2 Corintios 7:1 - Li Santil hu

¹ Joꞌcan ut ex inherma̱n, chixjunil aꞌin yechiꞌinbil ke la̱o. Joꞌcan nak chikacanabak chixjunil li ma̱usilal li namuxuc ru li katibel ut li ka̱m. Xban nak nakaxucua ru li Dios chikaqꞌue kachꞌo̱l chi cua̱nc saꞌ santilal.

Q'eqchi Bible

¹ Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

2 Corintios 7:1 ပူးပေါင်းရင်းမြစ်များ

1 Ts 4:7

Li Dios incꞌaꞌ quixsicꞌ ku re nak yo̱ko chixba̱nunquil li ma̱usilal. Quixsicꞌ ban ku re nak tocua̱nk saꞌ santilal.

1 Pedro 2:11

Ex inherma̱n, raro̱quex inban. La̱ex yal numelex arin saꞌ ruchichꞌochꞌ. La̱in nintzꞌa̱ma che̱ru nak me̱ba̱nu chic li ma̱usilal li queba̱nu chak junxil xban nak aꞌan caꞌaj cuiꞌ xpoꞌbal ru le̱ cꞌaꞌux naxba̱nu.

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Santiago 4:8

Cauhak e̱chꞌo̱l riqꞌuin li Dios ut li Dios ta̱tenkꞌa̱nk e̱re. La̱ex aj ma̱c, jalomak e̱cꞌaꞌux. Me̱ba̱nu chic li ma̱usilal. Joꞌcan ajcuiꞌ la̱ex li yal cuib e̱chꞌo̱l saꞌ le̱ pa̱ba̱l, yotꞌomak e̱chꞌo̱l ut jalomak e̱cꞌaꞌux re nak li Dios tixti̱cobresi le̱ chꞌo̱l.

Salmos 51:10

Chajal taxak li cua̱m ut ta̱ti̱cobresi taxak lin chꞌo̱l. Cha-acꞌobresi taxak lin cꞌaꞌux re nak cha̱bilak chic lin naꞌleb.

1 Juan 3:3

Li ani yo̱ chiroybeninquil lix cꞌulunic li Cristo, aꞌan naxsakobresi li ra̱m saꞌ ti̱quilal joꞌ li Ka̱cuaꞌ Jesucristo ti̱c xchꞌo̱l.

1 Ts 5:23

Aꞌ taxak li Dios li naqꞌuehoc tuktu̱quil usilal chisantobresi̱nk e̱re chi tzꞌakal ut aꞌan taxak chi-osobtesi̱nk re le̱ ra̱m, le̱ cꞌaꞌux ut le̱ rok e̱rukꞌ re nak texcua̱nk chi tzꞌakal e̱re e̱ru chi ma̱cꞌaꞌak e̱kꞌusbal saꞌ xcꞌulunic li Ka̱cuaꞌ Jesucristo.

1 Pedro 1:22

Saꞌ xcꞌabaꞌ li Santil Musikꞌej chꞌajobresinbil le̱ ra̱m riqꞌuin nak nequepa̱b li tzꞌakal ya̱l. Riqꞌuin aꞌin naru te̱raheb li herma̱n ut incꞌaꞌ te̱ra e̱rib chi yal xcab rix e̱chꞌo̱l. Te̱ra ban e̱rib chi tzꞌakal.

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

1 Corintios 6:20

Lokꞌbilex chic chi terto e̱tzꞌak. Joꞌcan nak ti̱cak le̱ yuꞌam ut chelokꞌoni li Dios xban nak rehex chic.

1 Juan 1:7

Ut cui nakaba̱nu li cꞌaꞌru naraj li Dios, joꞌ naxcꞌutbesi chiku li Cristo, cuanco chic chi sum a̱tin chi kibil kib. Ut lix quiqꞌuel li Jesucristo li Ralal li Dios naxchꞌajobresi li ka̱m ut narisi chixjunil li kama̱c.

