2 Corintios 8:9 - Li Santil hu

⁹ La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

Q'eqchi Bible

⁹ Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

2 Corintios 8:9 ပူးပေါင်းရင်းမြစ်များ

Romanos 8:32

Usta li Acuabej Dios kꞌaxal raro li Ralal xban, incꞌaꞌ quixcol chiru li ca̱mc. Quixkꞌaxtesi ban chi ca̱mc saꞌ kacꞌabaꞌ la̱o. Cui quixqꞌue li Ralal re ca̱mc, ¿ma incꞌaꞌ ta biꞌ tixqꞌue ke chixjunil li cꞌaꞌak re ru quixyechiꞌi ke?

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

Romanos 5:8

Aꞌut li Dios naxcꞌutbesi chiku nak kꞌaxal nocoxra xban nak toj aj ma̱co chak nak quicam li Cristo saꞌ kacꞌabaꞌ.

2 Corintios 6:10

Kꞌaxal ra cuanco, abanan junelic sa saꞌ kachꞌo̱l. Nebaꞌo, abanan nabal nequeꞌxcꞌul xbiomal nak nakachꞌolob chiruheb lix ya̱lal. Ma̱cꞌaꞌ cuan ke arin saꞌ ruchichꞌochꞌ, abanan nakanau nak biomo xban nak cuan li rusilal li Dios kiqꞌuin.

Efesios 2:7

Chixjunil li usilal aꞌin quilajxba̱nu ke saꞌ xcꞌabaꞌ li Jesucristo re nak ta̱cꞌutu̱nk chi junelic kꞌe cutan nak kꞌaxal nim li ruxta̱n.

San Juan 1:14

Li Jesucristo quitzꞌejcualoꞌ ut tzꞌakal cui̱nk nak quicuan arin saꞌ kaya̱nk. Cꞌajoꞌ li rusilal ut aꞌan naxcꞌut lix ya̱lal. Aꞌan li Ralal li Dios li junaj chi ribil ut la̱o xkil lix lokꞌal.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

Efesios 3:8

La̱in li kꞌaxal cubenak incuanquil saꞌ xya̱nkeb chixjunileb li ralal xcꞌajol li Dios. Abanan yal xban lix nimal ruxta̱n li Dios quixqꞌue cue li cꞌanjel aꞌin re xchꞌolobanquil che̱ru lix ya̱lal chirix lix nimal ruxta̱n li Cristo ut li lokꞌlaj colba-ib saꞌ xcꞌabaꞌ aꞌan.

1 Timoteo 6:18

Chaye reheb nak cheꞌxba̱nu li us. Chinumta̱k lix cha̱bilaleb. Cheꞌxnauhak sihi̱nc chi nabal ut chi anchaleb xchꞌo̱l.

2 Corintios 13:14

Chicua̱nk taxak e̱riqꞌuin li rusilal li Ka̱cuaꞌ Jesucristo, ut chicua̱nk taxak e̱riqꞌuin li rahoc ib li naxqꞌue li Ka̱cuaꞌ Dios, ut aꞌ taxak li Santil Musikꞌej chicua̱nk e̱riqꞌuin. Joꞌcan taxak.

San Lucas 16:11

Cui la̱ex incꞌaꞌ nequenau xra̱bal li biomal saꞌ ruchichꞌochꞌ, ¿chan ta cuiꞌ ru nak tixcꞌojob xchꞌo̱l li Dios chixqꞌuebal e̱re li tzꞌakal biomal?

Hebreos 1:2

Aban anakcuan ma̱cuaꞌeb chic li profeta nequeꞌyehoc re li ra̱tin li Dios. Aꞌ chic li Dios Cꞌajolbej. Saꞌ xcꞌabaꞌ aꞌan, li Dios quixyi̱b li ruchichꞌochꞌ ut chixjunil li cꞌaꞌak re ru cuan. Chixjunil li quixyi̱b quicana saꞌ rukꞌ li Dios Cꞌajolbej.

San Lucas 9:58

Li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc. Abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinhila̱nk cuiꞌ.—

Apocalipsis 3:18

Joꞌcan nak ninye e̱re: Lokꞌomak e̱-oro cuiqꞌuin li ac numsinbil saꞌ xam ut isinbil xtzꞌajnil. Lokꞌomak le̱ saki tꞌicr cuiqꞌuin re te̱tikib e̱rib ut incꞌaꞌ te̱cꞌut e̱xuta̱n nak tꞌustꞌu̱quex. Lokꞌomak xbanol li xnakꞌ e̱ru cuiqꞌuin re nak tex-ilok.

