2 Corintios 9:4 - Li Santil hu

⁴ Cui ma̱jiꞌ cauresinbil le̱ mayej nak tincuulak cuochbeneb li herma̱n aj Macedonia, te̱cꞌut inxuta̱n la̱in xban nak ac xinserakꞌi reheb nak cauresinbil le̱ mayej ut te̱cꞌut ajcuiꞌ e̱xuta̱n la̱ex.

Q'eqchi Bible

⁴ Mare anchal eb' laj Macedonia te'xik wochb'een ut toxextaweb' chi ink'a' kawresinb'ilex; chi jo'kan xutaanal tookanaaq xb'aan naq xqanima qu cherix. Yal ink'a' nawaj xyeeb'al naq laa'ex xutaanal texkanaaq.

2 Corintios 9:4 ပူးပေါင်းရင်းမြစ်များ

2 Corintios 11:17

Li cꞌaꞌru yo̱quin chixyebal anakcuan moco qꞌuebil ta cue xban li Ka̱cuaꞌ. Abanan tinye xban nak la̱ex incꞌaꞌ nequetau xya̱lal. Yo̱quin chi a̱tinac anakcuan joꞌ nequeꞌxba̱nu li cui̱nk li nequeꞌxnimobresi rib.

2 Corintios 9:2

Ninnau nak chi anchal e̱chꞌo̱l nequeraj xtenkꞌanquileb. Ut xinye e̱resilal reheb laj Macedonia. Xinye chi joꞌcaꞌin: Laj pa̱banel li cuanqueb Acaya chalen jun haber qui-ala saꞌ xchꞌo̱leb xtenkꞌanquileb li rech aj pa̱banelil, chanquin reheb. Ut xban nak la̱ex yo̱quex chixqꞌuebal e̱chꞌo̱l chi tenkꞌa̱nc eb aꞌan teꞌraj ajcuiꞌ tenkꞌa̱nc.

2 Corintios 8:24

Nak teꞌcuulak e̱riqꞌuin checꞌulakeb saꞌ xya̱lal. Checꞌut chiruheb nak nequera le̱ rech aj pa̱banelil. Chi joꞌcan yalak bar ta̱qꞌuehekꞌ retal nak ya̱l li cha̱bil esil li xinye che̱rix.

Romanos 15:26

Eb laj pa̱banel li cuanqueb aran Macedonia ut Acaya x-ala saꞌ xchꞌo̱leb xtaklanquil jun li ma̱tan chokꞌ reheb li nebaꞌ li cuanqueb saꞌ xya̱nkeb li herma̱n aran Jerusalén.

1 Corintios 16:2

Rajlal xama̱n, saꞌ li xbe̱n cutan re li xama̱n, che̱junju̱nkalex te̱qꞌue li joꞌ qꞌuial texru̱k aꞌ yal joꞌ nimal le̱ tojbal te̱cꞌul. Ut li tumin aꞌin ac xocbilak e̱ban nak tincuulak e̱riqꞌuin re nak incꞌaꞌ yo̱kex chi xococ tumin nak tincuulak la̱in.

Filemón 1:19

La̱in laj Pablo. Ut riqꞌuin cuukꞌ yo̱quin chixtzꞌi̱banquil li a̱tin aꞌin. La̱in tintojok re cha̱cuu. Ut la̱in naru raj tinye a̱cue nak kꞌaxal cuiꞌchic cuan la̱ cꞌas chicuu. La̱at cuan la̱ yuꞌam chi junelic xban nak la̱in xinchꞌolob xya̱lal cha̱cuu.