2 Corintios 7:13 - Li Santil hu

¹³ Xban nak xeba̱nu li cꞌaꞌru xinye e̱re, quicꞌojla lin chꞌo̱l. Ut kꞌaxal cuiꞌchic nasahoꞌ lin chꞌo̱l riqꞌuin lix sahil xchꞌo̱l laj Tito e̱riqꞌuin la̱ex nak xeqꞌue xcacuilal xchꞌo̱l.

Q'eqchi Bible

¹³ A'an a'in li xk'ojob'ank qach'ool. Ut q'axal wi' chik xsaho'k sa' li qaanm rik'in xsahil xch'ool laj Tito, xb'aan naq xk'ojlaak xch'ool eeb'aan chejunilex.

2 Corintios 7:13 ပူးပေါင်းရင်းမြစ်များ

2 Corintios 7:6

Abanan li Dios naxcꞌojob xchꞌo̱leb li raheb saꞌ xchꞌo̱l. Ut aꞌan quixqꞌue xcacuilal kachꞌo̱l riqꞌuin lix cꞌulunic laj Tito.

1 Corintios 16:13

Michꞌinan e̱chꞌo̱l saꞌ le̱ pa̱ba̱l. Cauhak taxak e̱chꞌo̱l chi pa̱ba̱nc ut me̱qꞌue e̱rib chi a̱le̱c. Yoꞌon cua̱nkex ut chepa̱bak li Ka̱cuaꞌ chi anchal e̱chꞌo̱l, usta nachal raylal saꞌ e̱be̱n.

1 Corintios 12:26

Cui junak xchaꞌal li tzꞌejcualej ra naxcꞌul, narahoꞌ ajcuiꞌ chixjunil li tzꞌejcualej. Ut cui junak xchaꞌal li tzꞌejcualej naqꞌueheꞌ xlokꞌal, chixjunil li tzꞌejcualej naqꞌueman ajcuiꞌ xlokꞌal.

Romanos 15:32

Cui li Dios naraj, chincuulak ta e̱riqꞌuin chi sa saꞌ inchꞌo̱l. Ut chisahokꞌ taxak kachꞌo̱l saꞌ comonil riqꞌuin xjulticanquil li Cristo nak toxincua̱nk e̱riqꞌuin.

1 Pedro 3:8

Ut tinye ajcuiꞌ e̱re, chexcua̱nk che̱junilex chi junajak le̱ chꞌo̱l ut chi junajak le̱ cꞌaꞌux. Cherahak e̱rib che̱ribil e̱rib. Chetokꞌoba e̱ru che̱ribil e̱rib ut kꞌunak le̱ chꞌo̱l.

Filemón 1:20

Joꞌcan ut herma̱n, ba̱nu li usilal aꞌin saꞌ xcꞌabaꞌ li Ka̱cuaꞌ. Ut li usilal nintzꞌa̱ma cha̱cuu, aꞌan nak ta̱cꞌul laj Onésimo saꞌ xya̱lal. Chacꞌojob taxak inchꞌo̱l xban nak la̱o aj pa̱banel ut kacomon kib saꞌ xcꞌabaꞌ li Jesucristo.

2 Timoteo 1:16

Caꞌaj chic laj Onesíforo qꞌuila sut colinril saꞌ tzꞌalam ut quixcꞌojob inchꞌo̱l ut incꞌaꞌ quixuta̱nac xban nak bacꞌbo̱quin chi cadena. Aꞌ taxak li Ka̱cuaꞌ Dios chi-osobtesi̱nk re li jun cabal aꞌan.

Filipenses 2:28

Joꞌcan nak nacuaj xtaklanquil chi junpa̱t e̱riqꞌuin re nak ta̱sahokꞌ saꞌ e̱chꞌo̱l nak te̱ril cuiꞌchic ru. Ut ta̱sahokꞌ ajcuiꞌ saꞌ inchꞌo̱l la̱in nak ta̱cuulak e̱riqꞌuin. La̱in ninnau nak aꞌan chic ta̱tenkꞌa̱nk e̱re.

2 Corintios 7:15

Ut laj Tito kꞌaxal cuiꞌchic nequexra nak najulticoꞌ re chanru nak xecꞌul aꞌan saꞌ xya̱lal ut xeqꞌue xcuanquil nak xeba̱nu li cꞌaꞌru quixye e̱re.

2 Corintios 2:13

Abanan nak quincuulac Troas quirahoꞌ inchꞌo̱l xban nak ma̱ ani aran li kaherma̱n Tito chixyebal cue chanru cuanquex. Joꞌcan nak quinchakꞌrabiheb ut quincꞌulun arin saꞌ li naꞌajej Macedonia.

2 Corintios 2:3

Joꞌcan nak xintzꞌi̱ba li hu li xintakla e̱riqꞌuin. Incꞌaꞌ xco̱in e̱riqꞌuin xban nak incꞌaꞌ xcuaj xrahoꞌ inchꞌo̱l e̱ban la̱ex li xeqꞌue raj xsahil inchꞌo̱l. Ninnau nak nasahoꞌ ajcuiꞌ e̱chꞌo̱l la̱ex cui sa saꞌ inchꞌo̱l la̱in.

Romanos 12:15

Chisahokꞌ saꞌ e̱chꞌo̱l riqꞌuineb li saheb saꞌ xchꞌo̱l. Ut chiyotꞌekꞌ ajcuiꞌ e̱chꞌo̱l riqꞌuineb li nequeꞌyotꞌeꞌ xchꞌo̱l xban li raylal li yo̱queb chixcꞌulbal.

1 Corintios 16:18

Queꞌxqꞌue xcacuil inchꞌo̱l. Chanru nak xextenkꞌa̱c la̱ex xbaneb, joꞌcan ajcuiꞌ nak xineꞌxtenkꞌa la̱in. Joꞌcan nak che-oxlokꞌiheb li herma̱n aꞌan.

2 Corintios 7:14

Nequenau nak junelic ninye e̱re lix ya̱lal. Ut incꞌaꞌ xincꞌut inxuta̱n nak xinye re laj Tito nak la̱ex cha̱bilex xban nak x-el ajcuiꞌ chi ya̱l li cꞌaꞌru xinye re laj Tito nak xecꞌut le̱ cha̱bilal chiru.

Filemón 1:7

At inherma̱n, cꞌajoꞌ nak nasahoꞌ ut nacꞌojla inchꞌo̱l nak xcuabi resil chanru nak nacaraheb laj pa̱banel ut nacaqꞌue xcacuilal xchꞌo̱leb.