2 Corintios 9:2 - Li Santil hu

² Ninnau nak chi anchal e̱chꞌo̱l nequeraj xtenkꞌanquileb. Ut xinye e̱resilal reheb laj Macedonia. Xinye chi joꞌcaꞌin: Laj pa̱banel li cuanqueb Acaya chalen jun haber qui-ala saꞌ xchꞌo̱leb xtenkꞌanquileb li rech aj pa̱banelil, chanquin reheb. Ut xban nak la̱ex yo̱quex chixqꞌuebal e̱chꞌo̱l chi tenkꞌa̱nc eb aꞌan teꞌraj ajcuiꞌ tenkꞌa̱nc.

Q'eqchi Bible

² xb'aan naq ak ninnaw naq chi anchal eech'ool nekeraj xtenq'ankileb'. A'an a'in li ninnima wi' wib' chiruheb' laj Macedonia. Xinye reheb' naq ak laa'ex aj Akaya chalen junhab'er ak kawresinb'ilex chi xtenq'ankileb' laj santil paab'anel. Ut naab'aleb' aj Macedonia xe'eek'asiik xch'ool xb'aan leerahom.

2 Corintios 9:2 ပူးပေါင်းရင်းမြစ်များ

2 Corintios 8:10

Nacuaj xyebal e̱re cꞌaꞌru nincꞌoxla chirix le̱ mayej. Us cui te̱choy xba̱nunquil li xetiquib jun haber. La̱ex li xbe̱n li queye nak textenkꞌa̱nk. Ut la̱ex ajcuiꞌ li xbe̱n li quetiquib xba̱nunquil.

2 Corintios 8:8

La̱in incꞌaꞌ yo̱quin xminbal e̱ru. Yo̱quin ban chixyebal e̱re chanru nak eb laj Macedonia nequeꞌxqꞌue xmayej chi anchaleb xchꞌo̱l ut nacuaj ajcuiꞌ xnaubal ma chi anchal e̱chꞌo̱l nequexrahoc la̱ex.

2 Corintios 8:24

Nak teꞌcuulak e̱riqꞌuin checꞌulakeb saꞌ xya̱lal. Checꞌut chiruheb nak nequera le̱ rech aj pa̱banelil. Chi joꞌcan yalak bar ta̱qꞌuehekꞌ retal nak ya̱l li cha̱bil esil li xinye che̱rix.

Hebreos 10:24

Chikasicꞌ chanru takatenkꞌa kib re nak takara kib ut chikaba̱nu usilal chi kibil kib.

1 Corintios 16:15

Ex inherma̱n, la̱ex ac nequenau nak laj Estéfanas ut li rixakil joꞌqueb ajcuiꞌ li ralal xcꞌajol, aꞌaneb li xbe̱n queꞌpa̱ban aran Acaya. Eb aꞌan queꞌxqꞌue xchꞌo̱l chi cꞌanjelac chiruheb li rech aj pa̱banelil.

1 Ts 1:7

Joꞌcan nak la̱ex chic aj cꞌamol be chiruheb chixjunileb laj pa̱banel li cuanqueb saꞌ li naꞌajej Macedonia ut Acaya.

2 Corintios 8:19

Aꞌan li quixakaba̱c xbaneb laj pa̱banel re ta̱xic chikix nak toxic chixcanabanquil li ma̱tan aꞌin. Li ma̱tan aꞌin, aꞌan re xqꞌuebal xlokꞌal li Ka̱cuaꞌ ut re nak teꞌxnau li kech aj pa̱banelil nak nakaj xtenkꞌanquileb.

2 Corintios 7:4

Cau inchꞌo̱l e̱riqꞌuin ut nasahoꞌ inchꞌo̱l xyebal e̱resilal. Cꞌojcꞌo inchꞌo̱l e̱ban. Usta yo̱quin chixcꞌulbal li raylal, abanan kꞌaxal sa saꞌ inchꞌo̱l.

2 Corintios 1:1

La̱in laj Pablo. Sicꞌbil cuu xban li Dios chokꞌ x-apóstol li Jesucristo xban nak joꞌcan quiraj li Dios. Cuochben laj Timoteo li kech aj pa̱banelil. Yo̱quin chixtzꞌi̱banquil li hu aꞌin e̱riqꞌuin la̱ex aj pa̱banel li cuanquex saꞌ li tenamit Corinto ut reheb ajcuiꞌ chixjunileb laj pa̱banel li cuanqueb saꞌ chixjunil li naꞌajej Acaya.

Hechos 18:12

Nak laj Galión cua̱nk chi takla̱nc aran Acaya, eb laj judío queꞌxcꞌu̱b ru chi ribileb rib nak teꞌxchap laj Pablo. Queꞌxchap ut queꞌxcꞌam saꞌ po̱pol re nak ta̱rakekꞌ a̱tin saꞌ xbe̱n.

Hechos 24:17

Qꞌuila chihab ma̱ anihin saꞌ lin tenamit Jerusalén. Joꞌcan nak xinsukꞌi chi mayejac chiru li Dios ut re xqꞌuebal caꞌchꞌinak lix tenkꞌanquileb li nebaꞌ li cuanqueb aran.

Romanos 15:26

Eb laj pa̱banel li cuanqueb aran Macedonia ut Acaya x-ala saꞌ xchꞌo̱leb xtaklanquil jun li ma̱tan chokꞌ reheb li nebaꞌ li cuanqueb saꞌ xya̱nkeb li herma̱n aran Jerusalén.

2 Corintios 7:14

Nequenau nak junelic ninye e̱re lix ya̱lal. Ut incꞌaꞌ xincꞌut inxuta̱n nak xinye re laj Tito nak la̱ex cha̱bilex xban nak x-el ajcuiꞌ chi ya̱l li cꞌaꞌru xinye re laj Tito nak xecꞌut le̱ cha̱bilal chiru.

2 Corintios 8:11

Joꞌcan nak us cui te̱choy xba̱nunquil li xetiquib junxil. Chi anchal e̱chꞌo̱l xetiquib tenkꞌa̱nc. Anakcuan te̱qꞌue li joꞌ nimal joꞌ chꞌinal naxqꞌue rib che̱ru.