2 Corintios 7:2 - Li Santil hu

² Nintzꞌa̱ma che̱ru nak choe̱ra. Ma̱cꞌaꞌ xkaba̱nu e̱re. Ma̱ ani xkaba̱nu raylal re ut ma̱ ani xkapoꞌ xchꞌo̱l ut ma̱ ani xkabalakꞌi.

Q'eqchi Bible

² K'ehomaq qana'aj sa' leeraanm! Maa'ani xqarahob'tesi xch'ool, maa'ani xqasach, maa'ani xqab'alaq'i.

2 Corintios 7:2 ပူးပေါင်းရင်းမြစ်များ

2 Corintios 11:9

Nak quincuan chak e̱riqꞌuin, cuan nak ma̱cꞌaꞌ cuan cue. Abanan incꞌaꞌ xexinchꞌiꞌchꞌiꞌi riqꞌuin intzacae̱mk. Nak queꞌcuulac li herma̱n aj Macedonia, aꞌan eb queꞌqꞌuehoc intumin. Joꞌcan nak incꞌaꞌ quinqꞌue saꞌ e̱be̱n xqꞌuebal intzacae̱mk chi moco tinqꞌue saꞌ e̱be̱n anakcuan.

Hechos 20:33

La̱ex nequenau nak la̱in incꞌaꞌ xinrahi ru lix tumin jalan, chi moco lix biomal, chi moco li rakꞌeb.

2 Juan 1:10

Cui nacuulac junak e̱riqꞌuin ut nequenau nak jalan li yo̱ chixchꞌolobanquil che̱ru chiru li quixchꞌolob li Jesucristo, me̱cꞌul saꞌ le̱ rochoch chi moco te̱ye re nak li Dios chi-osobtesi̱nk re.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

San Mateo 10:40

Li ani ta̱cꞌuluk e̱re la̱ex, tinixcꞌul ajcuiꞌ la̱in. Ut li ani ta̱cꞌuluk cue, tixcꞌul ajcuiꞌ li xtaklan chak cue.

San Mateo 10:14

Ut yalak ani incꞌaꞌ ta̱cꞌuluk e̱re chi moco ta̱rabi le̱ ra̱tin, nak tex-e̱lk saꞌ li cab aꞌan, malaj ut saꞌ li tenamit, te̱chikꞌchikꞌi li poks cuan che̱rok chokꞌ retalil nak incꞌaꞌ chic texcꞌoxlak chirix li naꞌajej aꞌan.

Números 16:15

Riqꞌuin li cꞌaꞌru queꞌxye, queꞌxchikꞌ xjoskꞌil laj Moisés ut quixye re li Ka̱cuaꞌ: —At Ka̱cuaꞌ, ma̱cꞌul taxak lix mayejeb. La̱in ma̱cꞌaꞌ xinmakꞌ chiruheb. La̱in incꞌaꞌ xinmakꞌ lix bu̱r chiruheb chi moco xinba̱nu raylal reheb.—

Filemón 1:17

La̱at nacanau nak la̱in a̱cuech aj cꞌanjelil. Joꞌcan nak chacꞌulak laj Onésimo joꞌ nak niquina̱cꞌul la̱in.

Filemón 1:12

Tintakla cuiꞌchic a̱cuiqꞌuin ut nak ta̱cꞌul aꞌan, chanchan ajcuiꞌ nak tina̱cꞌul la̱in.

1 Ts 2:10

La̱ex nequenau chi tzꞌakal, ut naxnau ajcuiꞌ li Dios, chanru nak cocuan saꞌ santilal ut saꞌ ti̱quilal saꞌ e̱ya̱nk. Ma̱cꞌaꞌ cꞌaꞌru cokꞌuseꞌ cuiꞌ nak cocuan saꞌ e̱ya̱nk la̱ex aj pa̱banel.

Colosenses 4:10

Laj Aristarco li cuochben nak cuanco saꞌ tzꞌalam naxtakla ajcuiꞌ xsahil e̱chꞌo̱l. Naxtakla ajcuiꞌ xsahil e̱chꞌo̱l laj Marcos li rechꞌalal laj Bernabé. Ac xintakla xyebal e̱re nak ta̱cuulak laj Marcos e̱riqꞌuin. Nak ta̱cuulak e̱riqꞌuin, checꞌulak saꞌ xya̱lal chi sa saꞌ e̱chꞌo̱l.

Filipenses 2:29

Checꞌulak chi kꞌaxal sa saꞌ e̱chꞌo̱l xban nak kech aj pa̱banelil kib. Cheqꞌuehak xlokꞌal eb laj pa̱banel joꞌ li jun aꞌan.

2 Corintios 11:16

Jun sut chic tinye e̱re nak cherabihak li cꞌaꞌru tinye. Ma̱ jun taxak e̱re tixcꞌoxla nak ma̱cꞌaꞌ innaꞌleb. Abanan cui nequecꞌoxla nak ma̱cꞌaꞌ innaꞌleb, cherabi li cua̱tin joꞌ nak nequex-abin chiruheb li ma̱cꞌaꞌeb xnaꞌleb. ¿Ma incꞌaꞌ ta biꞌ raj ta̱ru̱k tina̱tinak chirix lin cuanquil la̱in?

2 Corintios 4:2

Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

2 Corintios 1:12

Kꞌaxal nasahoꞌ kachꞌo̱l xban nak nakanau nak saꞌ ti̱quilal nococuan saꞌ ruchichꞌochꞌ. Ut chi anchal kachꞌo̱l xocuan saꞌ ti̱quilal nak xocuan e̱riqꞌuin la̱ex. Moco xban ta nak cuan kanaꞌleb kajunes la̱o nak cuanco saꞌ ti̱quilal. Li Dios ban natenkꞌan ke riqꞌuin lix nimal ruxta̱n.

San Lucas 10:8

Nak texcꞌulekꞌ saꞌ junak tenamit, checꞌulak ut chetzaca li cꞌaꞌru ta̱qꞌuehekꞌ e̱re.