Efesios 3:19

Ma̱ jokꞌe ta̱ru̱k takatau ru chi tzꞌakal lix rahom xban nak ma̱cꞌaꞌ rosoꞌjic ut kꞌaxal lokꞌ. Nintzꞌa̱ma chiru li Dios nak tixcꞌut che̱ru nak cꞌajoꞌ nequexra li Cristo, ut chinujak taxak le̱ chꞌo̱l riqꞌuin xnimajcual xcuanquil.

1 Corintios 1:4

Junelic ninbantioxi chiru li Dios nak nintijoc che̱rix la̱ex ut ninbantioxi ajcuiꞌ chiru li Dios nak xema̱tani li rusilal li Dios saꞌ xcꞌabaꞌ li Jesucristo.

San Lucas 2:7

Ut quiyoꞌla li xbe̱n xcꞌulaꞌal, quixlan saꞌ tꞌicr ut quixyocob saꞌ xnaꞌaj xcuaheb li cuacax xban nak ma̱cꞌaꞌ xnaꞌajeb saꞌ eb li ochoch.

Isaías 53:2

Li Ka̱cuaꞌ quiraj nak laj cꞌanjel chiru ta̱qꞌui̱k joꞌ jun xtux cheꞌ li cuan xxeꞌ saꞌ li chaki chꞌochꞌ. Moco chꞌinaꞌus ta na-iloc chi moco xchakꞌal ta ru. Takil ru abanan ma̱cꞌaꞌ takaj re.

San Juan 16:15

Chixjunil li cꞌaꞌru cuan re lin Yucuaꞌ, cue ajcuiꞌ la̱in. Joꞌcan nak xinye e̱re nak li cꞌaꞌru tinye e̱re, aꞌan ajcuiꞌ li tixcꞌutbesi che̱ru li Santil Musikꞌej.

San Juan 1:17

Li Dios quixqꞌue li chakꞌrab re laj Moisés re nak tixcꞌut chiku. Aban lix ya̱lal chirix li Dios ut li rusilal quixcꞌutbesi chiku li Jesucristo.

San Juan 1:10

Li Cristo quicuan saꞌ ruchichꞌochꞌ. Abanan li cuanqueb saꞌ ruchichꞌochꞌ incꞌaꞌ queꞌxqꞌue retal chi tzꞌakal nak aꞌan li Cristo usta saꞌ xcꞌabaꞌ aꞌan quiyi̱ba̱c li ruchichꞌochꞌ.

San Mateo 8:20

Ut li Jesús quichakꞌoc ut quixye re: —Cꞌoxla chi us ma ta̱cuy inta̱kenquil. Li yac cuanqueb xjul saꞌ pec, ut li xul li nequeꞌrupupic chiru choxa cuanqueb xsoc, abanan la̱in li Cꞌajolbej ma̱cꞌaꞌ innaꞌaj bar ta̱ru̱k tinyocob cuiꞌ cuib, chan.

Apocalipsis 21:7

Li ani tixcuy xnumsinquil li raylal ut incꞌaꞌ ta̱chꞌina̱nk xchꞌo̱l saꞌ lix pa̱ba̱l, aꞌan ta̱re̱chani chixjunil li cꞌaꞌak re ru aꞌin. La̱inak lix Dios ut aꞌanak li cualal incꞌajol.

1 Corintios 15:47

Nak quiyoꞌobtesi̱c laj Adán xban li Dios, chꞌochꞌ qui-oc. Abanan li Jesucristo moco yoꞌobtesinbil ta. Aꞌan musikꞌej ut saꞌ choxa quichal chak.

Romanos 11:12

Xban nak queꞌxkꞌet li ra̱tin li Dios eb laj judío, li rusilal li Dios quiqꞌueheꞌ reheb chixjunileb li cuanqueb saꞌ ruchichꞌochꞌ. Reheb raj laj judío li osobtesi̱c, aban queꞌxtzꞌekta̱na. Joꞌcan nak quiqꞌueheꞌ reheb li ma̱cuaꞌeb aj judío. Ut kꞌaxal cuiꞌchic li sahil chꞌo̱lejil takacꞌul nak teꞌpa̱ba̱nk lix qꞌuialeb laj judío ut teꞌqꞌuehekꞌ saꞌ ajl saꞌ kaya̱nk la̱o li ac colbilo.

