2 Corintios 9:10 - Li Santil hu

¹⁰ Li Dios junelic naxqꞌue li iyaj re laj acuinel ut naxqꞌue li kacua. Ut aꞌan tixqꞌue ajcuiꞌ li cꞌaꞌru ta̱cꞌanjelak ke. Ut tixqꞌue re̱kaj ut tixtambresi aꞌ yal chanru nocosihin.

Q'eqchi Bible

¹⁰ Li nak'ehok iyaj re laj awinel jo'wi' li wa re tzekaak, tixk'e ajwi' eeriyaj ut tixtamb'resi; tixk'ihob'resi li naruuchin li xchaab'ilal leech'ool.

2 Corintios 9:10 ပူးပေါင်းရင်းမြစ်များ

Isaías 55:10

Li hab ut li ratzꞌam que nachal chak saꞌ choxa ut naxtꞌakresi li chꞌochꞌ. Incꞌaꞌ nacana yal chi joꞌcan. Naxqꞌue ban chi qꞌui̱c li acui̱mk toj retal nau̱chin ut nacuan iyaj re a̱uc ut nacuan ajcuiꞌ re tzacae̱mk.

2 Corintios 9:6

Cheqꞌuehak retal li naꞌleb aꞌin: li ani caꞌchꞌin narau, caꞌchꞌin ajcuiꞌ li tixkꞌol. Ut li ani nabal narau, nabal ajcuiꞌ tixkꞌol.

Oseas 10:12

La̱in xinye e̱re: —Li cꞌaꞌru te̱rau, aꞌan ajcuiꞌ li te̱kꞌol. Sicꞌomak li ti̱quilal ut texcuosobtesi xban nak niquine̱lokꞌoni. Chanchan nak te̱trabaji li chꞌochꞌ ut tex-a̱uk ut cha̱bil li cꞌaꞌru te̱kꞌol. Anakcuan xcuulac xkꞌehil nak texsukꞌi̱k cuiqꞌuin, ut la̱in texincꞌul cuiꞌchic ut tinqꞌue xti̱quilal e̱chꞌo̱l.

Eclesiastés 11:6

Nak tat-a̱uk, ta̱cuau la̱ cuiyaj ekꞌela ut ta̱cuau cuiꞌchic ecuu xban nak incꞌaꞌ nacanau bar cuan li ta̱e̱lk chi us, ma li ta̱cuau xbe̱n cua, malaj ut li ta̱cuau mokon, malaj ut juntakꞌe̱t ta̱e̱lk.

Filipenses 4:17

Incꞌaꞌ yo̱quin xtzꞌa̱manquil intenkꞌanquil e̱re. Li nacuaj la̱in, aꞌan aꞌin: nak te̱cꞌul le̱ kꞌajca̱munquil li tixqꞌue e̱re li Dios xban nak nequextenkꞌan.

Proverbios 11:18

Li ma̱tan li nequeꞌxcꞌul li incꞌaꞌ useb xnaꞌleb nalaj na-osoꞌ. Abanan li ma̱tan li nequeꞌxcꞌul li cuanqueb saꞌ ti̱quilal, aꞌan ma̱cꞌaꞌ rosoꞌjic.

1 Ts 3:12

Aꞌ taxak li Ka̱cuaꞌ chitenkꞌa̱nk e̱re re nak te̱ra e̱rib che̱ribil e̱rib ut chi anchal e̱chꞌo̱l cherahak taxak le̱ ras e̱ri̱tzꞌin joꞌ nak nequexkara la̱ex.

San Mateo 6:1

Cheqꞌuehak retal cꞌaꞌru nequeba̱nu. Cui la̱ex te̱ba̱nu li usilal yal re nak tex-ilekꞌ joꞌ nequeꞌxba̱nu eb laj fariseo, ma̱cꞌaꞌak le̱ kꞌajca̱munquil riqꞌuin le̱ Yucuaꞌ cuan saꞌ choxa.

Filipenses 1:11

Ut riqꞌuin li cha̱bilal li qꞌuebil e̱re xban li Jesucristo, nequeqꞌue xlokꞌal li Dios.

Génesis 47:19

Incꞌaꞌ naru toca̱mk cha̱cuu. Anakcuan la̱o ma̱cꞌaꞌ chic naru nakaba̱nu. Us raj toa̱lokꞌ chokꞌ a̱mo̱s ut ta̱lokꞌ ajcuiꞌ li kachꞌochꞌ re nak ta̱qꞌue bayak katzacae̱mk. Ut la̱o joꞌ ajcuiꞌ li kachꞌochꞌ aꞌan ta̱cꞌanjelak chokꞌ xtzꞌak li katzacae̱mk. La̱o chic xlokꞌbil mo̱s laj faraón. Ut ta̱qꞌue li kiyaj re nak toa̱uk ut riqꞌuin aꞌan incꞌaꞌ toca̱mk, chanqueb re laj José.

Efesios 5:9

Li ani quicutanobresi̱c lix chꞌo̱l xban li Dios naxnau lix ya̱lal ut nacuan saꞌ cha̱bilal ut saꞌ ti̱quilal.

1 Ts 4:10

Us yo̱quex nak nequeraheb chixjunileb li cuanqueb Macedonia. Abanan nintzꞌa̱ma che̱ru, ex herma̱n, nak kꞌaxal cuiꞌchic cheba̱nu chi joꞌcan.

2 Corintios 9:12

Ma̱cuaꞌ caꞌaj cuiꞌ xtenkꞌanquileb li herma̱n yo̱quex nak nequeba̱nu li usilal aꞌin. Yo̱quex ban ajcuiꞌ xqꞌuebal xlokꞌal li Dios xban nak eb li herma̱n nequeꞌbantioxin chiru li Dios e̱ban la̱ex.

Gálatas 3:5

Li Dios naxqꞌue li Santil Musikꞌej ut naxba̱nu li milagros e̱riqꞌuin. Nacuaj tinpatzꞌ e̱re aꞌin: ¿ma naxba̱nu aꞌan xban nak nequepa̱b li chakꞌrab malaj ut xban nak xepa̱b li Cristo li quiyeheꞌ resil e̱re?