2 Corintios 8:4 - Li Santil hu

⁴ Qui-ala saꞌ xchꞌo̱leb tenkꞌa̱nc. Ut queꞌxye ke nak chi anchaleb xchꞌo̱l queꞌraj xtenkꞌanquileb li rech aj pa̱banelil li cuanqueb Jerusalén.

Q'eqchi Bible

⁴ xe'xtz'aama ut xe'relaji chiqu li usilal a'in, li okenk chi k'anjelak chirixeb' laj santil paab'anel.

2 Corintios 8:4 ပူးပေါင်းရင်းမြစ်များ

Hechos 24:17

Qꞌuila chihab ma̱ anihin saꞌ lin tenamit Jerusalén. Joꞌcan nak xinsukꞌi chi mayejac chiru li Dios ut re xqꞌuebal caꞌchꞌinak lix tenkꞌanquileb li nebaꞌ li cuanqueb aran.

Gálatas 6:10

Joꞌcan ut chikaba̱nuhak usilal reheb chixjunileb li kas ki̱tzꞌin nak toj naru xba̱nunquil, ut kꞌaxal cuiꞌchic takaba̱nu reheb li kech aj pa̱banelil.

2 Corintios 9:1

Incꞌaꞌ tento tintzꞌi̱bak e̱riqꞌuin chirix li ma̱tan li te̱takla riqꞌuineb laj pa̱banel aran Jerusalén.

Hebreos 6:10

Li Dios ti̱c xchꞌo̱l. Naxnau chanru le̱ cꞌanjel. Li Dios naxnau nak nequera aꞌan. Nacꞌutun ajcuiꞌ nak nequera li Dios xban nak xetenkꞌa le̱ rech aj pa̱banel junxil ut toj yo̱quex ajcuiꞌ chixtenkꞌanquileb anakcuan. Incꞌaꞌ nasach saꞌ xchꞌo̱l li Dios le̱ cꞌanjel li nequeba̱nu.

1 Corintios 16:15

Ex inherma̱n, la̱ex ac nequenau nak laj Estéfanas ut li rixakil joꞌqueb ajcuiꞌ li ralal xcꞌajol, aꞌaneb li xbe̱n queꞌpa̱ban aran Acaya. Eb aꞌan queꞌxqꞌue xchꞌo̱l chi cꞌanjelac chiruheb li rech aj pa̱banelil.

Gálatas 2:10

Caꞌaj cuiꞌ li queꞌxtzꞌa̱ma chiku nak cheꞌjulticokꞌ ke eb li nebaꞌ li cuanqueb Jerusalén, ut aꞌan li ninqꞌue inchꞌo̱l chixba̱nunquil.

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

1 Corintios 16:1

Anakcuan nacuaj xyebal e̱re chanru te̱ba̱nu riqꞌuin li tumin li yo̱quex chixxocbal re xtenkꞌanquileb le̱ rech aj pa̱banelil li cuanqueb aran Jerusalén. Joꞌ xinye reheb laj pa̱banel aran Galacia, joꞌcan ajcuiꞌ tinye e̱re la̱ex.

Romanos 15:31

Chextijok chicuix re nak li Dios ta̱colok cue chiruheb li incꞌaꞌ nequeꞌraj pa̱ba̱nc aran Judea. Ut chextijok ajcuiꞌ re nak eb laj pa̱banel aran Jerusalén teꞌxcꞌul lix tenkꞌanquileb chi saheb saꞌ xchꞌo̱l.

Hechos 16:15

Quixcꞌul li cubi haꞌ rochbeneb chixjunileb li cuanqueb saꞌ rochoch, ut quixye ke: —Cui nequepa̱b nak la̱in xinpa̱b li Ka̱cuaꞌ chi anchal inchꞌo̱l, naru nequexcana chi hila̱nc saꞌ li cuochoch, chan ke. Ut quirelaji ku chi cana̱c.

Hechos 11:29

Ut eb laj pa̱banel li cuanqueb Antioquía queꞌxcꞌu̱b ru nak teꞌxtenkꞌaheb laj pa̱banel li cuanqueb Judea. Queꞌxtenkꞌa aꞌ yal chanru quixqꞌue rib chiru li junju̱nk.

San Marcos 14:7

Li nebaꞌ junelic cuanqueb saꞌ e̱ya̱nk. Yalak jokꞌe naru te̱tenkꞌaheb. Abanan la̱in moco cua̱nkin ta junelic e̱riqꞌuin.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

San Mateo 12:50

Chixjunileb li teꞌba̱nu̱nk re li naraj lin Yucuaꞌ li cuan saꞌ choxa, aꞌaneb li cui̱tzꞌin, aꞌaneb li cuanab ut aꞌaneb lin naꞌ, chan.

San Mateo 10:42

Li ani tixqꞌue jun secꞌak rucꞌa junak reheb lin tzolom usta cubenak xcuanquil, cui tixqꞌue li rucꞌa xban nak aꞌan intzolom, relic chi ya̱l ninye e̱re nak li jun aꞌan tixcꞌul lix kꞌajca̱munquil.