2 Corintios 7:4 - Li Santil hu

⁴ Cau inchꞌo̱l e̱riqꞌuin ut nasahoꞌ inchꞌo̱l xyebal e̱resilal. Cꞌojcꞌo inchꞌo̱l e̱ban. Usta yo̱quin chixcꞌulbal li raylal, abanan kꞌaxal sa saꞌ inchꞌo̱l.

Q'eqchi Bible

⁴ Ninye eere li yaal ut q'axal ninnima wu sa' eek'ab'a' laa'ex. K'ojk'o inch'ool ut numtajenaq xsahil li waanm sa' chixjunil li rahilal.

2 Corintios 7:4 ပူးပေါင်းရင်းမြစ်များ

2 Corintios 1:4

Naxcꞌojob kachꞌo̱l saꞌ chixjunil li karaylal re nak ta̱ru̱k takacꞌojob xchꞌo̱leb li cuanqueb saꞌ raylal. Joꞌ nak naxcꞌojob kachꞌo̱l li Dios la̱o, joꞌcan ajcuiꞌ nak takacꞌojob xchꞌo̱leb li cuanqueb saꞌ raylal.

2 Corintios 3:12

Xban nak nakanau nak lix lokꞌal li acꞌ yuꞌam ma̱cꞌaꞌ rosoꞌjic, joꞌcan nak kꞌaxal cau kachꞌo̱l chixchꞌolobanquil lix ya̱lal ut ma̱cꞌaꞌ nakamuk che̱ru.

Santiago 1:2

Ex inherma̱n, chisahokꞌ taxak saꞌ e̱chꞌo̱l riqꞌuin li raylal nequecꞌul. Yalak cꞌaꞌru li raylal nachal saꞌ e̱be̱n, aꞌan yal re xyalbal rix le̱ pa̱ba̱l.

Colosenses 1:24

La̱in nasahoꞌ saꞌ inchꞌo̱l nak yo̱quin chixcꞌulbal li raylal saꞌ e̱cꞌabaꞌ. Li Cristo quixye nak teꞌxcꞌul li raylal li ralal xcꞌajol. Joꞌcan nak nasahoꞌ saꞌ inchꞌo̱l nak yo̱quin chi tzꞌako̱nc riqꞌuin li raylal joꞌ quixcꞌul li Cristo saꞌ xcꞌabaꞌeb chixjunileb li nequeꞌpa̱ban re.

Filipenses 2:17

Cui tincamsi̱k xban nak xexintenkꞌa saꞌ le̱ pa̱ba̱l, ma̱cꞌaꞌ naxye. Ta̱sahokꞌ saꞌ inchꞌo̱l nak textzꞌako̱nk la̱ex riqꞌuin li sahil chꞌo̱lejil li tincꞌul la̱in.

1 Corintios 1:4

Junelic ninbantioxi chiru li Dios nak nintijoc che̱rix la̱ex ut ninbantioxi ajcuiꞌ chiru li Dios nak xema̱tani li rusilal li Dios saꞌ xcꞌabaꞌ li Jesucristo.

1 Ts 2:19

¿Cꞌaꞌru nakoybeni ut cꞌaꞌru lix saylal li kachꞌo̱l? ¿Ut cꞌaꞌru li tokꞌajca̱mu̱k cuiꞌ nak tol-e̱lk cuiꞌchic li Ka̱cuaꞌ Jesucristo? ¿Ma incꞌaꞌ ta biꞌ saꞌ e̱cꞌabaꞌ la̱ex takacꞌul li kakꞌajca̱munquil?

1 Ts 2:2

Usta ac xkacꞌul li rahobtesi̱c ut usta ac xohobeꞌ aran Filipos, abanan li Dios xqꞌuehoc xcacuil kachꞌo̱l chixyebal resil li colba-ib e̱re la̱ex. Incꞌaꞌ xoxucuac usta cuanqueb li kꞌaxal xicꞌ nequeꞌiloc ke.

Filipenses 1:20

Incꞌaꞌ nacuaj xxuta̱nobresinquil cuib riqꞌuin xba̱nunquil li cꞌaꞌak re ru incꞌaꞌ us. Nacuaj ban nak junelic cua̱nk xcacuilal inchꞌo̱l re xyebal resil li Jesucristo. Nacuaj xqꞌuebal xlokꞌal li Cristo anakcuan ut chi junelic riqꞌuin li ninba̱nu ut riqꞌuin ajcuiꞌ lin camic.

