2 Corintios 8:20 - Li Santil hu

²⁰ Yo̱co chixba̱nunquil li cꞌanjel aꞌin chi us re nak ma̱ ani ta̱cuechꞌok rix li kacꞌanjel nak toxic chixcanabanquil li nimla ma̱tan aꞌin.

Q'eqchi Bible

²⁰ Chi jo'kan naqaj naq maajun yooq chi xwech'b'al rix xk'ihal li kub'siil a'in li yooko chi xk'anjelankil.

2 Corintios 8:20 ပူးပေါင်းရင်းမြစ်များ

1 Ts 5:22

Ut chetzꞌekta̱na chixjunil li ma̱usilal.

Efesios 5:15

Cheqꞌuehak retal chanru le̱ yuꞌam. Me̱ba̱nu joꞌ nequeꞌxba̱nu li incꞌaꞌ useb xnaꞌleb. Cheba̱nuhak ban joꞌ nequeꞌxba̱nu li cuanqueb xnaꞌleb.

2 Corintios 11:12

Ut incꞌaꞌ tincanab xba̱nunquil li yo̱quin chixba̱nunquil xban nak cuan li nequeꞌxye nak juntakꞌe̱t lix cꞌanjeleb riqꞌuin lin cꞌanjel la̱in. Incꞌaꞌ tincanab cꞌanjelac chi ma̱tan xban nak incꞌaꞌ nacuaj nak teꞌxjuntakꞌe̱ta ribeb cuiqꞌuin.

1 Corintios 16:3

Ut te̱sicꞌ ruheb li ani teꞌxic Jerusalén chixcanabanquil li tumin. Ut nak tincuulak e̱riqꞌuin, tintzꞌi̱ba li hu teꞌxcꞌam nak teꞌxic Jerusalén chixkꞌaxtesinquil li tumin reheb laj pa̱banel.

Romanos 14:16

La̱at nacanau nak us li yo̱cat chixba̱nunquil, abanan chaqꞌuehak retal li cꞌaꞌru ta̱ba̱nu re nak ma̱ ani ta̱yehok nak incꞌaꞌ us li yo̱cat chixba̱nunquil.

San Mateo 10:16

Chenauhak nak la̱in tintakla̱nk e̱re saꞌ xya̱nkeb li xicꞌ nequeꞌiloc e̱re. Chanchanakex li carner saꞌ xya̱nkeb laj xoj. Se̱bak e̱chꞌo̱l joꞌcakex li cꞌantiꞌ ut ti̱cak e̱chꞌo̱l joꞌcakex li paloma.

2 Reyes 12:15

Incꞌaꞌ tento nak nequeꞌxbir rix li tumin li joꞌ qꞌuial nequeꞌxsach xban nak eb li cui̱nk aꞌan queꞌcꞌanjelac saꞌ xya̱lal ut ti̱queb xchꞌo̱l.

2 Corintios 8:19

Aꞌan li quixakaba̱c xbaneb laj pa̱banel re ta̱xic chikix nak toxic chixcanabanquil li ma̱tan aꞌin. Li ma̱tan aꞌin, aꞌan re xqꞌuebal xlokꞌal li Ka̱cuaꞌ ut re nak teꞌxnau li kech aj pa̱banelil nak nakaj xtenkꞌanquileb.

2 Corintios 8:21

Nakaqꞌue kachꞌo̱l chixba̱nunquil li cꞌaꞌru us; moco caꞌaj cuiꞌ ta chiru li Dios. Chiruheb aj ban cuiꞌ li cui̱nk.