2 Corintios 7:8 - Li Santil hu

⁸ Usta xrahoꞌ inchꞌo̱l junxil nak xrahoꞌ e̱chꞌo̱l la̱ex xban li hu quintakla e̱riqꞌuin, abanan incꞌaꞌ nayotꞌeꞌ inchꞌo̱l nak quintakla xban nak ninnau nak junpa̱t ajcuiꞌ xrahoꞌ e̱chꞌo̱l xban.

Q'eqchi Bible

⁸ Us ta xinrahob'tesi eech'ool rik'in linhu, ab'an ink'a' ra naweek'a. Ut wi ra xweek'a junxil (xb'aan naq nink'e reetal naq li hu a'an xrahob'tesi eech'ool us ta yal jun k'amok ajwi'), anaqwan nasaho'k sa' li waanm:

2 Corintios 7:8 ပူးပေါင်းရင်းမြစ်များ

Apocalipsis 3:19

Li ani nequebinra, nintijeb ut ninkꞌuseb. Joꞌcan nak ninye e̱re nak jalomak e̱cꞌaꞌux ut qꞌuehomak e̱chꞌo̱l chinpa̱banquil.

2 Corintios 7:11

Qꞌuehomak retal chanru nak xextenkꞌa̱c xban nak xecuy li raylal joꞌ naraj li Dios. Quixqꞌue xcacuil e̱chꞌo̱l saꞌ le̱ pa̱ba̱l. Anakcuan nequeraj rilbal cuu ut nequeraj xpatzꞌbal xcuybal le̱ ma̱c. Nachal chic e̱joskꞌil ut e̱xiu xban li incꞌaꞌ us li nequeꞌxba̱nu li cuanqueb saꞌ e̱ya̱nk. Nequeraj nak laj ma̱c teꞌxtoj rix lix ma̱queb. Riqꞌuin chixjunil aꞌin nacꞌutun nak la̱ex ma̱cꞌaꞌ e̱ma̱c riqꞌuin li cꞌaꞌru quicꞌulman.

2 Corintios 7:6

Abanan li Dios naxcꞌojob xchꞌo̱leb li raheb saꞌ xchꞌo̱l. Ut aꞌan quixqꞌue xcacuilal kachꞌo̱l riqꞌuin lix cꞌulunic laj Tito.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

San Juan 16:6

Xrahoꞌ saꞌ e̱chꞌo̱l xban li cꞌaꞌru xinye e̱re.

Lamentaciones 3:32

Usta naxqꞌue xrahil kachꞌo̱l, abanan naruxta̱na ku xban nak kꞌaxal nim li ruxta̱n saꞌ kabe̱n.

2 Corintios 7:7

Moco caꞌaj cuiꞌ ta riqꞌuin xcꞌulunic laj Tito nak quisahoꞌ inchꞌo̱l. Riqꞌuin ban ajcuiꞌ rabinquil nak laj Tito sa saꞌ xchꞌo̱l e̱riqꞌuin. Quixserakꞌi ke nak la̱ex te̱raj rilbal cuu ut quixye cue nak xyotꞌeꞌ e̱chꞌo̱l nak xrahoꞌ inchꞌo̱l e̱ban. Ut quixye ajcuiꞌ cue nak niquine̱cꞌoxla. Kꞌaxal cuiꞌchic quisahoꞌ inchꞌo̱l chirabinquil aꞌan.

2 Corintios 7:9

Anakcuan nasahoꞌ saꞌ inchꞌo̱l. Moco xban ta nak xrahoꞌ e̱chꞌo̱l inban. Riqꞌuin ban nak xyotꞌeꞌ e̱chꞌo̱l ut xejal e̱cꞌaꞌux. Xecuy li raylal aꞌan joꞌ naraj li Dios. Anakcuan nequetau ru nak moco ra ta xkaba̱nu e̱re.

2 Corintios 7:12

Joꞌcan ut nak xintzꞌi̱ba li hu aꞌan incꞌaꞌ xinba̱nu saꞌ xcꞌabaꞌ li quiba̱nun ma̱usilal chi moco saꞌ xcꞌabaꞌ li quicꞌuluc raylal. Xinba̱nu ban re nak chicꞌutu̱nk chiru li Dios nak cꞌojcꞌo e̱chꞌo̱l cuiqꞌuin.