2 Corintios 9:7 - Li Santil hu

⁷ Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

Q'eqchi Bible

⁷ Li junjunq chixk'ehaq jo'nimal na'alaak sa' xch'ool, ink'a' chi ka'b'rix xch'ool chi moko chi minb'ilaq ru, xb'aan naq li Yos naxra li nasihok chi sa sa' xch'ool.

2 Corintios 9:7 ပူးပေါင်းရင်းမြစ်များ

2 Corintios 8:12

Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

Éxodo 25:2

—Ye reheb laj Israel nak teꞌxxoc junak li cha̱bil mayej chokꞌ cue. Teꞌxqꞌue li joꞌ qꞌuial li na-ala saꞌ xchꞌo̱leb xqꞌuebal ut teꞌxqꞌue chi anchaleb xchꞌo̱l.

Proverbios 11:25

Li ani nacuulac chiru sihi̱nc, nabal chic ta̱qꞌuehekꞌ re. Li ani naxtenkꞌa li ras ri̱tzꞌin, ta̱tenkꞌa̱k ajcuiꞌ aꞌan.

Proverbios 22:9

Li ani natokꞌoban u ta̱osobtesi̱k xban nak tixqꞌueheb xtzacae̱mk li ma̱cꞌaꞌ cuan reheb.

Romanos 12:8

Li ani cuan xma̱tan re qꞌuehoc naꞌleb, chiqꞌuehok naꞌleb saꞌ xya̱lal. Li ani cuan xma̱tan re sihi̱nc, chisihi̱nk chi anchal xchꞌo̱l. Li ani cuan xma̱tan chi cꞌamoc be chiruheb li ras ri̱tzꞌin, chixqꞌuehak xchꞌo̱l chixba̱nunquil saꞌ xya̱lal. Li ani cuan xma̱tan re uxta̱na̱nc u, chiruxta̱nahak ru li ras ri̱tzꞌin chi anchal xchꞌo̱l.

1 Pedro 4:9

Chexqꞌuehok ochochna̱l che̱ribil e̱rib chi sa saꞌ e̱chꞌo̱l.

Éxodo 35:5

Te̱xoc jun li mayej chokꞌ re li Ka̱cuaꞌ. Te̱qꞌue chi anchal e̱chꞌo̱l li joꞌ qꞌuial na-ala saꞌ e̱chꞌo̱l xqꞌuebal. Te̱qꞌue li oro, li plata, li bronce,

Isaías 32:8

Abanan li ani cha̱bil xnaꞌleb junes xba̱nunquil li cha̱bilal naxcꞌoxla. Ut riqꞌuin xba̱nunquil li cha̱bilal ta̱qꞌuehekꞌ xlokꞌal.

Deuteronomio 15:14

Te̱qꞌue ban lix queto̱mk li te̱risi saꞌ xya̱nk le̱ re. Ut te̱qꞌue chi nabal li ru le̱ racui̱mk ut le̱ vino. Joꞌ chanru nak quexrosobtesi li Ka̱cuaꞌ, joꞌcan nak te̱qꞌue li cꞌaꞌru re.

Santiago 5:9

Ex herma̱n, me̱cuechꞌi e̱rib che̱ribil e̱rib re nak incꞌaꞌ ta̱rakekꞌ a̱tin saꞌ e̱be̱n. Li Jesucristo aꞌan laj rakol a̱tin ut chi se̱b ta̱cꞌulu̱nk cuiꞌchic.

Isaías 32:5

Incꞌaꞌ chic ta̱yehekꞌ cha̱bil reheb li incꞌaꞌ useb xnaꞌleb, chi moco ta̱qꞌuehekꞌ chic xlokꞌaleb li nequeꞌbalakꞌic.

1 Crónicas 29:9

Cꞌajoꞌ nak queꞌsahoꞌ xchꞌo̱leb li cristian xban nak chi anchaleb xchꞌo̱l queꞌxqꞌue re li Ka̱cuaꞌ li joꞌ qꞌuial qui-ala saꞌ xchꞌo̱leb.

Filemón 1:14

Abanan incꞌaꞌ nacuaj xminbal a̱cuu chixba̱nunquil li usilal aꞌin. Nacuaj ban nak ta̱ba̱nu aꞌan chi anchal a̱chꞌo̱l. Joꞌcan nak ma̱cꞌaꞌ xinba̱nu chi incꞌaꞌ ta ta̱nau la̱at.