2 Corintios 8:18 - Li Santil hu

¹⁸ Yo̱co chixtaklanquil jun chic li herma̱n e̱riqꞌuin rochben laj Tito. Aꞌan naꞌno ru xbaneb chixjunileb laj pa̱banel yalak bar xban nak cha̱bil li cꞌanjel naxba̱nu re xchꞌolobanquil lix ya̱lal li colba-ib.

Q'eqchi Bible

¹⁸ Rochb'een a'an xqataqla li qiitz'in li q'axal napatz'mank xk'ab'a' sa' chixjunileb' li Iklees xb'aan li chaab'il k'anjel naxb'aanu chirix li Chaab'il Esilal.

2 Corintios 8:18 ပူးပေါင်းရင်းမြစ်များ

2 Corintios 12:18

La̱in xintzꞌa̱ma chiru laj Tito nak ta̱xic e̱riqꞌuin ut xintakla li herma̱n chirix. ¿Ma xexbalakꞌi ta biꞌ laj Tito? ¿Ma incꞌaꞌ ta biꞌ junaj li kacꞌaꞌux cuochben laj Tito? ¿Ma incꞌaꞌ ta biꞌ junaj li kanaꞌleb?

2 Corintios 8:19

Aꞌan li quixakaba̱c xbaneb laj pa̱banel re ta̱xic chikix nak toxic chixcanabanquil li ma̱tan aꞌin. Li ma̱tan aꞌin, aꞌan re xqꞌuebal xlokꞌal li Ka̱cuaꞌ ut re nak teꞌxnau li kech aj pa̱banelil nak nakaj xtenkꞌanquileb.

1 Corintios 7:17

Li junju̱nk chicua̱nk joꞌ naraj li Dios. Us cui cuan a̱cuixakil nak xapa̱b li Cristo. Cui ma̱cꞌaꞌ a̱cuixakil, us ajcuiꞌ. Tatcana̱k joꞌ nak cuancat nak xatpa̱ban. Aꞌan aꞌin li nequebinchakꞌrabi cuiꞌ chixjunileb laj pa̱banel yalak bar.

2 Corintios 2:12

Nak quincuulac saꞌ li tenamit Troas chi cꞌanjelac chiru li Ka̱cuaꞌ, kꞌaxal queꞌxqꞌue xchꞌo̱l chirabinquil nak quinchꞌolob xya̱lal li colba-ib saꞌ xcꞌabaꞌ li Jesucristo.

Romanos 16:4

Usta xiu xiu chokꞌ reheb xcolbal rix lin yuꞌam, aban queꞌxqꞌue xchꞌo̱leb chintenkꞌanquil. Ninbantioxi chiruheb. Ma̱cuaꞌ caꞌaj cuiꞌ la̱in ninbantioxin chiruheb. Nequeꞌbantioxin aj ban cuiꞌ laj pa̱banel li ma̱cuaꞌeb aj judío.

1 Corintios 4:17

Aꞌan aj e nak xintakla e̱riqꞌuin laj Timoteo. Aꞌan tixjultica e̱re nak li cꞌaꞌru yo̱quin chixchꞌolobanquil chirix li Cristo, aꞌan ajcuiꞌ li yo̱quin chixba̱nunquil. Ninchꞌolob chi tzꞌakal lix ya̱lal yalak bar chiruheb chixjunileb laj pa̱banel. Laj Timoteo chanchan li cualal ut raro inban. Tzꞌakal re ru lix pa̱ba̱l saꞌ xcꞌabaꞌ li Jesucristo.

1 Corintios 16:3

Ut te̱sicꞌ ruheb li ani teꞌxic Jerusalén chixcanabanquil li tumin. Ut nak tincuulak e̱riqꞌuin, tintzꞌi̱ba li hu teꞌxcꞌam nak teꞌxic Jerusalén chixkꞌaxtesinquil li tumin reheb laj pa̱banel.