2 Corintios 11:21

¿Ma xuta̱nal ta biꞌ chokꞌ cue nak incꞌaꞌ naru ninba̱nu e̱re joꞌ nequeꞌxba̱nu eb aꞌan? Anakcuan tina̱tinak e̱riqꞌuin joꞌ nequeꞌxba̱nu li ma̱cꞌaꞌeb xnaꞌleb ut tinye e̱re aꞌin: Cui cuan li nequeꞌxnimobresi rib riqꞌuin lix yehom xba̱nuhom, ta̱ru̱k raj ajcuiꞌ tinnimobresi cuib la̱in.

2 Corintios 8:24

Nak teꞌcuulak e̱riqꞌuin checꞌulakeb saꞌ xya̱lal. Checꞌut chiruheb nak nequera le̱ rech aj pa̱banelil. Chi joꞌcan yalak bar ta̱qꞌuehekꞌ retal nak ya̱l li cha̱bil esil li xinye che̱rix.

2 Corintios 2:14

Nakabantioxi re li Dios xban nak yalak bar nocoxic li Cristo nacꞌamoc be chiku ut naxqꞌue kacuanquilal chi e̱lc chi us riqꞌuin chixjunil. Nak nakachꞌolob xya̱lal li Cristo, chanchan xbo̱c li sununquil ban li naxic yalak bar.

2 Corintios 1:14

Cuan tana li xetau ru ut cuan tana incꞌaꞌ. Abanan nacuaj nak te̱tau ru chi tzꞌakal nak la̱in x-apóstol li Jesucristo re nak sahak saꞌ e̱chꞌo̱l cuiqꞌuin nak tol-e̱lk li Jesucristo ut sahak ajcuiꞌ inchꞌo̱l la̱in e̱riqꞌuin la̱ex.

Romanos 5:3

Ut moco caꞌaj cuiꞌ ta nasahoꞌ kachꞌo̱l nak totzꞌako̱nk saꞌ lix lokꞌal li Dios. Nasahoꞌ aj ban cuiꞌ saꞌ kachꞌo̱l nak nakacꞌul li raylal. Nakanau nak riqꞌuin xcꞌulbal li raylal nakatzol li cuyuc.

Hechos 5:41

Ut eb li apóstol queꞌel chiruheb chi kꞌaxal sa saꞌ xchꞌo̱leb xban nak chiruheb aꞌan lokꞌ xcꞌulbal li raylal saꞌ xcꞌabaꞌ li Jesús.

2 Corintios 7:14

Nequenau nak junelic ninye e̱re lix ya̱lal. Ut incꞌaꞌ xincꞌut inxuta̱n nak xinye re laj Tito nak la̱ex cha̱bilex xban nak x-el ajcuiꞌ chi ya̱l li cꞌaꞌru xinye re laj Tito nak xecꞌut le̱ cha̱bilal chiru.

2 Corintios 10:8

Ma̱re nequecꞌoxla nak yo̱quin chixnimobresinquil cuib riqꞌuin lin cꞌanjel. Abanan lin cꞌanjel qꞌuebil cue xban li Ka̱cuaꞌ re nak texintenkꞌa. Ma̱cuaꞌ re e̱sachbal. Incꞌaꞌ nincꞌoxlac riqꞌuin li cꞌaꞌru ninba̱nu xban nak li Dios xqꞌue incuanquil chixba̱nunquil.

Filipenses 1:14

Ut nabaleb laj pa̱banel xeꞌxcacuubresi xchꞌo̱leb saꞌ xpa̱ba̱leb saꞌ xcꞌabaꞌ li Ka̱cuaꞌ xban nak xeꞌxqꞌue retal nak cau inchꞌo̱l usta cuanquin chi pre̱xil saꞌ xcꞌabaꞌ li Jesucristo. Ut nequeꞌxchꞌolob xya̱lal li ra̱tin li Dios chi ma̱cꞌaꞌ xxiuheb.

Filipenses 1:26

Nincꞌoxla nak tincuulak cuiꞌchic e̱riqꞌuin ut nak te̱ril cuiꞌchic cuu, ta̱sahokꞌ saꞌ le̱ chꞌo̱l saꞌ xcꞌabaꞌ li Jesucristo.

2 Ts 1:4

Joꞌcan nak kꞌaxal sa saꞌ kachꞌo̱l chixserakꞌinquil resil le̱ pa̱ba̱l reheb li nequeꞌpa̱ban re li Dios yalak bar. Nakaye reheb chanru nak nequexpa̱ban chi anchal e̱chꞌo̱l ut cau e̱chꞌo̱l nak yo̱quex chixcuybal xnumsinquil li raylal ut li ra xi̱cꞌ.

Filemón 1:7

At inherma̱n, cꞌajoꞌ nak nasahoꞌ ut nacꞌojla inchꞌo̱l nak xcuabi resil chanru nak nacaraheb laj pa̱banel ut nacaqꞌue xcacuilal xchꞌo̱leb.