2 Corintios 8:7 - Li Santil hu

⁷ La̱ex cau e̱chꞌo̱l saꞌ le̱ pa̱ba̱l. Nequenau lix ya̱lal ut nequenau xchꞌolobanquil li ya̱l. Nequeqꞌue e̱chꞌo̱l chi cꞌanjelac joꞌ naraj li Dios, ut nocoe̱ra. Joꞌcan nak nakatzꞌa̱ma che̱ru nak cheqꞌue le̱ mayej chi anchal e̱chꞌo̱l.

Q'eqchi Bible

⁷ Laa'ex xo'numtaaq eerik'in chixjunil: leepaab'aal, leeraatin, leek'a'uxl, chixjunil li chaab'ilal jo'wi' li rahok li xqak'ut cheru. Jo'kan naq chinumtaaq ajwi' li chaab'il k'anjel a'in eerik'in.

2 Corintios 8:7 ပူးပေါင်းရင်းမြစ်များ

2 Ts 1:3

Ex inherma̱n, incꞌaꞌ nakacanab xbantioxinquil chiru li Dios saꞌ e̱cꞌabaꞌ la̱ex. Tento takabantioxi chiru li Dios xban nak yo̱ chi cacuu̱c e̱chꞌo̱l saꞌ le̱ pa̱ba̱l ut kꞌaxal cuiꞌchic nequera e̱rib che̱ribil e̱rib.

2 Corintios 9:8

Nim xcuanquil li Dios. Ut aꞌan tixqꞌue e̱re chixjunil re nak junelic ta̱tzꞌaklok e̱re li cꞌaꞌak re ru nacꞌanjelac e̱re ut re ajcuiꞌ nak ta̱ru̱k textenkꞌa̱nk riqꞌuin chixjunil li cha̱bil cꞌanjel.

Filipenses 1:9

Ut li nintzꞌa̱ma chiru li Dios nak nintijoc che̱rix, aꞌan aꞌin: nak kꞌaxal cuiꞌchic cherahak e̱rib chi ribil e̱rib. Ut chinumta̱k taxak li rahoc ut chiqꞌuehekꞌ taxak e̱naꞌleb re xtaubal bar cuan li tzꞌakal ya̱l.

2 Corintios 8:6

Joꞌcan nak xkatzꞌa̱ma chiru laj Tito nak ta̱xic cuiꞌchic e̱riqꞌuin re nak textenkꞌa xchoybal li cꞌanjel xetiquib xban xcha̱bilal e̱chꞌo̱l. Aꞌan ajcuiꞌ li quitiquiban re xxocbal li mayej aꞌin.

1 Corintios 13:2

Ut cui ta qꞌuebil inma̱tan xban li Dios chixyebal li naxcꞌut chicuu, ut cui ta ninnau chixjunil li cꞌaꞌak re ru ut cui ta nintau ru lix ya̱lal, abanan cui incꞌaꞌ ninraheb li cuas cui̱tzꞌin ma̱cꞌaꞌ nin-oc cuiꞌ. Ut cui ta cuan tzꞌakal inpa̱ba̱l re nak ta̱jalekꞌ xnaꞌaj junak li tzu̱l, abanan cui incꞌaꞌ ninraheb li cuas cui̱tzꞌin, ma̱cꞌaꞌ nin-oc cuiꞌ.

1 Corintios 4:7

¿Ma jalanex ta biꞌ la̱ex chiruheb li jun chꞌol chic nak nequerecꞌa e̱rib? ¿Ma ma̱cuaꞌ ta biꞌ li Dios quiqꞌuehoc e̱re li cꞌaꞌru cuan e̱re? ¿Cꞌaꞌut nak nequenimobresi e̱rib chixyebal nak cuan cꞌaꞌru e̱re? Incꞌaꞌ naru te̱nimobresi e̱rib xban nak yal xema̱tani li cꞌaꞌru cuan e̱re riqꞌuin li Dios.

1 Corintios 1:5

Xban nak junajex chic riqꞌuin li Cristo, xema̱tani li rusilal li Dios. Cha̱bil chic nequex-a̱tinac ut cha̱bil chic le̱ naꞌleb xban nak nequenau chic lix ya̱lal.

1 Corintios 13:8

Li rahoc ta̱cua̱nk chi junelic. Ta̱cuulak xkꞌehil nak incꞌaꞌ chic ta̱cꞌanjelak li ma̱tan re cua̱nc chi profetil ut ta̱cuulak xkꞌehil nak incꞌaꞌ chic ta̱cꞌanjelak li ma̱tan re a̱tinac saꞌ jalanil a̱tin. Ut ta̱cuulak xkꞌehil nak incꞌaꞌ chic ta̱cꞌanjelak li ma̱tan re xtaubal ru chixjunil. Abanan li rahoc incꞌaꞌ nalaj, incꞌaꞌ na-osoꞌ. Cua̱nk ban chi junelic.