San Juan 17:19

Saꞌ xcꞌabaꞌ eb aꞌan xinkꞌaxtesi cuib la̱in chixba̱nunquil li cꞌaꞌru xaye cue. Ut saꞌ xcꞌabaꞌ li ya̱l li xinye eb aꞌan teꞌxkꞌaxtesi ajcuiꞌ ribeb chixba̱nunquil li cꞌaꞌru nacacuaj.

San Juan 12:30

Ut li Jesús quixye reheb: —Moco re ta intenkꞌanquil la̱in nak x-a̱tinac li Dios. Re ban e̱tenkꞌanquil la̱ex.

San Marcos 6:3

—¿Ma ma̱cuaꞌ ta biꞌ aꞌin laj pechꞌ? Ut, ¿ma ma̱cuaꞌ ta biꞌ lix María lix naꞌ? ¿Ma ma̱cuaꞌ ta biꞌ laj Jacobo li ri̱tzꞌin ut laj José, laj Judas ut laj Simón? ¿Ma ma̱cuaꞌ ta biꞌ aꞌin eb li ri̱tzꞌin li cuanqueb saꞌ kaya̱nk? chanqueb. Ut queꞌchal xjoskꞌil saꞌ xbe̱n.

San Mateo 17:27

Usta incꞌaꞌ raj tento tintoj la̱in, abanan re nak meꞌxpoꞌ xchꞌo̱leb kaban, la̱in tintoj. Ayu saꞌ a̱nil ut cut la̱ chapleb car saꞌ li palau. Ut li xbe̱n li car li ta̱chap chak, ta̱te lix tzꞌu̱mal re. Aran ta̱tau jun li tumin. Ta̱cꞌam ut riqꞌuin aꞌan ta̱toj li cue ut ta̱toj ajcuiꞌ la̱ cue, chan.

Isaías 65:8

Joꞌcaꞌin naxye li Ka̱cuaꞌ Dios: —La̱in incꞌaꞌ tinsach ruheb chixjunileb lin tenamit. Toj cuan ban li tebincol, joꞌ nak nasiqꞌueꞌ ru li uvas. Incꞌaꞌ natzꞌekman chixjunil xban nak cuan li toj cha̱bil saꞌ xya̱nkeb.

Isaías 62:1

Xban nak ninra li tenamit Sión, joꞌcan nak la̱in tinchꞌolob lix ya̱lal. Xban nak ninra li tenamit Jerusalén incꞌaꞌ tincanab xchꞌolobanquil lix ya̱lal chiruheb toj retal ta̱cꞌutu̱nk lix ti̱quilaleb. Ut ta̱cꞌutu̱nk nak colbileb chic. Chanchanak jun li xam lochlo̱k.

Colosenses 1:24

La̱in nasahoꞌ saꞌ inchꞌo̱l nak yo̱quin chixcꞌulbal li raylal saꞌ e̱cꞌabaꞌ. Li Cristo quixye nak teꞌxcꞌul li raylal li ralal xcꞌajol. Joꞌcan nak nasahoꞌ saꞌ inchꞌo̱l nak yo̱quin chi tzꞌako̱nc riqꞌuin li raylal joꞌ quixcꞌul li Cristo saꞌ xcꞌabaꞌeb chixjunileb li nequeꞌpa̱ban re.

San Lucas 8:3

Cuan lix Susana saꞌ xya̱nkeb. Ut cuan ajcuiꞌ lix Juana li rixakil laj Chuza li quicuan chokꞌ merto̱m riqꞌuin laj Herodes. Ut cuanqueb ajcuiꞌ nabaleb chic li ixk rochbeneb. Aꞌan eb li nequeꞌtenkꞌan reheb riqꞌuin li cꞌaꞌruheb re.

Romanos 15:3

Li Cristo incꞌaꞌ quixba̱nu li quiraj xjunes rib. Quixba̱nu ban li naraj li Dios. Quixtenkꞌaheb chixjunileb. Joꞌcan nak quixcꞌul joꞌ tzꞌi̱banbil saꞌ li Santil Hu: Saꞌ inbe̱n quinak la̱ majecuanquil li queꞌxba̱nu eb li queꞌhoboc a̱cue. (Sal. 69:9)

Apocalipsis 2:9

La̱in ninnau chanru cuanquex. Ninnau chixjunil li raylal nequecꞌul. Ninnau nak nebaꞌex. Abanan cuan e̱biomal riqꞌuin li Dios. Ninnau nak nequexmajecua̱c xbaneb li nequeꞌxye nak tzꞌakaleb aj judío, abanan incꞌaꞌ nequeꞌcꞌanjelac chiru li Dios. Aj cꞌanjeleb ban chiru laj tza.