Hebreos 4:1

Li Dios toj yo̱ ajcuiꞌ chixyechiꞌinquil li oc chi hila̱nc saꞌ li cha̱bil naꞌajej. Abanan chikaba̱nu cue̱nt re nak ma̱ jun taxak saꞌ kaya̱nk incꞌaꞌ ta̱oc saꞌ li hiloba̱l aꞌan.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

San Mateo 5:48

Ti̱cak biꞌ e̱chꞌo̱l joꞌ le̱ Yucuaꞌ li cuan saꞌ li choxa ti̱c xchꞌo̱l.

San Mateo 5:8

Us xak reheb li ti̱queb xchꞌo̱l xban nak eb aꞌan teꞌril ru li Dios.

Salmos 119:9

At inDios, ¿chanru nak ta̱ru̱k teꞌcua̱nk saꞌ ti̱quilal cha̱cuu li toj sa̱jeb? Naru nequeꞌcuan saꞌ ti̱quilal riqꞌuin xba̱nunquil li cꞌaꞌru naxye la̱ cua̱tin.

1 Juan 1:9

Cui nakaxo̱to li kama̱c chiru li Dios, relic chi ya̱l nak aꞌan ti̱c xchꞌo̱l chixcuybal chixsachbal li kama̱c, ut ta̱risi chixjunil li kama̱usilal.

Efesios 2:3

Joꞌcan ajcuiꞌ la̱o aj judío. Junxil xkaba̱nu chak li ma̱usilal li naxrahi ru li kachꞌo̱l xba̱nunquil. Xkaba̱nu li incꞌaꞌ us li xkaj xba̱nunquil kajunes. Joꞌcan nak tento raj takacꞌul xtojbal li kama̱c joꞌ eb chixjunileb li incꞌaꞌ nequeꞌraj pa̱ba̱nc.

Romanos 5:20

Li chakꞌrab quiqꞌueheꞌ re xcꞌutbal nak numtajenak li ma̱c. Ut nak quinumta li ma̱c, kꞌaxal cuiꞌchic quinumta li rusilal li Dios saꞌ xbe̱n li ma̱c.

Isaías 1:16

Yi̱bomak le̱ yuꞌam. Ti̱cobresihomak le̱ chꞌo̱l. Canabomak li ma̱cobc. Ut me̱ba̱nu chic li ma̱usilal.

Proverbios 30:12

Cuanqueb li nequeꞌxcꞌoxla nak tzꞌakal re ru lix yuꞌameb, abanan toj ma̱jiꞌ cuybil sachbil lix ma̱queb.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

Hebreos 12:28

Chikabantioxi chiru nak tocua̱nk riqꞌuin li Dios chi junelic saꞌ lix nimajcual cuanquilal. Aꞌan ma̱ jaruj ta̱osokꞌ. Cua̱nk ban chi junelic. Takalokꞌoni li Dios chi anchal kachꞌo̱l xban nak caꞌaj cuiꞌ aꞌan xcꞌulub lokꞌoni̱c. Kaqꞌuehak kachꞌo̱l chixba̱nunquil li cꞌaꞌru naraj aꞌan ut takaxucua ru.

Hebreos 12:23

Junaj chic e̱ru la̱ex aj pa̱banel. Ut tzꞌi̱banbil le̱ cꞌabaꞌ saꞌ choxa. Textzꞌako̱nk saꞌ choxa e̱rochbeneb li ti̱queb xchꞌo̱l li ac tzꞌakobresinbil ruheb xban li Dios. Cuanquex chi sum a̱tin riqꞌuin li Dios li ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ.

1 Ts 3:13

Aꞌ taxak li Dios li kaYucuaꞌ chiqꞌuehok xcacuil e̱chꞌo̱l. Tzꞌakalak taxak re ru le̱ pa̱ba̱l. Ma̱cꞌaꞌak taxak e̱ma̱c chiru li Dios nak ta̱cha̱lk li Jesucristo rochbeneb li ac colbileb.