1 Corintios 12:13

Chikajunilo junajo riqꞌuin li Cristo usta aj judío, usta ma̱cuaꞌ aj judío, usta lokꞌbil mo̱s, usta incꞌaꞌ. Xkacꞌul li cubi haꞌ saꞌ xcꞌabaꞌ li jun chi Santil Musikꞌej ut chikajunilo cuan li Santil Musikꞌej kiqꞌuin. Joꞌcan nak junajo riqꞌuin li Cristo.

2 Pedro 3:18

Aꞌ taxak li rusilal li Ka̱cuaꞌ chicꞌutu̱nk saꞌ le̱ yuꞌam ut chesicꞌ chanru nak te̱nau lix ya̱lal li Ka̱cuaꞌ Jesucristo laj Colol ke. Aꞌ taxak li Ka̱cuaꞌ Jesucristo chilokꞌoni̱k anakcuan ut chi junelic toj saꞌ rosoꞌjiqueb li cutan. Joꞌcan taxak.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

2 Timoteo 2:1

Aꞌut anakcuan, at Timoteo, cauhak a̱chꞌo̱l riqꞌuin li usilal qꞌuebil ke xban nak reho chic li Cristo Jesús.

Efesios 4:29

Mex-a̱tinac yibru aj a̱tin. Riqꞌuin ban cha̱bil a̱tin tex-a̱tinak re nak teꞌxqꞌue retal li ani yo̱quex cuiꞌ chi a̱tinac ut te̱tenkꞌaheb.

2 Corintios 9:14

Teꞌxqꞌue retal nak lix nimal rusilal li Dios cuan e̱riqꞌuin. Joꞌcan nak la̱ex raro̱quex xbaneb li herma̱n ut teꞌtijok che̱rix.

2 Corintios 7:7

Moco caꞌaj cuiꞌ ta riqꞌuin xcꞌulunic laj Tito nak quisahoꞌ inchꞌo̱l. Riqꞌuin ban ajcuiꞌ rabinquil nak laj Tito sa saꞌ xchꞌo̱l e̱riqꞌuin. Quixserakꞌi ke nak la̱ex te̱raj rilbal cuu ut quixye cue nak xyotꞌeꞌ e̱chꞌo̱l nak xrahoꞌ inchꞌo̱l e̱ban. Ut quixye ajcuiꞌ cue nak niquine̱cꞌoxla. Kꞌaxal cuiꞌchic quisahoꞌ inchꞌo̱l chirabinquil aꞌan.

1 Corintios 14:12

La̱ex nequeraj xcꞌulbal li ma̱tan naxqꞌue li Santil Musikꞌej. Abanan la̱in ninye e̱re chesicꞌak li ma̱tan li natenkꞌan reheb chixjunileb laj pa̱banel.

Romanos 15:14

Ex herma̱n, la̱in ninnau nak cha̱bilex ut nequenau lix ya̱lal ut nequeqꞌue ajcuiꞌ e̱naꞌleb chi ribil e̱rib.

Apocalipsis 3:17

La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

Hebreos 12:28

Chikabantioxi chiru nak tocua̱nk riqꞌuin li Dios chi junelic saꞌ lix nimajcual cuanquilal. Aꞌan ma̱ jaruj ta̱osokꞌ. Cua̱nk ban chi junelic. Takalokꞌoni li Dios chi anchal kachꞌo̱l xban nak caꞌaj cuiꞌ aꞌan xcꞌulub lokꞌoni̱c. Kaqꞌuehak kachꞌo̱l chixba̱nunquil li cꞌaꞌru naraj aꞌan ut takaxucua ru.

Filipenses 1:11

Ut riqꞌuin li cha̱bilal li qꞌuebil e̱re xban li Jesucristo, nequeqꞌue xlokꞌal li Dios.

1 Corintios 12:8

Cuan li qꞌuebileb xma̱tan xban li Santil Musikꞌej re qꞌuehoc cha̱bil naꞌleb ut cuan li qꞌuebileb xma̱tan xban li Santil Musikꞌej re xchꞌolobanquil li ya̱l. Abanan jun ajcuiꞌ li Santil Musikꞌej li naqꞌuehoc re xma̱tan li junju̱nk.

San Mateo 25:22

Ut li mo̱s li quicꞌuluc re li cuib mil pe̱s quicuulac ut quixye: “Ka̱cuaꞌ, caqꞌue cue cuib mil pe̱s ut cuib mil pe̱s chic xcue̱chani chak saꞌ xbe̱n,” chan.