 12:8

La̱in nina̱tinac chi tzꞌakal riqꞌuin. Incꞌaꞌ nina̱tinac riqꞌuin saꞌ jaljo̱quil ru a̱tin. Ut nincꞌutbesi cuib chiru chi tzꞌakal. Cui la̱in nina̱tinac chi tzꞌakal riqꞌuin, ¿cꞌaꞌut nak incꞌaꞌ xexxucuac chixcuechꞌinquil rix laj Moisés laj cꞌanjel chicuu? chan.

1 Juan 1:4

Saꞌ li hu aꞌin nakatakla xyebal e̱re re nak chitzꞌaklok ru lix sahil e̱chꞌo̱l che̱junilex, joꞌ ajcuiꞌ lix sahil kachꞌo̱l la̱o.

Hebreos 13:19

Ut nintzꞌa̱ma ajcuiꞌ che̱ru nak chextijok chicuix. Aꞌ taxak li Dios chitenkꞌa̱nk cue re nak ta̱ru̱k tinxic cuiꞌchic chi junpa̱t che̱rilbal.

Romanos 15:24

Nincꞌoxla nak toxinnumekꞌ che̱rilbal nak tinxic España. Nacuaj rilbal e̱ru re nak ta̱sahokꞌ inchꞌo̱l ut nacuaj ajcuiꞌ nak tine̱tenkꞌa re nak ta̱ru̱k tinxic España.

San Juan 17:13

Anakcuan xic cue a̱cuiqꞌuin. Abanan yo̱quin chixyebal li cꞌaꞌak re ru aꞌin nak toj cuanquin saꞌ ruchichꞌochꞌ re nak ta̱cua̱nk xsahil xchꞌo̱leb aꞌan joꞌ li xsahil inchꞌo̱l la̱in.

San Juan 16:24

Chalen anakcuan toj ma̱cꞌaꞌ nequetzꞌa̱ma saꞌ incꞌabaꞌ. Chextzꞌa̱ma̱nk ut ta̱qꞌuehekꞌ e̱re re nak kꞌaxal cuiꞌchic ta̱sahokꞌ saꞌ e̱chꞌo̱l, chan li Jesús.

Hebreos 13:23

Nacuaj ajcuiꞌ xyebal e̱re nak li hermano Timoteo ac x-el saꞌ tzꞌalam. Cui nachal chi junpa̱t arin, cuochbenak nak toxic che̱rilbal.

Filemón 1:22

Ut nintzꞌa̱ma ajcuiꞌ cha̱cuu nak ta̱cauresi li cuochochnal. Yo̱quin chixyoꞌoninquil nak tinxic cuiꞌchic e̱riqꞌuin joꞌ yo̱quex chixtzꞌa̱manquil chiru li Dios.

2 Timoteo 1:4

Nacuaj raj rilbal cuiꞌchic a̱cuu. Jultic cue chanru nak xatya̱bac xban xrahil a̱chꞌo̱l ut nacuaj nak ta̱sahokꞌ cuiꞌchic inchꞌo̱l nak tincuil a̱cuu.

San Juan 3:29

Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

3 Juan 1:10

Nak tinxic aran toxinkꞌus ut che̱ru che̱junilex tinye li cꞌaꞌru yo̱ chixba̱nunquil. Yo̱ chixyebal cꞌaꞌak re ru chi a̱tinul chikix. Ut moco nacꞌojla ta xchꞌo̱l riqꞌuin aꞌan. Toj cuan cuiꞌchic cꞌaꞌak re ru incꞌaꞌ us naxba̱nu. Incꞌaꞌ naxcꞌuleb li herma̱n saꞌ li rochoch ut naxic chixtacchiꞌinquileb li herma̱n li nequeꞌraj raj xcꞌulbal li ulaꞌ, ut narisiheb saꞌ xya̱nkeb laj pa̱banel cui nequeꞌxcꞌul li rulaꞌeb.