2 Corintios 1:20

Chixjunil li yechiꞌinbil ke xban li Dios, nakacꞌul saꞌ xcꞌabaꞌ li Jesucristo. Joꞌcan nak saꞌ xcꞌabaꞌ li Jesucristo nakaye “joꞌcan taxak” re xqꞌuebal xlokꞌal li Dios.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

San Mateo 12:33

Joꞌcan ajcuiꞌ cui cha̱bil junak cheꞌ, cha̱bil ajcuiꞌ li ru. Cui incꞌaꞌ us li cheꞌ, li ru incꞌaꞌ ajcuiꞌ us. Ut riqꞌuin li naru̱chin, nanaꞌli ru li cheꞌ.

Jeremías 13:27

La̱in xinqꞌue retal li ma̱usilal nequeba̱nu. La̱in xcuil nak nequelokꞌoniheb li jalanil dios saꞌ eb li tzu̱l ut saꞌ eb li ru takꞌa. Chanchanex li nequeꞌxmux ru xsumlajiqueb. Ta̱cha̱lk li raylal saꞌ e̱be̱n la̱ex li cuanquex Jerusalén. La̱ex incꞌaꞌ nequecanab xba̱nunquil li ma̱usilal. ¿Joꞌ najtil chic texcua̱nk saꞌ li ma̱usilal? chan li Dios.

Jeremías 4:14

La̱ex aj Jerusalén, canabomak xba̱nunquil li ma̱usilal re nak naru texcolekꞌ. ¿Joꞌ najtil chic toj yo̱kex xcꞌoxlanquil xba̱nunquil li ma̱usilal?

Proverbios 20:9

Ma̱ ani naru nayehoc re nak tzꞌakal re ru li ra̱m. Incꞌaꞌ naru naxye nak ma̱cꞌaꞌ chic li ma̱c riqꞌuin.

Salmos 19:9

Cꞌajoꞌ xlokꞌal xxucuanquil ru li Ka̱cuaꞌ ut xakxo xcuanquil chi junelic. Li Ka̱cuaꞌ Dios, aꞌan junelic narakoc a̱tin saꞌ ti̱quilal ut saꞌ xya̱lal.

2 Crónicas 19:9

Ut quixye reheb: —Tento nak te̱xucua ru li Ka̱cuaꞌ ut texcꞌanjelak saꞌ ti̱quilal ut chi anchal e̱chꞌo̱l.

Eclesiastés 11:10

Checanabak xcꞌoxlanquil li cꞌaꞌak re ru nachꞌiꞌchꞌiꞌin e̱re joꞌ ajcuiꞌ li chꞌaꞌajquilal. Chenauhak nak incꞌaꞌ najt texcua̱nk saꞌ le̱ sa̱jilal. Joꞌcan nak ma̱cꞌaꞌ na-oc cuiꞌ li cꞌaꞌru te̱ba̱nu.

Hebreos 6:9

Ex inherma̱n, usta xkaye chi joꞌcan, ninnau nak la̱ex moco joꞌcanex ta chic anakcuan. Cha̱bil chic le̱ naꞌleb xban nak colbilex.

1 Pedro 1:15

Aban ti̱cak taxak le̱ chꞌo̱l ut cha̱bilak taxak le̱ yehom e̱ba̱nuhom xban nak ti̱c xchꞌo̱l li Dios li quisicꞌoc e̱ru chokꞌ ralal xcꞌajol.

1 Pedro 1:17

La̱ex nequeye “at inYucuaꞌ” re li Dios nak nequextijoc. Ut li Dios natzꞌiloc a̱tin chirix li junju̱nk aꞌ yal chanru lix yehom xba̱nuhom. Aꞌan incꞌaꞌ naxsiqꞌueb ru. Jun xiquic ban naxba̱nu. Joꞌcan nak chexucua̱k ru li Dios junelic, aꞌ yal joꞌ najtil texcua̱nk saꞌ li ruchichꞌochꞌ aꞌin.

Levítico 13:58

Cui tixpuchꞌ li tꞌicr aꞌan malaj ut li tzꞌu̱m ut ta̱e̱lk li moꞌ chiru, tento cuiꞌchic xpuchꞌbal xcaꞌ sut re nak ta̱e̱lk chi junaj cua li moꞌ chiru.