2 Corintios 8:12 - Li Santil hu

¹² Li ani na-ala saꞌ xchꞌo̱l xqꞌuebal xmayej, li Dios naxcꞌul lix mayej aꞌ yal joꞌ nimal cuan chiru. Li Dios incꞌaꞌ naxpatzꞌ li ma̱cꞌaꞌ chiru.

Q'eqchi Bible

¹² Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

2 Corintios 8:12 ပူးပေါင်းရင်းမြစ်များ

2 Corintios 9:7

Li junju̱nk tixqꞌue li joꞌ qꞌuial ta̱ala̱k saꞌ xchꞌo̱l xqꞌuebal. Incꞌaꞌ tixqꞌue chi ra saꞌ xchꞌo̱l, chi moco minbilak ta ru xban nak li Ka̱cuaꞌ naxra li ani naxqꞌue chi sa saꞌ xchꞌo̱l.

Éxodo 35:29

Chixjunileb laj Israel joꞌ cui̱nk joꞌ ixk, joꞌ qui-ala saꞌ xchꞌo̱leb tenkꞌa̱nc, queꞌxqꞌue lix mayejeb chi anchal xchꞌo̱leb re nak ta̱uxma̱nk li quixye li Ka̱cuaꞌ re laj Moisés. Joꞌcan nak queꞌxqꞌue lix mayejeb re lix cꞌanjel li Ka̱cuaꞌ.

1 Pedro 4:10

Chikajunilo jalan jala̱nk li cꞌaꞌru ta̱ru̱k takaba̱nu. Ac kama̱tan kama̱tan qꞌuebil ke chikaju̱nkal xban li Dios. Tento nak takatenkꞌa li kas ki̱tzꞌin riqꞌuin li cꞌaꞌru nocoru chixba̱nunquil re nak incꞌaꞌ ta̱cana̱k chi ma̱cꞌaꞌ rajbal li ma̱tan qꞌuebil ke xban li Dios.

Éxodo 35:5

Te̱xoc jun li mayej chokꞌ re li Ka̱cuaꞌ. Te̱qꞌue chi anchal e̱chꞌo̱l li joꞌ qꞌuial na-ala saꞌ e̱chꞌo̱l xqꞌuebal. Te̱qꞌue li oro, li plata, li bronce,

Éxodo 25:2

—Ye reheb laj Israel nak teꞌxxoc junak li cha̱bil mayej chokꞌ cue. Teꞌxqꞌue li joꞌ qꞌuial li na-ala saꞌ xchꞌo̱leb xqꞌuebal ut teꞌxqꞌue chi anchaleb xchꞌo̱l.

San Lucas 16:10

Li ani ti̱c xchꞌo̱l chixba̱nunquil li yal caꞌchꞌin, ti̱cak ajcuiꞌ xchꞌo̱l chixba̱nunquil li nabal. Ut li ani incꞌaꞌ ti̱c xchꞌo̱l chixba̱nunquil li yal caꞌchꞌin, incꞌaꞌ ajcuiꞌ ti̱cak xchꞌo̱l chixba̱nunquil li nabal.

Proverbios 19:22

Cuan xsahil xchꞌo̱leb li nequeꞌuxta̱nan u. Joꞌcan nak kꞌaxal us li nebaꞌil chiru li balakꞌic.

2 Crónicas 6:8

Ut li Dios quixye re laj David lin yucuaꞌ, “Us nak xacꞌoxla xyi̱banquil junak li templo re tineꞌxlokꞌoni cuiꞌ. Us xaba̱nu nak xacꞌoxla xyi̱banquil li templo.

2 Corintios 8:11

Joꞌcan nak us cui te̱choy xba̱nunquil li xetiquib junxil. Chi anchal e̱chꞌo̱l xetiquib tenkꞌa̱nc. Anakcuan te̱qꞌue li joꞌ nimal joꞌ chꞌinal naxqꞌue rib che̱ru.

2 Corintios 8:13

Incꞌaꞌ yo̱quin chixyebal aꞌin re nak li jun chꞌol teꞌtenkꞌa̱k chi nabal ut la̱ex texcana̱k chi ma̱cꞌaꞌ chic cuan e̱re. Nacuaj ban nak cua̱nk e̱re la̱ex ut cua̱nk ajcuiꞌ reheb li jun chꞌol chic re nak ma̱ ani ta̱cana̱k chi ma̱cꞌaꞌ cuan re.

2 Corintios 8:19

Aꞌan li quixakaba̱c xbaneb laj pa̱banel re ta̱xic chikix nak toxic chixcanabanquil li ma̱tan aꞌin. Li ma̱tan aꞌin, aꞌan re xqꞌuebal xlokꞌal li Ka̱cuaꞌ ut re nak teꞌxnau li kech aj pa̱banelil nak nakaj xtenkꞌanquileb.

Éxodo 35:24

Ut chixjunileb li cuanqueb plata malaj bronce riqꞌuineb, queꞌxcꞌam ut queꞌxmayeja re li Ka̱cuaꞌ. Ut chixjunileb li cuanqueb li cheꞌ acacia riqꞌuineb, queꞌxqꞌue chokꞌ xmayejeb re xyi̱banquil li cꞌaꞌak re ru re li tabernáculo.

San Mateo 25:17

Ut joꞌcan cuiꞌchic quixba̱nu li quicꞌuluc re li cuib mil pe̱s. Ut quire̱chani cuib mil pe̱s chic saꞌ xbe̱n li quixcꞌul.

San Mateo 25:22

Ut li mo̱s li quicꞌuluc re li cuib mil pe̱s quicuulac ut quixye: “Ka̱cuaꞌ, caqꞌue cue cuib mil pe̱s ut cuib mil pe̱s chic xcue̱chani chak saꞌ xbe̱n,” chan.